NEET પેપર લીકના વિવાદ વચ્ચે વધુ એક પરીક્ષા સ્થગિત કરવામાં આવી છે. નેશનલ બોર્ડ ઓફ એક્ઝામિનેશન દ્વારા આયોજિત NEET-PG પ્રવેશ પરીક્ષા મોકૂફ રાખવામાં આવી છે. તમને જણાવી દઈએ કે આવતીકાલે એટલે કે 23 જૂને પ્રવેશ પરીક્ષા યોજાવાની હતી. પરંતુ પરીક્ષાની તારીખના એક દિવસ પહેલા, NEET-PG પ્રવેશ પરીક્ષા મોકૂફ રાખવામાં આવી છે. નેશનલ બોર્ડ ઓફ એક્ઝામિનેશન દ્વારા પ્રવેશ પરીક્ષાની નવી તારીખ ટૂંક સમયમાં જાહેર કરવામાં આવશે.
વિદ્યાર્થીઓના હિતમાં લેવાયો આ નિર્ણય
આરોગ્ય મંત્રાલયે મેડિકલ વિદ્યાર્થીઓ માટે નેશનલ બોર્ડ ઓફ એક્ઝામિનેશન દ્વારા આયોજિત NEET-PG પ્રવેશ પરીક્ષાની સમગ્ર પ્રક્રિયાનું નજીકથી મૂલ્યાંકન કરવાનો નિર્ણય લીધો છે. તેથી, સાવચેતીના પગલા રૂપે આવતીકાલે એટલે કે 23 જૂન 2024ના રોજ યોજાનારી NEET-PG પ્રવેશ પરીક્ષાને સ્થગિત કરવાનો નિર્ણય લેવામાં આવ્યો છે. સ્વાસ્થ્ય મંત્રાલયે કહ્યું કે આ પરીક્ષાની નવી તારીખ ટૂંક સમયમાં જાહેર કરવામાં આવશે. વિદ્યાર્થીઓને પડી રહેલી અસુવિધા બદલ ખેદ વ્યક્ત કરતા આરોગ્ય મંત્રાલયે કહ્યું કે આ નિર્ણય વિદ્યાર્થીઓના હિતમાં અને પરીક્ષા પ્રક્રિયાની પવિત્રતા જાળવવા માટે લેવામાં આવ્યો છે.
IMPORTANT ALERT
NEET-PG Entrance Examination, conducted by National Board of Examination postponed
New date will be notified at the earliesthttps://t.co/A5DLwBhgI8
— Ministry of Health (@MoHFW_INDIA) June 22, 2024
પરીક્ષાના એક દિવસ પહેલા 21 જૂને મુલતવી રાખવામાં આવી હતી
CSIR-UGC-NET પરીક્ષા NEET-PG પ્રવેશ પરીક્ષાના એક દિવસ પહેલા 21 જૂને મુલતવી રાખવામાં આવી હતી. આ પરીક્ષાનું આયોજન નેશનલ ટેસ્ટિંગ એજન્સી (NTA) દ્વારા કરવામાં આવે છે. આ પરીક્ષા 25 થી 27 જૂન દરમિયાન યોજાવાની હતી. પરીક્ષા મોકૂફ રાખવા પાછળનું કારણ સંસાધનોનો અભાવ હતો.
CSIR-UGC-NET પરીક્ષા મુલતવી રાખતા પહેલા, NTA એ અનિયમિતતાના ડરથી 19 જૂને UGC-NET પરીક્ષા રદ કરી હતી. સત્તાવાર નિવેદનમાં કહેવામાં આવ્યું છે કે યુનિવર્સિટી ગ્રાન્ટ્સ કમિશન (UGC) ને ગૃહ મંત્રાલયના ભારતીય સાયબર ક્રાઈમ કોઓર્ડિનેશન સેન્ટરના નેશનલ સાયબર ક્રાઈમ થ્રેટ એનાલિટિક્સ યુનિટ (એનસીટીએયુ) તરફથી પરીક્ષા સંબંધિત કેટલાક ઇનપુટ મળ્યા છે. આ ઈનપુટ્સ પ્રથમ દૃષ્ટિએ દર્શાવે છે કે 18 જૂને લેવાયેલી પરીક્ષામાં ગેરરીતિઓ થઈ હતી.
આ પણ વાંચો – PAPER LEAK: વિવાદ વચ્ચે NTA માં મોટો ફેરફાર, સુબોધ કુમારને હટાવી આ શખ્સને સોંપાઈ નવા DG ની જવાબદારી
આ પણ વાંચો – Suraj Revanna News: મને રૂમમાં લઈ ગયા, નિવસ્ત્ર કર્યો અને પછી મારી સાથે….
આ પણ વાંચો – PAPER LEAK: બિહાર પોલીસે ઝારખંડ થી 6 લોકોની કરી ધરપકડ
