ઘણી વખત વાંદરાઓના કારણે લોકોને મુશ્કેલીનો સામનો કરવો પડે છે. તેઓ માત્ર લોકોના સામાનની ચોરી કરતા નથી પરંતુ નાના બાળકો માટે પણ ખતરો ઉભો કરે છે. આવું જ કંઈક ત્રણ વર્ષની બાળકી સાથે થયું. એક વાંદરો તેને તેના માતા-પિતાની સામે લઈ ગયો. મામલો ચીનના દક્ષિણ-પશ્ચિમ ગુઇઝોઉ પ્રાંતનો છે. બાળકીના માતા-પિતા ખેતરમાં કામ કરી રહ્યા હતા ત્યારે ત્યાં એક વાંદરો આવ્યો. તે તેણે ઉપાડીને પાળી ગયો. તે બાદ બાળકીની ખૂબ શોધખોળ કરવામાં આવી હતી પરંતુ તે મળી નહતી.
એક મીડિયા અહેવાલ અનુસાર, પરિવારે તેને શોધવા માટે પોલીસની મદદ લેવી પડી હતી. પોલીસે પહાડી વિસ્તારમાં રસ્તાઓ પર ખૂબ શોધખોળ કરી હતી. અને ઘણી શોધખોળ બાદ પોલીસને બાળકી મળી આવી હતી. તેને ટેકરી પર ફેંકી દેવામાં અઆવી હતી. સદનસીબે તેને કોઈ ઈજા થઇ ન હતી. બાળકી અહીં ઝાડીઓમાં પડી હતી. બાળકીના પિતાએ કહ્યું કે તેણે અને તેની પત્નીએ તેમની પુત્રીને ઝાડની છાયામાં બેસાડી હતી. તેનું ધ્યાન થોડીક સેકન્ડ માટે હટ્યું અને ત્યાં સુધીમાં તે ત્યાંથી ગૂમ થઇ ગઈ હતી.
બાળકીના પિતાએ કહ્યું, લિયુએ કહ્યું, ‘બાળકીની માતા તરત જ રડવા લાગી અને મેં પોલીસનો સંપર્ક કરતાં તેને શાંત કરવાનો પ્રયાસ કર્યો.’ આ પછી આ લોકો નજીકના ગામમાં ગયા. તેમને એક વીડિયો મળ્યો જેમાં એક જંગલી વાંદરો આ ત્રણ વર્ષની બાળકીને લઈ જતો જોવા મળ્યો હતો. એક ગામવાસીએ કહ્યું કે તેણે એક વિશાળ વાંદરાને સ્થળની આસપાસ ફરતો જોયો છે. લિયુએ જણાવ્યું કે બાળકીના ગુમ થવાથી આખો પરિવાર ચિંતિત હતો.
તેણે કહ્યું કે બાળકી ભેખડની કિનારે ખૂબ જ ડરેલી હાલતમાં મળી આવી હતી. તેને પૂછવામાં આવ્યું કે શું વાંદરો તેને લઈ ગયો હતો? તો તેણે હામાં જવાબ આપ્યો. જ્યારે પૂછવામાં આવ્યું કે વાંદરો ક્યાં ગયો? તેથી તેણે પર્વતો તરફ ઈશારો કર્યો. લિયુએ કહ્યું કે તે બાળકીને ઓછા સમયમાં સુરક્ષિત રીતે શોધી કાઢવા બદલ પોલીસનો આભાર માને છે. તબીબોએ ઘટનાસ્થળે બાળકીની તપાસ કરી હતી. તેના શરીર પર નાના-મોટા ઘા વાગ્યા છે. બાળકીની હાલત બિલકુલ ઠીક છે.
આ પણ વાંચો : Israel Hamas War : પેલેસ્ટાઈન સમર્થકોએ રશિયામાં રનવે પર કબજો કર્યો, એરપોર્ટ પર કરી તોડફોડ Video
