ટાટા ગ્રુપ (Tata Group) હવે ભારતમાં iPhone (Apple Iphone) બનાવશે. ટાટા ગ્રુપની સાથે વિસ્ટ્રોન ફેક્ટરી હસ્તગત કરવાના સોદાને મંજૂરી આપવામાં આવી છે. ઈલેક્ટ્રોનિક્સ અને ટેક્નોલોજી મંત્રી રાજીવ ચંદ્રશેખરે શુક્રવારે સોશિયલ મીડિયા પર આ માહિતી આપી હતી. મંત્રીએ કહ્યું કે ટાટા ગ્રુપ અઢી વર્ષમાં સ્થાનિક અને વૈશ્વિક બજારો માટે ભારતમાં Apple iPhoneનું ઉત્પાદન શરૂ કરશે.
વિસ્ટ્રોનનું ઓપરેશન સંભાળવા માટે ટાટા ટીમને અભિનંદન
કેન્દ્રીય મંત્રી રાજીવ ચંદ્રશેખરે સોશિયલ મીડિયા પ્લેટફોર્મ પર પોસ્ટ કર્યું કે ભારત સરકાર ગ્લોબલ ઇન્ડિયન ઇલેકટ્રોનિક્સ કંપનીઓના વિકાસના સમર્થનમાં છે. તે ગ્લોબલ ઇલેકટ્રોનિક્સ બ્રાન્ડસનું સમર્થન કરશે જે ભારતને વિશ્વસનિય વિનિર્માણ અને પ્રતિભાના ભાગીદાર બનવા માગે છે. ભારતને વૈશ્વિક ઈલેક્ટ્રોનિક્સ પાવર બનાવવાના PM મોદીના ધ્યેયને હાંસલ કરવા માંગે છો. વિસ્ટ્રોનનું ઓપરેશન સંભાળવા માટે ટાટા ટીમને અભિનંદન.
PM @narendramodi Ji’s visionary PLI scheme has already propelled India into becoming a trusted & major hub for smartphone manufacturing and exports.
Now within just two and a half years, @TataCompanies will now start making iPhones from India for domestic and global markets from… pic.twitter.com/kLryhY7pvL
— Rajeev Chandrasekhar
(@Rajeev_GoI) October 27, 2023
ફેક્ટરીમાં વૈશ્વિક બજાર માટે iPhone 15નું ઉત્પાદન કરાશે
વિસ્ટ્રોન ફેક્ટરી કર્ણાટકના દક્ષિણપૂર્વમાં છે. રિપોર્ટ અનુસાર, માર્ચ 2024 સુધીમાં, વિસ્ટ્રોન આ ફેક્ટરીમાંથી લગભગ $1.8 બિલિયનની કિંમતના Apple iPhones બનાવશે. ટાટા આ ફેક્ટરીમાં વૈશ્વિક બજાર માટે iPhone 15નું ઉત્પાદન કરશે.
કંપનીનું મૂલ્યાંકન 600 મિલિયન ડોલર છે
વિસ્ટ્રોન ફેક્ટરીનું મૂલ્ય આશરે $600 મિલિયન છે. આ ડીલ અંગે લગભગ એક વર્ષથી વાતચીત ચાલી રહી હતી. આ ફેક્ટરી iPhone 14 મોડલના ઉત્પાદન માટે જાણીતી છે. આ ફેક્ટરીમાં 10,000 થી વધુ લોકો કામ કરે છે.
વિસ્ટ્રોન શા માટે વેચવામાં આવ્યું?
જો અહેવાલો પર વિશ્વાસ કરવામાં આવે તો, વિસ્ટ્રોનને નુકસાન થઈ રહ્યું છે. કારણ કે એપલની શરતો હેઠળ કંપની ખોટનો સામનો કરી રહી છે. વિસ્ટ્રોનનું કહેવું છે કે એપલ ફોક્સકોન અને પેગાટ્રોન કરતાં વધુ માર્જિન વસૂલી રહી છે. તે જ સમયે, ચીનની તુલનામાં ભારતમાં વિવિધ પડકારો છે, જેના કારણે ભારતમાં કર્મચારીઓ સાથે કામ કરવું મુશ્કેલ બની રહ્યું છે. આવી સ્થિતિમાં વિસ્ટ્રોન પોતાની કંપની વેચવા જઈ રહી છે.
વિસ્ટ્રોને 2008માં ભારતીય બજારમાં પ્રવેશ કર્યો હતો
વિસ્ટ્રોન 2008 માં ભારતીય બજારમાં પ્રવેશ્યું, જ્યારે કંપની ઘણા ઉપકરણો માટે સમારકામ સુવિધાઓ પ્રદાન કરતી હતી. આ પછી, 2017 માં, કંપનીએ તેની કામગીરીનો વિસ્તાર કર્યો અને Apple માટે iPhoneનું ઉત્પાદન શરૂ કર્યું.
iPhone 15 સિરીઝ 12 સપ્ટેમ્બરે લોન્ચ કરવામાં આવી હતી
કેલિફોર્નિયા સ્થિત ટેક કંપની એપલે 12 સપ્ટેમ્બરે તેની Wanderlust ઇવેન્ટમાં iPhone 15 સિરીઝને રૂ. 79,990ની શરૂઆતની કિંમતે લૉન્ચ કરી હતી. કંપનીએ વોચ સીરીઝ 9 અને વોચ અલ્ટ્રા 2 પણ રજૂ કરી છે. પહેલીવાર એપલે ચાર્જિંગ માટે ટાઇપ-સી પોર્ટ આપ્યું છે.
ટાઇટેનિયમ બોડી
આ વખતે iPhone-15માં 48-મેગાપિક્સલનો મુખ્ય કેમેરા છે. iPhone 15 અને 15 Plusમાં A16 Bionic ચિપ આપવામાં આવી છે. તે જ સમયે, A17 Pro ચિપ iPhone 15 Pro અને Pro Maxમાં ઉપલબ્ધ થશે. પ્રો મોડલ્સની બોડીમાં ટાઇટેનિયમનો ઉપયોગ કરવામાં આવ્યો છે.
આ પણ વાંચો—-WHATSAPP યુઝર્સ માટે આવ્યા મોટા સમાચાર, આ સ્માર્ટફોનમાં નહીં ચાલે મેસેજિંગ એપ
