G7 Summit: વડાપ્રધાન નરેન્દ્ર મોદી શુક્રવારે મોડી રાત્રે ઇટાલીથી ભારત જવા રવાના થયા હતા. ત્રીજી વખત વડાપ્રધાન તરીકેનો કાર્યભાર સંભાળ્યા બાદ નરેન્દ્ર મોદી ઈટાલીમાં આયોજિત G7 સમિટ (G7 Summit) માં ભાગ લેવા આવ્યા હતા. G7 કોન્ફરન્સમાં PM મોદીએ બ્રિટિશ વડા પ્રધાન ઋષિ સુનક અને ફ્રાંસના રાષ્ટ્રપતિ ઈમેન્યુઅલ મેક્રોન સહિત ઘણા નેતાઓ સાથે દ્વિપક્ષીય વાતચીત કરી હતી. તેઓ અમેરિકી રાષ્ટ્રપતિ જો બિડેન અને કેનેડાના વડાપ્રધાન જસ્ટિન ટ્રુડોને પણ મળ્યા હતા.
ઈટાલીની સરકાર અને લોકોનો પણ આભાર માન્યો
PM મોદીએ G7 સમિટની યજમાની કરવા બદલ ઈટાલીની સરકાર અને લોકોનો પણ આભાર માન્યો હતો. તેમણે કહ્યું, “આપુલિયામાં G7 સમિટમાં મારો ખૂબ જ ફળદાયી દિવસ હતો, વૈશ્વિક નેતાઓ સાથે વાત કરી અને સાથે મળીને, અમે વૈશ્વિક સમુદાય અને ભાવિ પેઢીઓને લાભદાયી ઉકેલો બનાવવાનું લક્ષ્ય રાખ્યું છે.” ઇટાલીના લોકો અને સરકારનો તેમના ઉષ્માભર્યા આતિથ્ય માટે આભાર વ્યક્ત કરું છું.
Had a very productive day at the G7 Summit in Apulia. Interacted with world leaders and discussed various subjects. Together, we aim to create impactful solutions that benefit the global community and create a better world for future generations.
I thank the people and…
— Narendra Modi (@narendramodi) June 14, 2024
નિજ્જર-પન્નુ વિવાદ વચ્ચે મોદી ટ્રુડો-બિડેનને મળ્યા હતા
G7 સમિટમાં સૌથી ખાસ વાત એ હતી કે પીએમ મોદી કેનેડાના વડાપ્રધાન ટ્રુડો અને યુએસ પ્રમુખ બિડેનને મળ્યા હતા. આ મહત્વપૂર્ણ છે કારણ કે ભારતનો કેનેડા સાથે ખાલિસ્તાની અલગતાવાદી હરદીપ સિંહ નિજ્જરને લઈને વિવાદ ચાલી રહ્યો છે. ટ્રુડો સાથે મુલાકાત દરમિયાન પીએમ મોદીએ લાંબા સમય સુધી વાત કરી. તેની તસવીરો પણ વડાપ્રધાને શેર કરી છે.
PM Modi, Japan’s Kishida discuss Mumbai-Ahmedabad high speed rail project on sidelines of G7 Summit
Read @ANI Story | https://t.co/Pob9ZhDUSH#PMModi #FumioKishida #India #Japan #G7Summit #GermanChancellor #OlafScholz pic.twitter.com/SIk9chDkwr
— ANI Digital (@ani_digital) June 15, 2024
વડાપ્રધાન મોદીએ અમેરિકન રાષ્ટ્રપતિ સાથે પણ વાત કરી
“It’s always a pleasure …”: PM Modi after meeting US Prez Biden on sidelines of G7 summit
Read @ANI Story | https://t.co/sAKTYI28mw#PMModi #JoeBiden #India #US #G7Summit #Italy pic.twitter.com/Tsd1TF58mv
— ANI Digital (@ani_digital) June 14, 2024
તેવી જ રીતે વડાપ્રધાન મોદીએ અમેરિકન રાષ્ટ્રપતિ સાથે પણ વાત કરી હતી. મોદી અને બિડેન વચ્ચેની વાતચીત એવા સમયે થઈ જ્યારે લગભગ સાત મહિના પહેલા વોશિંગ્ટને આરોપ લગાવ્યો હતો કે શીખ અલગતાવાદી નેતા ગુરુપતવંત સિંહ પન્નુની હત્યાના કાવતરામાં ભારતનો હાથ છે. પીએમ મોદીએ બિડેન સાથેની તેમની મુલાકાતની તસવીરો પણ શેર કરી અને કહ્યું કે ભારત અને અમેરિકા સાથે મળીને કામ કરવાનું ચાલુ રાખશે.
પીએમ મોદી પણ આ નેતાઓને મળ્યા
પીએમ યુક્રેનના રાષ્ટ્રપતિ વોલોદિમિર ઝેલેન્સકી, ઈટાલિયન વડાપ્રધાન જ્યોર્જિયા મેલોની અને જાપાનના વડાપ્રધાન ફ્યુમિયો કિશિદાને પણ મળ્યા હતા. તેઓ પોપ ફ્રાન્સિસને પણ મળ્યા હતા. G7 સમિટમાં ભાગ લેવા આવેલા પીએમ મોદીએ તેમના ત્રીજા કાર્યકાળમાં ફ્રાન્સ સાથે પ્રથમ દ્વિપક્ષીય વાટાઘાટો કરી હતી. મોદીએ ઈટાલીના પીએમ સાથે દ્વિપક્ષીય મંત્રણા પણ કરી હતી અને બંને દેશો સાથે મળીને કામ કરવા પર ભાર મૂક્યો હતો. વડાપ્રધાને ભારતમાં 5 ટ્રિલિયન યેનના રોકાણ સાથેના મુંબઈ-અમદાવાદ હાઈ સ્પીડ રેલ પ્રોજેક્ટ અંગે ચર્ચા કરવા તેમના જાપાની સમકક્ષ ફ્યુમિયો કિશિદા સાથે પણ બેઠક યોજી હતી.
આ પણ વાંચો—— PM Modi And G7: પીએમ મોદીએ ટેક્નોલોજીમાં વ્યક્તિ એકાધિકારનો અંત લાવવાનું આહ્વાન કર્યું
