આજે એક એવો સમય છે કે સ્માર્ટફોન લગભગ બધા પાસે છે. ત્યારે લોકો પોતાનો મોટાભાગનો સમય Social Media માં વ્યસ્ત કરતા રહે છે. આજે Social Media ના આ યુગમાં Facebook સહિત અનેક પ્લેટફોર્મ યુઝર્સને પોતાની તરફ જાળવી રાખવા માટે વિવિધ પ્રકારની સુવિધાઓ બહાર પાડતા રહે છે. ત્યારે Facebook તેના યુઝર્સ માટે એક નવું ફીચર લઇને આવ્યું છે, જે યુઝર્સને એકથી વધુ પ્રોફાઇલ બનાવવાની મંજૂરી આપે છે.
Facebook માં આવ્યું નવું ફીચર
જેમ જેમ ઈન્ટરનેટ અને સ્માર્ટફોનના યુઝર્સ વધ્યા છે તેમ સોશિયલ મીડિયાનો ઉપયોગ પણ એટલી જ ઝડપથી વધ્યો છે. જેની પાસે સ્માર્ટફોન છે તે કોઈપણ પ્રકારના સોશિયલ મીડિયાનો ઉપયોગ કરે છે, પછી તે વોટ્સએપ, ફેસબુક, ઈન્સ્ટાગ્રામ અથવા તો ટ્વિટર હોય. આ તમામ સોશિયલ મીડિયા પ્લેટફોર્મ પર કરોડો યુઝર્સ છે અને કંપનીઓ પણ તેમના યુઝર્સ માટે નવા ફીચર્સ અને અપડેટ્સ લાવતી રહે છે. દરમિયાન, ફેસબુકે તેના યુઝર્સ માટે એક અદ્ભુત ફીચર બહાર પાડ્યું છે. અત્યાર સુધી તમે ફેસબુકમાં માત્ર એક જ પ્રોફાઈલ બનાવી શકતા હતા, પરંતુ હવે કંપનીએ સોશિયલ મીડિયાના અનુભવને સારું બનાવવા માટે તેમાં મલ્ટીપલ પર્સનલ પ્રોફાઈલનું ફીચર રોલઆઉટ કર્યું છે. આ ફીચરની મદદથી હવે તમે એકસાથે અનેક પ્રોફાઇલ બનાવી શકો છો.
Facebook પર મલ્ટીપલ પ્રોફાઇલ કેવી રીતે બનાવવી?
અમે તમને એન્ડ્રોઇડ, આઇઓએસ અને વેબ માટે ફેસબુક પર મસ્ટીપલ પ્રોફાઇલ એકાઉન્ટ બનાવવાની રીતો જણાવવા જઈ રહ્યા છીએ. ચાલો જાણીએ કે એક એકાઉન્ટમાંથી પર્સનલ પ્રોફાઇલ કેવી રીતે બનાવી શકાય.
એન્ડ્રોઇડ ફોન અને આઇઓએસમાં ફેસબુક મલ્ટીપલ પ્રોફાઇલ બનાવો
- સૌથી પહેલા ફેસબુક એકાઉન્ટ ખોલો.
- ઉપર જમણી બાજુએ એક મેનુ દેખાશે, તેના પર ટેપ કરો.
- અહીં તમે અન્ય પ્રોફાઇલ બનાવો વિકલ્પ જોશો, તેના પર ટેપ કરો.
- આ પછી Get start નો વિકલ્પ પસંદ કરો.
- તમે સ્ક્રીન પર દર્શાવેલ સૂચનાઓને અનુસરીને પ્રોફાઇલ બનાવી શકો છો.
વેબમાં ફેસબુક મલ્ટીપલ પ્રોફાઇલ બનાવો
- ફેસબુકના મેનુ ઓપ્શન પર જાઓ અને તમારા પ્રોફાઈલ પિક્ચર પર ટેપ કરો.
- અહીં એક વિકલ્પ ‘See all profiles’ દેખાશે, તેના પર ક્લિક કરો.
- આ પછી ફેસબુક પ્રોફાઇલ બનાવવાનો વિકલ્પ મળશે, તેના પર ક્લિક કરો.
- આ પછી તમે Get start પર ટેપ કરીને પ્રોફાઇલ બનાવી શકો છો.
- આ માટે તમે સૂચનાઓનું પાલન કરીને પ્રોફાઇલ બનાવી શકો છો.
તમારે વારંવાર Login કરવાની જરૂર રહેશે નહીં
ફેસબુકે પોતાના મલ્ટીપલ પ્રોફાઈલ ફીચરમાં ફેસબુક યુઝર્સને ઘણા પાવરફુલ ફીચર્સ આપ્યા છે. આ ફીચરમાં તમે એકસાથે 4 પ્રોફાઈલ બનાવી શકો છો. આ ફીચર ઇન્સ્ટાગ્રામમાં જોવા મળતા મલ્ટીપલ પ્રોફાઇલ ફીચર જેવું જ હશે. ફેસબુકના આ ફીચરની સૌથી મોટી વાત એ છે કે તમારે અલગ-અલગ પ્રોફાઈલ માટે વારંવાર Login કરવાની જરૂર નથી. તમે એક સાથે 4 પ્રોફાઇલ બનાવી શકશો. તમે બધી પ્રોફાઇલ્સ વચ્ચે સરળતાથી સ્વિચ કરી શકશો. અત્યાર સુધી, જો તમે બે એકાઉન્ટ બનાવો છો, તો તમારે બીજા એકાઉન્ટને ઍક્સેસ કરવા માટે Login કરવું પડતું હતું, પરંતુ હવે કંપનીએ આ સમસ્યા દૂર કરી છે. મલ્ટીપલ પ્રોફાઈલ ફીચરમાં, તમે સરળતાથી એ પણ શોધી શકશો કે તમે તમારું કન્ટેન્ટ કયા યુઝર્સ સાથે શેર કર્યું છે. ફેસબુકના જણાવ્યા અનુસાર, આ ફીચર રોલઆઉટ કરવામાં આવ્યું છે. કેટલાક યુઝર્સને તેનું અપડેટ મળી ગયું છે અને આવનારા સમયમાં મોટાભાગના લોકો તેનો ઉપયોગ કરી શકશે.
આ પણ વાંચો – એલોન મસ્ક X પ્લેટફોર્મ પર ટૂંક સમયમાં લાવી રહ્યા છે નવું ફીચર, આ ત્રણ કંપનીઓની વધી ટેન્શન
ગુજરાત ફર્સ્ટ તમને સમાચારોથી હંમેશા અવગત રાખશે
