- સામાન્ય ઉપયોગમાં આવતી અનેક દવાઓ નિમ્ન ક્વોલિટીની
- પેરાસિટામોલ સહિતની અનેક દવાઓ પરિક્ષણમાં ફેઇલ થઇ
- મલ્ટી વિટામીન સહિતની અનેક ગોળીઓ નિમ્ન ક્વોલિટીની સાબિત થઇ
Paracetamol Fail Quality Test : સેન્ટ્રલ ડ્રગ્સ સ્ટાન્ડર્ડ્સ કંટ્રોલ ઓર્ગેનાઈઝેશન (CDSCO) દ્વારા માસિક ડ્રગ એલર્ટ ઇશ્યું કર્યું છે. જેમાં ચેતવણી આપવામાં આવી છે કે, પેરાસિટામોલ સહિત 53 દવાઓ ગુણવત્તા પરીક્ષણમાં નિષ્ફળ ગઈ છે.
આ પણ વાંચો : પાકિસ્તાની ભિખારીઓથી સાઉદી અરેબિયા પરેશાન, કહ્યું થોડી તો શરમ કરો
પ્રસિદ્ધ 53 દવાઓ પરિક્ષણમાં ફેલ
53 Drugs Failed Quality Test : જો તમને તાવ આવે કે શરીરમાં દુખાવો થાય ત્યારે તરત જ પેરાસિટામોલનું સેવન કરો છો. તો સાવચેત રહેજો. દેશના ડ્રગ રેગ્યુલેટર સેન્ટ્રલ ડ્રગ્સ સ્ટાન્ડર્ડ્સ કંટ્રોલ ઓર્ગેનાઈઝેશન (CDSCO) એ નવીનતમ માસિક રિપોર્ટ જાહેર કર્યો છે. જેમાં પેરાસીટામોલ સહિતની 53 દવાઓ ક્વોલિટી ટેસ્ટમાં ફેલ થઈ છે. આ દવાઓમાં કેલ્શિયમ અને વિટામિન D3 સપ્લીમેન્ટ્સ, ડાયાબિટીસ વિરોધી ગોળીઓ અને હાઈ બ્લડ પ્રેશર માટેની દવાઓનો પણ સમાવેશ થાય છે. આ રિપોર્ટથી સામાન્ય માણસના સ્વાસ્થ્યને લઈને ચિંતા વધી ગઈ છે.
આ પણ વાંચો : India વિશ્વનો ત્રીજો સૌથી શક્તિશાળી દેશ, આ રીતે ચીન-જાપાને આપી માત
દવાઓ નોટ ઓફ સ્ટાન્ડર્ડ
CDSCO એ આ 53 દવાઓને નોટ ઓફ સ્ટાન્ડર્ડ ક્વોલિટી (NSQ) એલર્ટ જાહેર કરી છે. NSQ ચેતવણીઓ રાજ્યના દવા અધિકારીઓ દ્વારા હાથ ધરવામાં આવેલા રેન્ડમ માસિક નમૂનામાંથી જનરેટ થાય છે. જે દવાઓ ગુણવત્તા પરીક્ષણમાં પાસ થઈ નથી તેમાં વિટામિન સી અને ડી3 ગોળીઓ શેલ્કલ, વિટામિન બી કોમ્પ્લેક્સ અને વિટામિન સી સોફ્ટજેલ્સ, એન્ટિએસીડ પાન-ડી, પેરાસિટામોલ ટેબ્લેટ IP 500 મિલિગ્રામ, ડાયાબિટીસની દવા ગ્લિમેપીરાઈડનો સમાવેશ થાય છે.
આ પણ વાંચો : Gujarat હાઇકોર્ટ ખાતે સુરત જેવા એક કારનામાને અંજામ આપનારા PI પોલીસ બેડામાં હોટ ટોપિક બન્યા
કઈ કંપનીઓ આ દવાઓ બનાવે છે?
આ દવાઓ Hetero Drugs, Alkem Laboratories, Hindustan Antibiotics Limited, Karnataka Antibiotics and Pharmaceuticals Limited, Meg Lifesciences અને Pure and Cure Healthcare જેવી કંપનીઓ દ્વારા બનાવવામાં આવે છે. પેટના ચેપને તપાસવા માટે વ્યાપકપણે ઉપયોગમાં લેવાતી દવા મેટ્રોનીડાઝોલ પણ ગુણવત્તા પરીક્ષણમાં નિષ્ફળ ગઈ છે. આ દવા PSU કંપની હિન્દુસ્તાન એન્ટિબાયોટિક લિમિટેડ દ્વારા બનાવવામાં આવી છે. પરંતુ, આ કંપનીઓ આની જવાબદારી લેતી હોય તેવું લાગતું નથી.
More than 50 drugs, including paracetamol, calcium and vitamin D3 supplements, anti-diabetes pills, and high blood pressure medicines have failed quality tests by India’s drug regulator.#Paracetamol #DrugQualityTest #CDSCO pic.twitter.com/v4bQXCEXSX
— Rakesh chaudhari (@Rakeshchau58578) September 25, 2024
કંપનીઓ જવાબદારી લેવાનું ટાળી રહી છે
દવા નિયમનકારે ગુણવત્તા પરીક્ષણમાં નિષ્ફળ રહેલી દવાઓની બે યાદી બહાર પાડી છે. પ્રથમ યાદીમાં 48 લોકપ્રિય દવાઓના નામ છે. તે જ સમયે, બીજી સૂચિમાં 5 દવાઓનો સમાવેશ કરવામાં આવ્યો છે. જેમાં તે ફાર્માસ્યુટિકલ કંપનીઓ માટે જવાબ વિભાગ પણ રાખવામાં આવ્યો છે. જે ગુણવત્તા પરીક્ષણમાં નિષ્ફળ ગઈ છે. પરંતુ, આ અંગે આવી રહેલા પ્રતિભાવો દર્શાવે છે કે, આ કંપનીઓ દવાઓને નકલી ગણાવીને જવાબદારી લેવાનો ઇનકાર કરી રહી છે. હવે જોવાનું એ રહે છે કે આ કંપનીઓ સામે શું કાર્યવાહી થાય છે.
આ પણ વાંચો : Pm Giorgia Meloni અને એલોન મસ્ક શું ડેટ કરી રહ્યા? જુઓ વીડિયો…
