મેક્સિકન નેવીના હેલિકોપ્ટર દુર્ઘટનાગ્રસ્ત થયું હોવાના સમાચાર સામે આવી રહ્યા છે. આ દુર્ઘટનામાં 14 લોકોના મોત થયા છે. નેવીના આ બ્લેક હેલિકોપ્ટરના ક્રેશનું કારણ હજુ સુધી જાણી શકાયું નથી. મળી રહેલી માહિતી અનુસાર, આ હેલિકોપ્ટરમાં 15 લોકો હતા, જેમાંથી 14 લોકોના મોત થયા છે જ્યારે એક શખ્સ ગંભીર રીતે ઈજાગ્રસ્ત છે.
નેવી દ્વારા જારી કરવામાં આવેલા નિવેદનમાં કહેવામાં આવ્યું છે કે, હેલિકોપ્ટરના આ ભયાનક અકસ્માતની તપાસ કરવામાં આવી રહી છે. મહત્વનું છે કે, મેક્સિકોના સિનાલોઆ વિસ્તારમાં નેવીનું બ્લેક હોક હેલિકોપ્ટર ક્રેશ થયું છે. આ અકસ્માતમાં ઓછામાં ઓછા 14 લોકોના મોત થયા હોવાના અહેવાલ છે. અકસ્માતના સમાચાર મળતા જ અફરાતફરી મચી ગઈ હતી. આ નેવલ એરક્રાફ્ટ ખૂબ જ મહત્વપૂર્ણ માનવામાં આવે છે. આ અકસ્માતમાં એક વ્યક્તિ ઘાયલ થયાના પણ સમાચાર છે. નેવીએ જણાવ્યું હતું કે, ઉત્તર પશ્ચિમ મેક્સિકોમાં લશ્કરી હેલિકોપ્ટર ક્રેશ થતાં 14 લોકો માર્યા ગયા હતા. ખાસ વાત એ છે કે અકસ્માતનું કારણ હજુ સુધી જાણી શકાયું નથી. આર્મી પ્લેન દુર્ઘટનામાં જીવિત એકમાત્ર શખ્સ સિનાલોઆ રાજ્યમાં સારવાર હેઠળ છે. જોકે આ વ્યક્તિની હાલત પણ નાજુક હોવાનું કહેવાય છે.
નેવીએ કહ્યું કે, અમે આ અકસ્માતમાં જીવ ગુમાવનારા લોકોના મૃત્યુ પર શોક વ્યક્ત કરીએ છીએ. આ દુર્ઘટનાને ખૂબ જ ગંભીર માનવામાં આવે છે કારણ કે આ ઘટના મેક્સિકન ડ્રગ માફિયા રાફેલ કેરો ક્વિંટેરોની ધરપકડ પછી તુરંત જ બની હતી. રાફેલ પર લાંબા સમયથી ગેરકાયદે ડ્રગ્સના વેપારનો આરોપ છે. FBI પણ તેને લાંબા સમયથી શોધી રહી હતી અને FBIએ તેને 10 મોસ્ટ વોન્ટેડ ગુનેગારોની યાદીમાં મૂક્યો છે.
આ પણ વાંચો – બોરિસ જોન્સન નથી ઇચ્છતા કે ઋષિ સુનક PM બને
