Rahul Gandhi : વિપક્ષી નેતા રાહુલ ગાંધી (Rahul Gandhi )એ આજે લોકસભામાં કહ્યું કે, ભાજપ સતત બંધારણ પર હુમલો કરી રહી છે. તેના પરિણામો ચૂંટણીમાં દેખાઈ રહ્યા છે. તેમણે કહ્યું કે અમારા ઘણા નેતાઓને જેલમાં ધકેલી દેવામાં આવ્યા છે. એક નેતા હમણાં જ જેલમાંથી બહાર આવ્યા છે અને બીજા હજુ જેલમાં છે. તેઓ અરવિંદ કેજરીવાલનો ઉલ્લેખ કરી રહ્યા હતા. રાહુલ ગાંધીએ કહ્યું કે મારા પર પણ હુમલો થયો અને આ બધું દેશના વડાપ્રધાનના આદેશ પર કરવામાં આવ્યું. મારી સામે 20 થી વધુ કેસ નોંધાયા હતા અને મને બે વર્ષની જેલની સજા થઈ હતી. મારું ઘર છીનવી લેવામાં આવ્યું અને મીડિયામાં મારા વિરુદ્ધ 24 કલાક અભિયાન ચલાવવામાં આવ્યું. મારી 55 કલાક સુધી પૂછપરછ કરવામાં આવી. જ્યારે તે સમાપ્ત થયું, ત્યારે અધિકારીએ મને કહ્યું કે તમે 55 કલાક બેઠા રહ્યા, પરંતુ . તમે પથ્થર જેવા છો.
રાહુલ ગાંધીએ ગૃહમાં ભગવાન શિવની તસવીર બતાવી
આ દરમિયાન રાહુલ ગાંધીએ ગૃહમાં ભગવાન શિવની તસવીર બતાવી અને કહ્યું કે અમે ભગવાનના શરણમાં છીએ. આનાથી અમને આ પરિસ્થિતિઓ સામે લડવામાં મદદ મળી. ભગવાન શિવના આશીર્વાદનો ઉલ્લેખ કરતા તેણે કહ્યું કે તેમણે ઝેર પીધું અને નીલકંઠ બન્યા. તેમાંથી વિપક્ષે શીખ્યું અને અમે ઝેર પીતા રહ્યા. ભગવાન શિવના ત્રણ પ્રતીકોનો ઉલ્લેખ કરતાં તેમણે કહ્યું કે ત્રિશુલ આપણને અહિંસાનો સંદેશ આપે છે. આ સિવાય તેમની અભય મુદ્રામાં ઊંચો હાથ કોંગ્રેસના પ્રતિક સમાન છે.
#WATCH | Leader of Opposition in Lok Sabha, Rahul Gandhi says, “Abhayamudra is the symbol of Congress…The Abhayamudra is the gesture of fearlessness, is the gesture of reassurance and safety, which dispels fear and accords divine protection and bliss in Hinduism, Islam,… pic.twitter.com/ZTIVAOduRb
— ANI (@ANI) July 1, 2024
જેઓ પોતાને હિંદુ કહે છે તેઓ હંમેશા હિંસા કરે છે
એટલું જ નહીં રાહુલ ગાંધીએ ઈસ્લામનો પણ ઉલ્લેખ કર્યો હતો. તેમણે કહ્યું કે પયગંબર સાહેબ કહે છે કે ભગવાન આપણી સાથે છે અને આપણે ડરવાની જરૂર નથી. એ જ રીતે ઇસ્લામમાં પણ ભયથી દૂર રહેવાનો સંદેશ આપવામાં આવ્યો છે. આ દરમિયાન રાહુલ ગાંધીએ શીખ સંપ્રદાયના ગુરુ નાનકની તસવીર પણ બતાવી. આ દરમિયાન રાહુલ ગાંધીએ ભગવાન શિવની અભયમુદ્રાનો ઉલ્લેખ કરતા કહ્યું કે તે ડરો અને ડરાવો નહી એવો સંદેશ આપે છે. તે આવો સંદેશ આપે છે, જ્યારે પોતાને હિંદુ ગણાવતા લોકો આખો દિવસ હિંસા-હિંસા કરે છે. હિંદુઓને હિંસા સાથે જોડવાના મુદ્દે ભાજપના સાંસદોએ હંગામો મચાવ્યો અને તેને સમાજનું અપમાન ગણાવ્યું. આટલું જ નહીં, પીએમ નરેન્દ્ર મોદીએ પોતે હસ્તક્ષેપ કર્યો અને ઉભા થયા અને કહ્યું કે સમગ્ર હિન્દુ સમાજને હિંસક કહેવું અપમાન છે. તેના પર રાહુલ ગાંધીએ કહ્યું કે હિંદુનો અર્થ માત્ર ભાજપ અને આરએસએસ નથી.
લોકસભા સ્પીકર ઓમ બિરલાએ આપી સલાહ
આટલું જ નહીં ગૃહમંત્રી અમિત શાહે પણ આના પર સખત વાંધો વ્યક્ત કર્યો અને કહ્યું કે રાહુલ ગાંધીએ આખા દેશની માફી માંગવી જોઈએ. લોકસભા સ્પીકર ઓમ બિરલાએ કહ્યું કે આપણી પાસે સંવેદનશીલતા હોવી જોઈએ અને હું કોઈપણ સમાજ વિશે આવી ટિપ્પણી કરવી ખોટું માનું છું. તમારે વાંધાજનક બાબતોથી બચવું પડશે. તેના પર રાહુલ ગાંધીએ કહ્યું કે આ લોકો ભય ફેલાવી રહ્યા છે અને તેમને અયોધ્યાથી ડર ન ફેલાવવાનો સંદેશ પણ મળ્યો છે. આના પર પણ જ્યારે રાહુલ ગાંધી શાંત ન રહ્યા તો અમિત શાહે ફરી ઉભા થઈને આકરા પ્રહારો કર્યા અને સવાલ કર્યો કે શું આ લોકો પર નિયમો લાગુ નથી થતા.
આ પણ વાંચો—– Parliament Session : સંસદમાં NEET મુદ્દે ફરી હોબાળો, વિપક્ષનું વોકઆઉટ
