Olympic Games Paris 2024 : ભૂતપૂર્વ વર્લ્ડ ચેમ્પિયન પીવી સિંધુના નેતૃત્વમાં ભારતીય બેડમિન્ટન ખેલાડીઓએ BWF દ્વારા જાહેર કરાયેલ રેસ ટુ પેરિસ રેન્કિંગ સૂચિ મુજબ દેશ માટે પાંચ પેરિસ 2024 ઓલિમ્પિક (Olympic Games Paris 2024) ક્વોટા મેળવ્યા છે.
ભારતે ત્રણ સિંગલ્સ અને બે ડબલ્સ ક્વોટા મેળવ્યા
પાંચ ક્વોટા સ્થાનોમાંથી, ભારતે ત્રણ સિંગલ્સ અને બે ડબલ્સ ક્વોટા મેળવ્યા છે. આ સાથે, ભારત પેરિસ 2024 ગેમ્સમાં ઓલિમ્પિક માટે સાત શટલર્સની તેની સૌથી મોટી બેડમિન્ટન ટીમને મેદાનમાં ઉતારે તેવી અપેક્ષા છે.
પીવી સિંધુએ રેસ ટુ પેરિસ રેન્કિંગ લિસ્ટમાં 12મું સ્થાન મેળવીને ક્વોટા સુરક્ષિત કર્યો
રિયો 2016 ઓલિમ્પિકમાં સિલ્વર અને ટોક્યો 2020માં બ્રોન્ઝ જીતનાર ભૂતપૂર્વ વર્લ્ડ ચેમ્પિયન પીવી સિંધુએ રેસ ટુ પેરિસ રેન્કિંગ લિસ્ટમાં 12મું સ્થાન મેળવીને ક્વોટા સુરક્ષિત કર્યો.
બે સિંગલ્સ ઈવેન્ટ્સમાંના દરેકમાં કુલ 35 શટલર્સે રેસ ટુ પેરિસ લીસ્ટ દ્વારા ક્વોટા મેળવ્યા
પુરુષો અને મહિલા રેસ ટુ પેરિસ રેન્કિંગમાં ટોચના 16 (દેશ દીઠ મહત્તમ બે) માં સ્થાન મેળવનાર ખેલાડીઓ ઓલિમ્પિકમાં તેમની રાષ્ટ્રીય ટીમો માટે સ્થાન સુરક્ષિત કરે છે. ક્વોલિફાઇંગ સમયગાળો 1 મે, 2023 ના રોજ શરૂ થયો હતો અને આ વર્ષે 28 એપ્રિલના રોજ સમાપ્ત થયો હતો. વધુમાં, બે સિંગલ્સ ઈવેન્ટ્સમાંના દરેકમાં કુલ 35 શટલર્સે રેસ ટુ પેરિસ યાદી દ્વારા ક્વોટા મેળવ્યા હતા. આમાં મહાદ્વિપીય પ્રતિનિધિત્વ માટેના ક્વોટા સ્થાનોનો સમાવેશ થાય છે.
વર્લ્ડ ચેમ્પિયનશિપ મેડલ વિજેતા એચએસ પ્રણોય અને લક્ષ્ય સેને મેન્સ સિંગલ્સમાં ક્વોટા મેળવ્યા
વર્લ્ડ ચેમ્પિયનશિપ મેડલ વિજેતા એચએસ પ્રણોય અને લક્ષ્ય સેને મેન્સ સિંગલ્સમાં ક્વોટા મેળવ્યા હતા. પ્રણય આ યાદીમાં નવમા ક્રમે જ્યારે સેન 13મા ક્રમે છે.સભારતે ડબલ્સ ઇવેન્ટમાં બાકીના બે ક્વોટા સુરક્ષિત કર્યા, જેમાં ચિરાગ શેટ્ટી અને સાત્વિકસાઈરાજ રેન્કીરેડ્ડી મેન્સ ડબલ્સમાં ત્રીજા ક્રમે અને અશ્વિની પોનપ્પા અને તનિષા ક્રાસ્ટો મહિલા ડબલ્સમાં 13મા ક્રમે રહ્યા હતા.
વિશ્વમાં નંબર 1 ક્રમાંક મેળવનારી પ્રથમ ભારતીય ડબલ્સ જોડી
ચિરાગ-સાત્વિક ગયા વર્ષે એશિયન ગેમ્સમાં ગોલ્ડ મેડલ જીતીને વિશ્વમાં નંબર 1 ક્રમાંક મેળવનારી પ્રથમ ભારતીય ડબલ્સ જોડી બની હતી. દરમિયાન, અશ્વિની પોનપ્પા અને તનિષા ક્રાસ્ટોએ ગયા વર્ષના અંતમાં સુપર 100 ટાઇટલ જીત્યું હતું અને સૈયદ મોદી ઇન્ટરનેશનલ BWF સુપર 300 ઇવેન્ટની ફાઇનલમાં પણ પહોંચી હતી.
આ પણ વાંચો—– Rohit Sharma PC: આ જીવનનો હિસ્સો..! રોહિત શર્માએ પહેલીવાર કપ્તાની પર તોડી ચુપ્પી
આ પણ વાંચો—– Dubai : જીત બાદ પાકિસ્તાની એથ્લેટે લહેરાવ્યો ભારતીય તિરંગો, Video જોઈને દરેક વ્યક્તિ દિવાના થઈ ગયા…