CBSE બોર્ડે ધોરણ 10 અને 12 ના પરિણામની તારીખ જાહેર કરી છે. આટલી રાહ જોયા બાદ આખરે સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ ધોરણ 10 અને 12 ની પરીક્ષાના પરિણામોની તારીખ જાહેર કરી દીધી છે. સત્તાવાર વેબસાઇટ અનુસાર, ધોરણ 10 અને 12 નું પરિણામ 20 મે પછી જાહેર કરવામાં આવશે. જે વિદ્યાર્થીઓ CBSE ધોરણ 10 અને 12 માંના પરિણામ 2024 ની આતુરતાથી રાહ જોઈ રહ્યા છે તેઓને તેમના પરિણામો તપાસવા માટે તેમના દસ્તાવેજો તૈયાર રાખવાની સલાહ આપવામાં આવે છે. એકવાર પરિણામ જાહેર થઈ ગયા પછી, વિદ્યાર્થીઓ CBSEની સત્તાવાર વેબસાઇટ cbseresults.nic.in, results.nic.in, cbse.nic.in પરથી તેમનું સ્કોરકાર્ડ ડાઉનલોડ કરી શકશે.
નોટિસમાં શું લખ્યું હતું?
સત્તાવાર વેબસાઈટ પર લખવામાં આવ્યું છે કે, ‘CBSE બોર્ડના ધોરણ 10 અને 12 ના પરિણામ 20 મે 2024 પછી જાહેર થવાની શક્યતા છે.’ આ મુજબ ધોરણ 10 અને 12 નું પરિણામ એક જ દિવસે જાહેર કરવામાં આવશે. જે વિદ્યાર્થીઓ 10 કે 12 માં ધોરણની બોર્ડની પરીક્ષામાં બેઠા હતા તેઓ ડિજીલોકર, ઉમંગ એપ સહિતની સત્તાવાર વેબસાઈટ અને અન્ય એપ્સ પર તેની સાથે સંબંધિત માહિતી ચકાસી શકે છે.
કેટલા વિદ્યાર્થીઓએ પરીક્ષા આપી?
આ વર્ષે, સમગ્ર દેશમાં લગભગ 39 લાખ વિદ્યાર્થીઓએ CBSE ધોરણ 10 અને 12 માંની બોર્ડની પરીક્ષા માટે નોંધણી કરાવી હતી. CBSE વર્ગ 10 ની પરીક્ષા 15 ફેબ્રુઆરીથી 13 માર્ચની વચ્ચે અને CBSE વર્ગ 12 ની પરીક્ષા 15 ફેબ્રુઆરીથી 12 એપ્રિલની વચ્ચે યોજાઈ હતી. પરીક્ષાઓ તમામ દિવસોમાં સવારે 10.30 થી બપોરે 1.30 વાગ્યા સુધી એક જ પાળીમાં લેવામાં આવી હતી.
આ પણ વાંચો : PM મોદીના કોંગ્રેસ પર પ્રહાર, કહ્યું- મેં પહેલાથી જ કહ્યું હતું કે બે સીટો પર ચૂંટણી લડશે Rahul Gandhi…
આ પણ વાંચો : Covishield પરના હોબાળા વચ્ચે Covaxin બનાવનાર કંપનીનું આવ્યું નિવેદન, કહ્યું- અમારી રસી…
આ પણ વાંચો : Shiv Sena નેતા સુષ્મા અંધારેનું હેલિકોપ્ટર થયું ક્રેશ, Video Viral
