Gujarat Police:ચોર સાથે પોલીસની ભાગીદારીની વાત આજકાલની નથી. ત્રણ દસક પહેલાં બંધ પડેલી પૂર્વ અમદાવાદની કેટલીક મિલોમાંથી લાખો રૂપિયાની મશીનરીની ચોરી કરવામાં પોલીસ સામેલ હતી. કડક અધિકારીની છાપ ધરાવતા તત્કાલિન PSI એ ચોર ટોળકી સાથે રીતસરની ભાગીદારી કરી હતી. PSI થી ACP સુધીની સફરમાં મોટાભાગે અમદાવાદ શહેર પોલીસ (Ahmedabad Police) માં નોકરી કરનારા અધિકારી આ સિવાય પણ અનેક કાંડ કરી ચૂક્યા છે. આવી ઘટનાઓ રાજ્યભરમાં અનેક ઠેકાણે બની હશે, પરંતુ હાલમાં એક વાયરલ વિડીયો (Viral Video) એ પોલીસની આબરૂના લીરેલીરા ઉડાડી દીધા છે. શું છે સમગ્ર ઘટના. વાંચો આ અહેવાલ…
ક્યાં ઘટી ચોરીની ઘટના ?
મહેસાણા (Mahesana) ના વિસનગર તાલુકાની ગુંજા ગામની સીમમાં આવેલા છાપરામાં રહેતા બળદેવજી ઠાકોરે ફરિયાદ નોંધાવી છે. વિસનગર તાલુકા પોલીસ સ્ટેશન (Visnagar Taluka Police Station) માં મલિન્દરસિંઘ કીરપાલસિંઘ સરદાર (રહે. વાવ, તા. સતલાસણા, જિ. મહેસાણા) સહિત 4 શખ્સો સામે ચોરીનો ગુનો નોંધવામાં આવ્યો છે. બળદેવજી ઠાકોરે ફરિયાદમાં લખાવ્યું છે કે, 8 ઑક્ટોબરની વહેલી પરોઢ પહેલાં ત્રણેક વાગે બે શખ્સો પતરાની પેટી ઉપાડીને જતા હતા. અવાજ થતાં બળદેવજીના પત્ની સવિતાબહેન જાગી ગયા અને બૂમાબૂમ કરતા તેમના પતિએ પીછો કરી એક શખ્સને બળ વાપરી પકડી પાડ્યો હતો. 15 હજારની કિંમતના સોના-ચાંદીના દાગીના, રોકડ રૂપિયા 1700 અને જરૂરી દસ્તાવેજો ભરેલી પેટી લઈને અન્ય એક શખ્સ પીકઅપ ડાલામાં અન્ય બે સાગરીતો સાથે નાસી છૂટ્યો હતો. પતરાની પેટી ઉપરાંત તસ્કર ટોળકી બળદેવજીની પત્ની અને બે દીકરીઓના વસ્ત્રો જેવા કે, સાડી અને ચણીયા-ચોળી ભરેલા બે થેલા પણ ઉઠાવી ગયા હતા. સવારે સાડા નવેક વાગે Police ને જાણ કરતા વિસનગર તાલુકા પોલીસ સ્થળ પર દોડી આવી હતી અને મૂળ વડનગરના રહેવાસી મલિન્દર સરદારની ધરપકડ કરી છે.
– પોલીસ હવે તો ચોર પાસેથી પણ હપ્તા લે છે
– વાયરલ થયેલા વિડીયોમાં ચોર કરે છે કબૂલાત
– મહેસાણા જિલ્લાના વિસનગર તાલુકાની ઘટના
– તસ્કર ટોળકીના સાગરિતને ભોગ બનનારે બળ વાપરી પકડ્યો
– ગ્રામજનોએ ચોરને વૃક્ષ સાથે બાંધી પૂછપરછ કરી
– વિસનગર તાલુકા પોલીસે ફરિયાદના આધારે કરી ચોરની ધરપકડ
– ચાર… pic.twitter.com/oUpC9pax4w— Gujarat First (@GujaratFirst) October 9, 2024
