Indian Students Death: અમેરિકામાં એક જ અઠવાડિયામાં ત્રણ ભારતીય વિદ્યાર્થીઓના મોત થઈ ભારે દહેશત ફેલાઈ ગઈ છે. ભારતીય વિદ્યાર્થીઓના મોતના કારણે તેમના માતા-પિતા અને વિદ્યાર્થીઓમાં ચિંતામાં વધારો થઈ ગયો છે. મળતી વિગતો પ્રમાણે અમેરિકાના સિનસિનાટીમાં ભારતીય વિદ્યાર્થી મૃત મળી આવ્યો છે. અમેરિકામાં આ એક જ અઠવાડિયામાં ત્રીજી મોતની ઘટના બની છે. જો કે, વિદ્યાર્થીના મોતનું કારણ હજી સામે આવ્યું નથી, પરંતુ અમેરિકામાં વિદ્યાર્થીઓને લઈને માતા-પિતામાં ભારે ચિંતાનો માહોલ જોવા મળી રહ્યો છે.
એક જ અઠવાડિયામાં ત્રીજી મોતની ઘટના
મળતી વિગતો પ્રમાણે 25 વર્ષીય ભારતીય વિદ્યાર્થી વિવેક સૈનીએ અત્યારે જ અમેરિકામાં એમબીએ પૂરુ કર્યું છે. 16 જાન્યુઆરીના રોજ, એક બેઘર ડ્રગ વ્યસની જુલિયન ફોકનરે તેના પર નિર્દયતાથી હુમલો કર્યો હતો. સૈનીએ ફોકનરને તે સ્ટોરમાં આશ્રય આપ્યો હતો જ્યાં તે કામ કરતો હતો. તેણે હુમલાખોરને ચિપ્સ, પાણી, કોક અને જેકેટ આપીને પણ મદદ કરી હતી. કમનસીબે, જ્યારે સૈનીએ ફોકનરને ત્યાંથી જવાનું કહ્યું, ત્યારે પરિસ્થિતિએ ગંભીર વળાંક લીધો જેના કારણે ફોકનરે તેના પર હથોડી વડે હુમલો કર્યો જેના પરિણામે સૈનીનું મૃત્યુ થયું.
નીલ 28 જાન્યુઆરીએ લાપતા થઈ ગયો હતો
બીજી ઘટનાની વાત કરીએ તો પરડ્યુ વિશ્વવિદ્યાલયમાં કમ્પ્યુટર સાયન્સના પ્રમુખ નીલ આચાર્ય 28 જાન્યુઆરીએ લાપતા થઈ ગયો હતો. થોડા દિવસો બાદ તેની લાશ વિશ્વવિદ્યાલયના પરિસરમાંથી મળી આવી હતી. નીલની માતા ગૌરી આચાર્યએ તેના ગુમ થયેલા પુત્ર વિશે માહિતી મેળવવાની અપીલ કરતા સોશિયલ મીડિયા પર મદદ માંગી હતી. તેમના મૃત્યુ પાછળનું કારણ હજુ સુધી જાણી શકાયું નથી.
આ પણ વાંચો: લક્ષદ્વીપને લઈને મોદી સરકારે કરી મોટી જાહેરાત, માલદીવની મુશ્કેલીઓ વધશે!
સોશિયલ મીડિયા પોસ્ટ કરીને મદદ માંગી
નીલની મોતના પુષ્ટી કરતા પહેલા તેની માતા ગૌરી આચાર્યે સોમવારે સોશિયલ મીડિયા એપ એક્સ પર લખ્યું હતું કે, ‘અમારો દીકરો નીલ આચાર્ય કાલે એટલે કે, 28 જાન્યુઆરીએ ગુમ થયો હતો. તે અમેરિકામાં પરડ્યુ વિશ્વવિદ્યાલયમાં અભ્યાસ કરે છે. છેલ્લી વખત તે ઉબેર ડ્રાઈવરે જોયો હતો. તેણે તેણીને પરડ્યુ યુનિવર્સિટીમાં છોડી દીધી. જો તમને કંઈ ખબર હોય તો કૃપા કરીને અમને મદદ કરો.’ શિકાગોમાં ભારતના કોન્સ્યુલેટ જનરલે આ પોસ્ટ પર પ્રતિક્રિયા આપતા કહ્યું હતું કે, “કોન્સ્યુલેટ પરડ્યુ યુનિવર્સિટીના અધિકારીઓ અને નીલના પરિવારના સંપર્કમાં છે. કોન્સ્યુલેટ તમામ શક્ય સહાય પૂરી પાડશે.”
