અહેવાલ – વિજય માલી, પાદરા
વડોદરા જિલ્લાના પાદરા તાલુકાના પાદરા કરજણ રોડ પર બાઈક અને ટેમ્પા વચ્ચે ગમખ્વાર અકસ્માત સર્જાયો હતો. જેમાં પુરઝડપે પાછળ થી આવી રહેલ એક ટેમ્પા ચાલકે યુવકની બાઈકને ટક્કર મારતા બાઈક સવાર યુવકનું ઘટના સ્થળે જ કમકમાટીભર્યું મોત નીપજ્યું હતું. યુવકના મોતના પગલે પરિવાર સહીત ગામમાં માતમ છવાઈ ગયો હતો.
પ્રાપ્ત માહિતી મુજબ કરજણ તાલુકાના માતર ગામમાં રહેતો યુવક બાઈક પર સવાર થઇ પાદરા કરજણ રોડ પર હુસેપુર અને કોઠવાળા ગામ વચ્ચે પેટ્રોલપંપ પાસે થી પસાર થઇ રહ્યો હતો. જે દરમિયાન પુરઝડપે પાછળ થી આવી રહેલ સફેદ કલરના ટેમ્પા ચાલકે યુવકની બાઈકને ટક્કર મારતા યુવક બાઈક સાથે રોડ ઉપર ઘસડાતો બે રોડની સાઈડ પર ફંગોળાયો હતો. યુવકને માથાના ભાગે તેમજ શરીરના અન્ય ભાગો ઉપર ગંભીર ઇર્જાઓ પહોંચતા યુવકનું ઘટના સ્થળ પર જ કમકમાટી ભર્યું મોત નીપજ્યું હતું. જયારે ગમખ્વાર અકસ્માત સર્જી ટેમ્પો ચાલક ટેમ્પો લઇ ફરાર થઇ ગયો હતો. આ સમગ્ર ઘટના નજીકમાં લાગેલ CCTV કેમેરામાં કેદ થઇ ગઈ હતી.
સમગ્ર ઘટનાના CCTV આવ્યા સામે
ગમખ્વાર અકસ્માતના પગલે લોકટોળા ઉમટી પડતા અકસ્માત અંગે પાદરા પોલીસને જાણ કરતા પોલીસનો કાફલો ઘટના સ્થળે દોડી આવ્યો હતો. મૃતક યુવકના મૃતદેહનો કબ્જો મેળવી તેને પોસ્ટમોર્ટમ અર્થે પાદરા સરકારી હોસ્પિટલ ખાતે ખસેડી પોલીસે CCTV ફૂટેજ મેળવી ફરાર ટેમ્પા ચાલકની ધરપકડ કરવાના ચક્રો ગતિમાન કર્યા હતા.
આ પણ વાંચો — RAJPIPLA : પ્રસિદ્ધ માં હરસિધ્ધિ મંદિરે રાજપૂત સમાજ દ્વારા ભવ્ય તલવાર આરતી યોજાઇ
ગુજરાત ફર્સ્ટ તમને સમાચારોથી હંમેશા અવગત રાખશે
