MUMBAI : જે ઘડીની રાહ ભારતવાસીઓ લાંબા સમયથી જોઈ રહ્યા હતા, તે ક્ષણ આખરે આવી ગઈ છે. ભારતની ટીમે 17 વર્ષ બાદ T20 વિશ્વકપ પોતાના નામે કર્યો છે. ભારતના વિશ્વકપ જીતતાની સાથે જ ભારતભરમાં ખુશીની લહેર જાણે આવી ગઈ છે. તોફાનના કારણે બાર્બાડોસમાં ફસાયેલી ટીમ ઈન્ડિયા આજે એટલે કે બુધવારે દેશ પહોંચી ગઈ છે. વિશ્વકપ જીત્યા બાદ CHAMPIONS નું ધમાકેદાર સ્વાગત મુંબઈ ખાતે કરવામાં આવ્યું છે. વિશ્વકપ જીતવાના સન્માનમાં મુંબઈના મરીન ડ્રાઈવ ખાતે વિજય પરેડનું આયોજન કરવામાં આવ્યું છે. વરસાદ હોવા છતાં, વિજેતાઓને સન્માનવા માટે મોટી સંખ્યામાં લોકો અહીં એકઠા થયા છે.
મુંબઈમાં ભારતીય ટીમનું ભવ્ય સ્વાગત
29 જૂનના રોજ barbados માં ભારતની ટીમે દક્ષિણ આફ્રિકા સામે 7 રનથી વિજય મેળવીને ઇતિહાસ સર્જ્યો હતો. પરંતુ બાર્બાડોસના મેદાન પર ફાઈનલ મેચ જીત્યા બાદ ટીમ ઈન્ડિયા ત્યાં આવેલા ચક્રવાતી તોફાનના કારણે તરત જ નીકળી શકી ન હતી.
Team Indiaનું Mumbaiમાં ભવ્ય સ્વાગત #VictoryParade #TeamIndia #WorldChampions #MumbaiCelebrations #CricketFever #T20WorldCup2024 #ChampionsParade #CricketHeroes #IndiaWins #CricketMania #Gfcard #Gujaratfirst pic.twitter.com/QXpPEkCT9i
— Gujarat First (@GujaratFirst) July 4, 2024
ટીમ ઈન્ડિયાના તમામ ખેલાડીઓ બાર્બાડોસથી એર ઈન્ડિયાની સ્પેશિયલ ફ્લાઈટ દ્વારા સીધા દિલ્હી પહોંચ્યા બાદ હોટલ માટે રવાના થયા હતા, ત્યારબાદ ટીમ વડાપ્રધાન નરેન્દ્ર મોદીને મળવા માટે સવારે 11 વાગ્યે પીએમ આવાસ પર પહોંચી હતી.
Sea of fans at Marine Drive to welcome Team India as it reaches Mumbai after World Cup triumph
Read @ANI Story | https://t.co/iXJLOoH0yr#India #Mumbai #MarineDrive #VictoryParade pic.twitter.com/vsbNrIEdop
— ANI Digital (@ani_digital) July 4, 2024
હવે ટીમ ઈન્ડિયા વિજય પરેડ માટે મુંબઈ પહોંચી ગઈ છે. મુંબઈમાં તેમનું જોરશોરથી સ્વાગત હજારોની સંખ્યામાં આવેલી ભીડ દ્વારા કરવામાં આવ્યું છે. વર્ષ 2011 બાદ આખરે ફરી એક વખત મુંબઈની ગલીઓ ભારતની જીતના જશ્નથી ઝૂમી ઉઠી છે.
વાનખેડેમાં ઉમટ્યા હજારો ફેન્સ
#WATCH | Mumbai: Cricket fans continue to gather for Team India and cheer on at Marine Drive. The #T20WorldCup champions will have a victory parade here shortly. pic.twitter.com/8s3Mo6uJIC
— ANI (@ANI) July 4, 2024
ભારતની ટીમનું સ્વાગત કરવા માટે જાણે આખા ભારતના ક્રિકેટ ફેન્સ મુંબઈ પહોંચી ગયા હોય તેવું લાગી રહ્યું છે. ખૂબ જ મોટી સંખ્યામાં ભારતના ઝંડા અને ખેલાડીઓના નામના પોસ્ટર સાથે વાજતે ગાજતે ટીમ ઈન્ડિયાના ચેમ્પિયન ખેલાડીઓનું ખાસ સ્વાગત કરવામાં આવ્યું છે. વાનખેડેમાં ભારતીય ટીમના ખેલાડીઓની victory lap યોજાવવાની છે. જેને લઈને લોકોમાં ખૂબ જ ઉત્સાહ જોવા મળી રહ્યો છે. વાનખેડે સ્ટેડિયમની અંદર હજારો ક્રિકેટ ચાહકો બેઠા છે. સ્ટેડિયમની અંદર ટીમ ઈન્ડિયાનો સતત ઉત્સાહ જોવા મળી રહ્યો છે. સાથે જ ટીમ ઈન્ડિયાના સ્વાગત માટે ઢોલ પણ વગાડવામાં આવી રહ્યા છે.
ટીમ ઈન્ડિયાના વિમાનને અપાયું ખાસ સેલ્યુટ
Team India’s flight received a water salute from Mumbai Aiport when they reached Mumbai. pic.twitter.com/CN6ZPieif2
— Johns. (@CricCrazyJohns) July 4, 2024
ભારતીય ટીમના પ્લેનનું મુંબઈ એરપોર્ટ પર વિશેષ સન્માન કરવામાં આવ્યું છે. ભારતીય ટીમની ફ્લાઈટ મુંબઈ પહોંચતા જ તેમનું વોટર સેલ્યુટ સાથે સ્વાગત કરવામાં આવ્યું હતું. આ ખાસ સ્વાગતનો વિડીયો હાલ સોશિયલ મીડિયા ઉપર ઘણો વાયરલ થઈ રહ્યો છે. વિડીયોમાં જોઈ શકાય છે કે એરપોર્ટના દ્વારા ખાસ પાણીથી ખાસ સન્માન સેલ્યુટ અપાયું હતું.
આ પણ વાંચો : વર્લ્ડ ચેમ્પિયન્સને ભારત લાવ્યું હતું આ વિમાન, હવે આ નામે ઓળખાશે