રોલ્સ રોયસને વિશ્વમાં સૌથી મોંઘી અને લક્ઝુરિયસ કાર પૈકીની એક ગણવામાં આવે છે . આ કારને સૌથી પ્રતિષ્ઠિત અને લોકોની ડ્રીમ કારમાંની એક માનવામાં આવે છે. પરંતુ, તેની કિંમત એટલી વધારે હોય છે કે મોટાભાગના લોકો માટે આ કાર ખરીદવું એ માત્ર એક સપનું જ બનીને રહી જાય છે. આવી સ્થિતિમાં ચીનની એક કંપનીએ તેની આબેહૂબ નકલ તૈયાર કરી નાખી છે, તે પણ ઇલેક્ટ્રિક વર્ઝનમાં. ચાઇનીઝ કાર બ્રાન્ડ હોંગકીએ Rolls Royce Cullinanની ડિઝાઇનથી પ્રેરિત નવી ઇલેક્ટ્રિક કાર બનાવી છે, જેનું નામ Hongqi E-HS9 છે.
ડિઝાઇન
એકદમ નવી હોંગકી e-HS9ની ડિઝાઇન Rolls Royce Cullinan જેવી જ છે. આ લક્ઝરી કાર Hongqi HS9નું ઓલ-ઈલેક્ટ્રિક વર્ઝન છે, જે ચાઈનીઝ કાર માર્કેટમાં બ્રાન્ડની ફ્લેગશિપ પ્રોડક્ટ તરીકે પહેલેથી જ ઉપલબ્ધ છે. આ કારની ડિઝાઇન દેખાવમાં એટલી આકર્ષક લાગી રહી છે કે પહેલી નજરમાં જ આ કાર કોઈને પણ પસંદ આવી જાય.
બેટરી અને રેન્જ
Hongqi e-HS9 ની બાકીની ડિઝાઇન પણ રોલ્સ-રોયસ કુલીનન જેવી જ લાગે છે, જે મલ્ટી-સ્પોક એલોય વ્હીલ્સ, ડોર-માઉન્ટેડ રીઅરવ્યુ મિરર્સ અને ડી-પિલરની ડિઝાઇન પરથી સ્પષ્ટ થાય છે. Hongqi e-HS9 ની કેબિન પણ ઘણી વૈભવી છે, જેમાં ડેશબોર્ડની પહોળાઈ જેટલી મોટી TFT સ્ક્રીન છે. આ ત્રણ-રોની કાર બે બેટરી પેક વિકલ્પો સાથે ઉપલબ્ધ છે, 83 kWh બેટરી જે 496 કિમીની રેન્જ આપશે અને 120 kWh બેટરી જે 690 કિમીની રેન્જ આપશે.
કિંમત
જ્યારે Rolls-Royce Cullinan ની કિંમત રૂ. 6.95 કરોડ (એક્સ-શોરૂમ કિંમત ભારતમાં) છે, ત્યારે Hongqi e-HS9 ને ચીન અને અન્ય વૈશ્વિક બજારોમાં $80,000 માં લોન્ચ કરવામાં આવી છે, જે ભારતીય ચલણમાં આશરે રૂ. 66.50 લાખ છે.
આ પણ વાંચો — Bajaj Auto એ ભારતનું લોકપ્રિય 150 cc પલ્સર N150 નવા અવતારમાં લોન્ચ કર્યુ
ગુજરાત ફર્સ્ટ તમને સમાચારોથી હંમેશા અવગત રાખશે