Pune Porsche Car Case : પુણે પોર્શ (Pune Porsche Car Case)ની ઘટના હાલ દેશમાં ચર્ચામાં છે. આ મામલામાં પુણે પોલીસે વધુ એક મોટી કાર્યવાહી હાથ ધરી છે. ડ્રાઇવરને ધમકાવવા બદલ સગીર આરોપીના દાદા સુરેન્દ્ર અગ્રવાલની પણ ધરપકડ કરવામાં આવી છે. હાલમાં પુણે ક્રાઈમ બ્રાન્ચે પણ તેની પૂછપરછ કરી હતી.
પોર્શના ડ્રાઈવરને ધમકાવવાનો આરોપ
સગીર આરોપીના દાદા પર પુણે અકસ્માત બાદ પોર્શના ડ્રાઈવરને ધમકાવવાનો આરોપ છે. પોલીસે આ જ આરોપમાં દાદા સુરેન્દ્ર અગ્રવાલની ધરપકડ કરી હતી. આના એક દિવસ પહેલા આ મામલામાં યરવડા પોલીસ સ્ટેશનના બે અધિકારીઓને પણ સસ્પેન્ડ કરવામાં આવ્યા હતા.
જાણો પોલીસે કઈ કલમો લગાવી
પોલીસ સૂત્રોના જણાવ્યા અનુસાર, અકસ્માત બાદ સુરેન્દ્ર અગ્રવાલે ડ્રાઈવરને ધમકી આપી હતી અને તેને ઘરે જવા દીધો ન હતો. આ અંગે ડ્રાઈવરે જાતે જ પોલીસમાં ફરિયાદ કરી હતી. આ અંગે પોલીસે આરોપીના દાદા વિરુદ્ધ અપહરણનો ગુનો નોંધ્યો હતો. ડ્રાઈવરની ફરિયાદ પર સુરેન્દ્ર અગ્રવાલ વિરુદ્ધ આઈપીસીની કલમ 365, 366 અને અન્ય કલમો હેઠળ કેસ નોંધવામાં આવ્યો છે.
sections | Pune car accident case | Complainant & driver of the accused minor, Gangadhar being taken from Pune Crime Branch officer.
On the complaint of driver Gangadhar, an FIR has been registered against minor accused Vishal Agarwal & father Surendra Agrawal under sections… pic.twitter.com/uQHbx3cpCC
— ANI (@ANI) May 25, 2024
પિતા સહિત તમામ આરોપીઓને જ્યુડિશિયલ કસ્ટડીમાં મોકલી દેવાયા
તમને જણાવી દઈએ કે પુણે અકસ્માત કેસનો સગીર આરોપી 5 જૂન સુધી બાળ ગૃહમાં રહેશે. કસ્ટડી પુરી થતાં પોલીસે પિતા સહિત પાંચ આરોપીઓને કોર્ટમાં રજૂ કર્યા હતા, જ્યાં કોર્ટે તમામ આરોપીઓને 14 દિવસની જ્યુડિશિયલ કસ્ટડીમાં મોકલી આપ્યા હતા. હવે સગીરના દાદાને પણ કોર્ટમાં રજૂ કરવામાં આવશે.
અકસ્માત ક્યારે થયો
19 મેના રોજ, પુણેના કલ્યાણી નગરમાં, પોર્શના સગીર ચાલકે બાઇક પર મુસાફરી કરી રહેલા એક યુવક અને યુવતીને કચડી નાખ્યા હતા, જેના કારણે બંનેએ જીવ ગુમાવ્યો હતો. અકસ્માત પહેલા સગીરે બે પબમાં દારૂની મહેફિલ જમાવી હતી. આ કેસમાં અગાઉ સગીરને નિબંધ લખવાની અને પોલીસ સાથે કામ કરવાની શરતે જામીન આપવામાં આવ્યા હતા, પરંતુ બાદમાં કોર્ટે જામીન રદ કરીને તેને ચિલ્ડ્રન હોમમાં મોકલી આપ્યો હતો.
આ પણ વાંચો—–Pune Car Accident Case : સગીર આરોપીના પરિવારનો ‘અંડરવર્લ્ડ કનેક્શન’, છોટા રાજનને આપી હતી…
