ટેકનોલોજીના આ સમયમાં તમામ લોકો પાસે સ્માર્ટફોન જોવા મળે છે. જેમા તેઓ અલગ-અલગ એપનો ઉપયોગ કરતા હોય છે. તેમા એક એપ (WhatsApp) લગભગ તમામ લોકોના સ્માર્ટફોનમાં તમને જોવા મળી જશે. મેસેજને એક અલગ જ અંદાજમાં મોકલી શકાતા આ એપ (WhatsApp) માં સમયાંતરે અપડેટ આવતી રહે છે. હવે તાજેતરમાં તેની એક અપડેટ આવી છે જેમા એક એવું ફીચર્સ મળશે જે યુઝર્સના હોશ ઉડાવી દેશે.
સેન્ડ કરેલા મેસેજને કરી શકશો Edit
WhatsApp એ વિશ્વનું સૌથી લોકપ્રિય ઇન્સ્ટન્ટ મેસેજિંગ પ્લેટફોર્મ છે, જેનો ઉપયોગ 2 બિલિયનથી વધુ યુઝર્સ કરે છે. વોટ્સએપ એ અત્યાર સુધીના સૌથી વધુ વારંવાર અપડેટ્સ સાથે ઓફર કરવામાં આવતી એપ્સમાંની એક છે. આ એપ અને તેના અપડેટ્સ પર સતત નજર રાખતી વેબસાઈટ WABetaInfoના તાજેતરના રિપોર્ટ અનુસાર, WhatsApp એક નવા ફીચરનું ટેસ્ટિંગ કરી રહ્યું છે. જો તમે મોકલેલા મેશેજમાં જોડણી અથવા વ્યાકરણની ભૂલો કરી હોય અને તેને સુધારવા માંગતા હોવ, અથવા જો તમે તેમાં કેટલીક માહિતી ઉમેરવા અથવા દૂર કરવા માંગો છો, તો પછી એડિટ ફીચરની મદદથી તેને સુધારવું ખૂબ જ સરળ રહેશે. વોટ્સએપની પેરેન્ટ કંપની મેટા આ આવનાર ફીચરની તૈયારીમાં લાગેલી છે. તાજેતરમાં આ ફીચર iOS 23.4.0.72 વર્ઝન સાથે WhatsApp બીટા પર જોવા મળ્યું હતું. આ ફીચરની જેમ વોટ્સએપ યુઝર્સને આવનારા દિવસોમાં આ ફીચર હેઠળ ચેટબોક્સમાં ચેટ એડિટ કરવાનો વિકલ્પ પણ મળશે.
એડિટ મેસેજ ફીચરનું ડેવલોપમેન્ટ ચાલુ છે
જો તમે મોકલેલા સંદેશમાં જોડણી અથવા વ્યાકરણની ભૂલો કરી હોય અને તેને સુધારવા માંગતા હોવ અથવા જો તમે તેમાં કેટલીક માહિતી ઉમેરવા અથવા દૂર કરવા માંગો છો, તો પછી એડિટ ફીચરની મદદથી તેને સુધારવું ખૂબ જ સરળ રહેશે. વોટ્સએપની પેરેન્ટ કંપની મેટા આ આવનાર ફીચરની તૈયારીમાં લાગેલી છે. તાજેતરમાં આ ફીચર iOS 23.4.0.72 વર્ઝન સાથે WhatsApp બીટા પર જોવા મળ્યું હતું, મહત્વનું છે કે, ટેસ્ટફ્લાઇટ પ્રોગ્રામમાં નોંધાયેલા યુઝર્સ માટે આગામી ફીચર ધરાવતું અપડેટ રિલીઝ કરવામાં આવ્યું હતું. હાલમાં, જો તમે વોટ્સએપના જૂના વર્ઝન સાથે અપડેટનો ઉપયોગ કરી રહ્યાં છો, તો તેમાં ચેટને સંપાદિત કરવાનો વિકલ્પ દેખાશે નહીં, ચેટ કરતી વખતે, યુઝર્સને ચેતવણી મળશે કે WhatsAppનું વર્તમાન સંસ્કરણ નવા ફીચર સાથે અસંગત છે. એવું કહેવામાં આવી રહ્યું છે કે વોટ્સએપ ડેવલપર્સ અન્ય એક નવા ફીચર પર પણ કામ કરી રહ્યા છે, આ ફીચરની રજૂઆત બાદ યુઝરને ફોટો ડોક્યુમેન્ટ્સ, શોર્ટ વીડિયો કન્ટેન્ટ જેવી મીડિયા ફાઇલોના કેપ્શન એડિટ કરવાનો વિકલ્પ મળશે.
હાલમાં, આગામી એડિટ ચેટ ફીચર (એડિટ મેસેજ ફીચર)નો ડેવલોપમેન્ટ ચાલી રહ્યો છે, તેના લોન્ચને લગતી માહિતી હજુ સુધી આવી નથી. થોડા દિવસો પહેલા, WhatsAppએ સમગ્ર ભારતમાં ટ્રાન્ઝિટ સોલ્યુશન્સ માટે સપોર્ટ રજૂ કર્યો હતો, iPhone પર વીડિયો કૉલિંગ માટે PiP મોડ રોલઆઉટ કર્યો હતો. આ સિવાય વોટ્સએપ સાથે કેપ્ટ મેસેજ ફીચર પણ શરૂ કરવામાં આવ્યું હતું.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
