Black Magic : મંત્રીએ જ દેશના સર્વોચ્ચ નેતા પર કરાવી મેલી વિદ્યા….

Black Magic: કોઇ મંત્રી પોતાના જ દેશના સર્વોચ્ચ નેતા પર મેલી વિદ્યા (Black Magic) કરાવે તેવો ચોંકાવનારો કિસ્સો બહાર આવ્યો છે. ભારતની નજીક આવેલા આ દેશ માલદીવમાં દેશના સર્વોચ્ચ નેતા પર કાલા જાદુ એટલે કે મેલી વિદ્યા કરવાનો પ્રયાસ કરાયો છે અને આ કાલા જાદુ તેમની જ સરકારના મંત્રીએ કરાવ્યો હોવાનો ચોંકાવનારો ખુલાસો થયો છે. પોલીસે રાષ્ટ્રપતિ મોહમ્મદ મુઈઝુ પર કાળો જાદુ કરવાના આરોપમાં દેશની સરકારના એક મંત્રીની ધરપકડ કરી છે. સ્થાનિક મીડિયા અનુસાર, પોલીસે પર્યાવરણ રાજ્ય મંત્રી ફાતિમા શમાનાઝની સાથે અન્ય બે લોકોની મુઈઝુની નજીક જવા માટે મેલી વિદ્યા કરવાના આરોપમાં ધરપકડ કરી છે.

શમનાઝ રાષ્ટ્રપતિ કાર્યાલય મંત્રી એડમ રમીઝની પૂર્વ પત્ની

પોલીસે એક નિવેદનમાં જણાવ્યું હતું કે ત્રણેયની ધરપકડ કર્યા પછી, તેઓને કોર્ટમાં રજૂ કરવામાં આવ્યા હતા, જ્યાંથી કોર્ટે તમામને સાત દિવસની પોલીસ કસ્ટડીમાં મોકલી દીધા છે. સ્થાનિક અખબારના જણાવ્યા અનુસાર મંત્રી શમનાઝના ભાઈ અને અન્ય એક આરોપીની ધરપકડ કરવામાં આવી છે. શમનાઝ રાષ્ટ્રપતિ કાર્યાલય મંત્રી એડમ રમીઝની પૂર્વ પત્ની છે. શમનાઝની ધરપકડ કરતા પહેલા પોલીસે તેના ઘરની તલાશી લીધી હતી. પોલીસે ઘરમાંથી કેટલીક વસ્તુઓ પણ જપ્ત કરી છે.

મંત્રી શમનાઝના ઘરેથી કાળા જાદુ સાથે જોડાયેલી વસ્તુઓ જપ્ત

પોલીસ પ્રવક્તા અહેમદ શિફાને પણ મંગળવારે મંત્રી શમનાઝની સાથે અન્ય બે લોકોની ધરપકડની પુષ્ટિ કરી હતી. અગાઉ, પોલીસે શમાનાઝના ઘરે દરોડા પાડ્યા હતા અને ઘણી વસ્તુઓ જપ્ત કરી હતી જેનો ઉપયોગ કાળો જાદુ કરવા માટે કરાયો હોઇ શકે છે.

આરોપી મંત્રીએ મુઈઝુ સાથે અનેક પદો પર કામ કર્યું હતું.

તમને જણાવી દઈએ કે એપ્રિલમાં પર્યાવરણ મંત્રાલયમાં ટ્રાન્સફર થતાં પહેલા શમનાઝે રાષ્ટ્રપતિ ભવનમાં મુઈઝુ માટે રાજ્ય મંત્રી તરીકે કામ કર્યું હતું, જે ગયા વર્ષે સપ્ટેમ્બરમાં ચૂંટાઈ હતી. તેણે અગાઉ મુઈઝુ સાથે સિટી કાઉન્સિલમાં કામ કર્યું હતું અને જ્યારે મુઈઝુ મેયર હતા ત્યારે સિટી કાઉન્સિલર તરીકે સેવા આપી હતી.

માલદીવમાં આવો જ એક કિસ્સો બની ચૂક્યો છે

કાળો જાદુ, જેને સ્થાનિક રીતે ફંડિટા અથવા સિહુરુ તરીકે ઓળખવામાં આવે છે, તે ઇસ્લામિક કાયદા હેઠળ ગંભીર અપરાધ માનવામાં આવે છે તેમ છતાં માલદીવમાં વ્યાપક માન્યતા છે. મે મહિનામાં, પોલીસે સંસદીય ચૂંટણી લડી રહેલા શાસક પક્ષના સભ્ય પર કાળો જાદુ કરવાના આરોપમાં 60 વર્ષીય વ્યક્તિની ધરપકડ કરી હતી. ડિસેમ્બર 2015 માં, ઇસ્લામિક મંત્રાલયે એક જાહેર નિવેદન જારી કરીને ચેતવણી આપી હતી કે સમાજમાં કાળો જાદુ ખૂબ જ સામાન્ય બની રહ્યો છે અને વ્યક્તિએ આવી પ્રથાઓથી દૂર રહેવું જોઈએ.

આ પણ વાંચો–— PM Giorgia Meloni: ભારતીય વ્યક્તિની મોત પર Giorgia Meloni સંસદમાં થઈ ભાવૂક