સુપ્રીમ કોર્ટે (Supreme Court) મંગળવારે ચૂંટણી લડી રહેલા ઉમેદવારોની સંપત્તિના ખુલાસાને લઈને મોટી ટિપ્પણી કરી છે. કોર્ટે કહ્યું કે ચૂંટણી લડતા ઉમેદવારે પોતાની માલિકીની તમામ મિલકતો જાહેર કરવી જરૂરી નથી. ઉમેદવારે માત્ર તે જ નોંધપાત્ર સંપત્તિ જાહેર કરવાની જરૂર છે જેથી મતદારો તેની આર્થિક સ્થિતિ અને જીવનશૈલીને સમજી શકે. કોર્ટે કહ્યું કે ચૂંટણી લડનારા ઉમેદવારોને ગોપનીયતાનો અધિકાર છે અને તેમણે તેમની સંપત્તિની દરેક વિગતો જાહેર કરવાની જરૂર નથી. અરુણાચલ પ્રદેશના એક અપક્ષ ધારાસભ્યના કેસમાં સુપ્રીમ કોર્ટે (Supreme Court) આ ચુકાદો આપ્યો છે.
હાઇકોર્ટે અપક્ષ ધારાસભ્યની ચૂંટણીને અમાન્ય ઠેરવી હતી…
હકીકતમાં, ગૌહાટી હાઈકોર્ટે અરુણાચલ પ્રદેશના સ્વતંત્ર ધારાસભ્ય કરીખોન ક્રીની ચૂંટણીને અમાન્ય જાહેર કરી હતી. કરીખો ક્રીએ 23 મે 2019 ના રોજ અરુણાચલની તેજુ વિધાનસભા બેઠક પરથી સ્વતંત્ર ઉમેદવાર તરીકે જીત મેળવી હતી. તેમણે તેમના ચૂંટણી એફિડેવિટમાં તેમની સંપત્તિના ઘોષણામાં તેમની પત્ની અને પુત્રના નામે ત્રણ વાહનોનો ઉલ્લેખ કર્યો નથી. આ પછી મામલો ગૌહાટી હાઈકોર્ટ પહોંચ્યો અને તેમની ચૂંટણીને અમાન્ય જાહેર કરવામાં આવી.
"It is not necessary that a candidate declare every item of movable property that he or his dependent family members owns, such as, clothing, shoes, crockery, stationery and furniture, etc., unless the same is of such value as to constitute a sizeable asset in itself or reflect… https://t.co/RAyprWIu45 pic.twitter.com/pH7TCVNG0Z
— Live Law (@LiveLawIndia) April 9, 2024
દરેક જંગમ મિલકતની વિગતો આપવાની જરૂર નથી…
સુપ્રીમ કોર્ટે (Supreme Court) કહ્યું કે ઉમેદવારો અને તેમના પરિવારના સભ્યોએ દરેક જંગમ મિલકતની વિગતો આપવાની જરૂર નથી સિવાય કે તે ખૂબ મૂલ્યવાન અથવા વૈભવી હોય. જસ્ટિસ અનુરુદ્ધ બોઝ અને જસ્ટિસ સંજય કુમારની ડિવિઝન બેંચે ગૌહાટી હાઈકોર્ટના નિર્ણયને ફગાવી દીધો હતો. કોર્ટે કહ્યું કે પિટિશનમાં જે વાહનોનો ઉલ્લેખ કરવામાં આવ્યો છે તે ચૂંટણી પહેલા ભેટમાં આપવામાં આવ્યો હતો અથવા તો વેચવામાં આવ્યો હતો. આવી સ્થિતિમાં, આ વાહન હવે કરીખો ક્રી પરિવારની માલિકીમાં નથી. સુપ્રીમ કોર્ટે (Supreme Court) કહ્યું કે વાહનો જાહેર ન કરવાથી ચૂંટણી પરિણામો પર કોઈ ખાસ અસર પડતી નથી. ઉમેદવારની જીવનશૈલી અથવા સમૃદ્ધિ વિશે મતદારને માહિતી આપતી સંપત્તિઓ જાહેર કરવી આવશ્યક છે. તે જરૂરી નથી કે ઉમેદવાર દરેક જંગમ મિલકત જેવી કે પગરખાં, સ્ટેશનરી, કપડાં, ફર્નિચર વગેરે જાહેર કરે.
આ પણ વાંચો : AIS for Taxpayer: આવકવેરા રિટર્ન ફાઈલ દરમિયાન આ એપ તમને અત્યંત ફાયદાકારક રહેશે
આ પણ વાંચો : Ashok Bhalavi: બેતુલ બેઠકના BSP ઉમેદવારનું આર્ટ એટેકથી થયું નિધન, પાર્ટીમાં શોકનો માહોલ
આ પણ વાંચો : Ram Mandir: 21 વર્ષ બાદ ખોલવામાં આવ્યા રામ મંદિરના દરવાજા, નક્સલવાદીઓએ કરાવ્યા હતા બંધ
