જમ્મુ-કાશ્મીર (Jammu and Kashmir)ના રામબન જિલ્લામાં ભારતીય સેના અને પોલીસે મોટી દુર્ઘટના ટળી છે. ખરેખર, અમરનાથ યાત્રાથી પરત ફરી રહેલી બસની બ્રેક ફેલ થઈ ગઈ હતી. આનાથી ડરીને મુસાફરો બસમાંથી કૂદવા લાગ્યા હતા. આ યાત્રાળુઓ પંજાબના હતા. બસ ખાઈમાં પડે તે પહેલા ભારતીય સેનાએ જમ્મુ-કાશ્મીર (Jammu and Kashmir) પોલીસ સાથે મળીને વાહનની નીચે પથ્થરો મૂકીને બસને રોકી હતી. સુરક્ષા દળોની ત્વરિત કાર્યવાહીને કારણે નેશનલ હાઈવે-44 પર મોટી દુર્ઘટના ટળી હતી.
બસમાંથી કૂદતા મુસાફરોનો વીડિયો સોશિયલ મીડિયા પર વાયરલ થઈ રહ્યો છે. વિડિયોમાં, કેટલાય શ્રદ્ધાળુઓ ચાલતી બસમાંથી કૂદતા જોઈ શકાય છે જ્યારે સુરક્ષા દળો વાહનને ખાઈમાં પડતા રોકવાના પ્રયાસમાં તેની પાછળ દોડી રહ્યા હતા. આ દરમિયાન બસમાંથી કૂદી પડેલા ઓછામાં ઓછા 10 શ્રદ્ધાળુઓ ઘાયલ થયા હતા. અધિકારીઓએ જણાવ્યું કે આ ઘટના ત્યારે બની જ્યારે ડ્રાઈવરે મુસાફરોને બસની બ્રેક ફેઈલ થઈ ગઈ હોવાની જાણ કરી. અધિકારીઓએ જણાવ્યું કે આ ઘટનામાં કોઈના મોતના સમાચાર નથી.
A video surfaces showing #Amarnath pilgrims jumping out from moving bus after breaks failed on a slope, police & security forces stopped the bus with tedious efforts, saving many precious lives .
#AmarnathYatra #JammuAndKashmir https://t.co/0fgQUN9V07 pic.twitter.com/TXHURzDZWA
— Jammu Tweeter (@jammu_tweeter) July 2, 2024
બસમાં 40 યાત્રાળુઓ મુસાફરી કરી રહ્યા હતા…
અધિકારીઓએ જણાવ્યું કે, બસમાં 40 શ્રદ્ધાળુઓ હતા જેઓ પંજાબના હોશિયારપુર પરત ફરી રહ્યા હતા. તેમણે કહ્યું કે બનિહાલ નજીક નચલાના પહોંચતા સમયે ડ્રાઇવરે બ્રેક ફેલ થવાને કારણે વાહન રોકવામાં નિષ્ફળ નીવડ્યો હતો. આ ઘટનામાં ઘાયલ થયેલા 10 લોકોમાં 6 પુરૂષ, 3 મહિલા અને 1 બાળકનો સમાવેશ થાય છે. મળતી માહિતી મુજબ, ચાલતી બસમાંથી યાત્રાળુઓને કૂદતા જોયા બાદ સેનાના જવાનો અને પોલીસ કર્મચારીઓએ ઝડપી કાર્યવાહી કરી અને વાહનના ટાયર નીચે પથ્થરો મૂકીને બસને નદીમાં પડતી અટકાવવામાં સફળ રહી. અધિકારીઓએ જણાવ્યું કે સેનાની ટીમો એમ્બ્યુલન્સ સાથે સ્થળ પર પહોંચી અને તમામ ઘાયલ મુસાફરોને તબીબી સહાય અને પ્રાથમિક સારવાર પૂરી પાડી.
આ પણ વાંચો : Hathras દુર્ઘટનાને લઈને આયોજકો અને સેવાદાર સામે FIR, સત્સંગમાં 40 હજારથી વધુ લોકો હતા હાજર…
આ પણ વાંચો : Hathras Stampede : હાથરસમાં અકસ્માત બાદ ભારે પોલીસ બંદોબસ્ત તૈનાત, CM યોગી કરશે મુલાકાત…
આ પણ વાંચો : Hathras Stampede : જાણો ક્યાં છુપાયો છે હાથરસ મોતના સત્સંગનો બાબા, પોલીસને મળી મોટી સફળતા…
