મોરબીમાં ઝૂલતા પુલ દુર્ધટનાએ સમગ્ર વિશ્વને હચમચાવી નાખ્યું હતું અને આ ગોઝારી દુર્ઘટનામાં મહિલાઓ બાળકો અને વૃદ્ધો સહિત 135 જેટલા લોકોના મોત નીપજ્યા હતા જ્યારે અનેકો ઘાયલ થયા હતા જે બાબતે ગુજરાત હાઇકોર્ટમાં ચાલતી સુઓમોટોની સુનાવણીમાં રાજ્યસરકાર દ્વારા યોગ્ય તપાસ કરીને મોરબી નગરપાલિકા પર જરૂરી કાર્યવાહી કરવાની ખાતરી આપી હતી. જે બાદ ગત તા.18 ના રોજ રાજ્ય સરકારે મોરબી નગરપાલિકાને શા માટે સુપર સિડન કરવી તે માટે શો કોઝ નોટિસ ફટકારી હતી અને 25 જાન્યુઆરી સુધીમાં જવાબ રજૂ કરવા જણાવ્યું હતું. જેને લઇ આજે મોરબી નગરપાલિકાની સાધારણ સભામાં નોટિસ ના જવાબ આપવા અંગે ઠરાવ કરવામાં આવ્યો હતો.
મોરબી નગરપાલિકાની સાધારણ સભામાં ઠરાવ રજૂ કરવામાં આવ્યો હતો જેમાં જણાવ્યા અનુસાર ગત તા 18.01.2023ના રોજ ગુજરાત રાજ્ય સરકાર તરફથી આપવામાં આવેલ નોટિસમાં સરકાર તરફથી નગરપાલિકાની જવાબદારી નક્કી કરવામાં જે બાબતો રજુ થયેલ છે તેનું રેકર્ડ સરકાર નિયુક્ત તપાસ સમીતીએ જેતે સમયે હસ્તગત કરેલ હોઈ સરકારની નોટીસમાં પણ કોઈ સાહિત્ય કે આધારપત્રો નોટીસ સાથે આપવામાં આવેલ નથી આ બાબતે રાજ્ય સરકાર દ્વારા આપેલ નોટીસના જરૂરી કાગળો અને આધાર પુરાવા સરકારમાંથી માંગવા સર્વાનુમતે ઠરાવ કરવામાં આવ્યો હતો અને સરકારમાંથી જરૂરી આધારપત્રો સાધનિક કાગળો મળ્યાં બાદ આ બાબતે જરૂરી જવાબ સરકારને રજુ કરવાનું સર્વાનુંમતે ઠરાવવામાં આવ્યું છે અને નગરપાલિકાનો જવાબ રજુ થાય ત્યા સુધી આ અંગે કોઈ નિર્ણય ન્યાયના હિતમાં ન કરવા સરકારમાં નમ્રતાપૂર્વક વિનંતી કરવાનું સર્વાનુમતે ઠરાવવામાં આવ્યું હતું.
આગામી તા.25 સુધીમાં મોરબી નગરપાલિકાને જવાબ રજૂ કરવા માટે નો સમય આપવામાં આવ્યો છે અને આજે મોરબી નગરપાલિકા દ્વારા સામાન્ય સભામાં રાજ્ય સરકાર પાસે પુરાવા માંગતો ઠરાવ મંજૂર કરવામાં આવ્યો છે અત્રે ઉલ્લેખનીય છે કે આ સામાન્ય સભામાં કુલ 52 માંથી 37 સભ્યો હાજર રહ્યા હતા અને અગાઉ મોરબી નગરપાલિકાના 49 જેટલા સભ્યોએ મોરબી નગરપાલિકા પર સુપર સિડ કરવા જેવા પગલાં ન લેવા માટે મુખ્યમંત્રી ને રૂબરૂમાં રજૂઆત કરી હતી તેમજ આ રજૂઆત કરવા ગયેલ 49 કાઉન્સિલર દ્વારા ગુજરાત હાઇકોર્ટમાં ચાલતી સુઓમોટો ની કાર્યવાહી માં પક્ષકાર તરીકે જોડાવા અરજી પણ કરી હતી જોકે ગુજરાત હાઇકોર્ટ દ્વારા તે અરજી ના મંજૂર કરવામાં આવી હતી ત્યારે હવે મોરબી નગરપાલિકા રાજ્યસરકાર પાસે આધાર પુરાવા માંગ્યા છે તો હવે રાજ્યસરકાર પુરાવા આપશે કે કેમ અને હો પુરાવા આપશે તો મોરબી નગરપાલિકા દ્વારા શું જવાબ રજૂ કરવામાં આવશે તે સવાલ હાલ લોકોમાં ચર્ચાઈ રહ્યો છે.
આપણ વાંચો- અમદાવાદના રખિયાલ વિસ્તારમાં અસામાજિક તત્વોનો ત્રાસ, સગાઇ પ્રસંગમાં ફિલ્મી સ્ટાઇલથી ત્રાટકી ફાયરિંગ
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ