ભારત અને અફઘાનિસ્તાન (IND vs AFG) વચ્ચે ગુરુવારે 11 જાન્યુઆરીથી T20 સિરીઝ શરૂ થવા જઈ રહી છે. સિરીઝની પહેલી મેચ 11 જાન્યુઆરીએ IS બિન્દ્રા પીસીએ સ્ટેડિયમ, મોહાલીમાં રમાશે. સિરીઝ શરૂ થાય તે પહેલા ટીમ ઈન્ડિયા (Team India) સાથે જોડાયેલા એક મોટા અને મહત્વપૂર્ણ સમાચાર સામે આવ્યા છે. થોડા દિવસો પહેલા, રોહિત શર્મા (Rohit Sharma) ની કેપ્ટન તરીકે અને વિરાટ કોહલી (Virat Kohli) ની આ શ્રેણી માટે 14 મહિના પછી વાપસીથી ચાહકો ખૂબ જ ખુશ હતા. પરંતુ હવે મેચના એક દિવસ પહેલા ટીમ ઈન્ડિયાના મુખ્ય કોચ રાહુલ દ્રવિડે પ્રેસ કોન્ફરન્સ (Press Conference) માં વિરાટ કોહલીને બહાર રહેવાની જાણકારી આપી હતી.
કોહલી નહીં રમે અફઘાનિસ્તાન વિરુદ્ધ T20 સિરીઝની પહેલી મેચ
ભારતીય ટીમ માટે અફઘાનિસ્તાન વિરુદ્ધ T20 સિરીઝ ઘણી મહત્વની બની છે. T20 વર્લ્ડ કપ 2024 પહેલા ટીમ ઈન્ડિયા (Team India) ની આ છેલ્લી T20 સિરીઝ હશે. રોહિત શર્મા લાંબા સમય બાદ T20 માં ટીમની કમાન સંભાળશે. આ સાથે જ વિરાટ કોહલી (Virat Kohli) ની પણ ટીમમાં વાપસી થઈ છે. પરંતુ તે પ્રથમ T20 મેચ રમશે નહીં. આ અંગે હેડ કોચ રાહુલ દ્રવિડે (Rahul Dravid) પુષ્ટિ કરી છે કે વિરાટ કોહલી અંગત કારણોસર પ્રથમ T20 મેચ રમી શકશે નહીં.
Rahul Dravid confirms that star Indian batter will miss the first T20I against Afghanistan due to personal reasons
#INDvAFGhttps://t.co/T1P9myXfCu
— ICC (@ICC) January 10, 2024
વિરાટ કોહલી આગામી 14 જાન્યુઆરીએ ઈન્દોરમાં રમાનારી મેચમાં રમશે કે નહીં તે હજુ નક્કી થયું નથી. આ સિવાય એવી પણ માહિતી છે કે રોહિત શર્મા 11 જાન્યુઆરીએ મેચ છે અને 10 તારીખ સુધી મોહાલી પહોંચ્યો નથી. જોકે, રાહુલ દ્રવિડે કહ્યું છે કે રોહિત શર્મા અને યશસ્વી જયસ્વાલ (Yashaswi Jaiswal) જ ઇનિંગની શરૂઆત કરશે. જેનો અર્થ છે કે શુભમન ગિલ (Shubman Gill) ને પોતાનું સ્થાન ગુમાવવું પડી શકે છે.
T20નો બાદશાહ છે Virat Kohli
વિરાટ કોહલી T20I માં સૌથી વધુ રન બનાવનાર બેટ્સમેન છે. અત્યાર સુધી તેણે 115 મેચમાં 4008 રન બનાવ્યા છે. તે એકમાત્ર એવો બેટ્સમેન છે જેણે T20I માં 4000 થી વધુ રન બનાવ્યા છે. વિરાટ કોહલીએ તેની છેલ્લી T20 મેચ 2022 એશિયા કપ દરમિયાન અફઘાનિસ્તાન સામે રમી હતી. વિરાટે આ મેચમાં અણનમ 122 રન બનાવ્યા હતા. T20 માં પણ આ તેનો સર્વશ્રેષ્ઠ સ્કોર છે.
— BCCI (@BCCI) January 10, 2024
T20 શ્રેણી માટે ભારતીય ટીમની ટીમ
રોહિત શર્મા (કેપ્ટન), શુભમન ગિલ, યશસ્વી જયસ્વાલ, વિરાટ કોહલી, તિલક વર્મા, રિંકુ સિંઘ, જીતેશ શર્મા (વિકેટકીપર), સંજુ સેમસન (વિકેટકીપર), શિવમ દુબે, વોશિંગ્ટન સુંદર, અક્ષર પટેલ, રવિ બિશ્નોઈ, કુલદીપ યાદવ, અર્શભાઈ સિંહ. , અવેશ ખાન, મુકેશ કુમાર.
આ પણ વાંચો – ICC Test Rankings : વિરાટ અને રોહિતને મળી Good News
આ પણ વાંચો – IND vs AFG Series: મેચ પહેલા અફઘાનિસ્તાન ટીમને મોટો ઝટકો, આ ખેલાડી શ્રેણીમાંથી થયો બહાર
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
