America : America માં આવતા મહિને શરૂ થઈ રહેલા T-20 ક્રિકેટ વર્લ્ડ કપ દરમિયાન ભારત-પાકિસ્તાનની મેચ પર આતંકવાદી હુમલાનો ખતરો છે. આ મેચ 9 જૂને ન્યૂયોર્કના લોંગ આઈલેન્ડના નાસાઉ કાઉન્ટી ક્રિકેટ સ્ટેડિયમમાં રમાશે. આ અંગે સુરક્ષા એલર્ટ જારી કરવામાં આવ્યું છે
વીડિયોમાં ડ્રોન હુમલાની ચેતવણી
આતંકી સંગઠન ઈસ્લામિક સ્ટેટે એક વીડિયોમાં ધમકી આપી છે. વીડિયોમાં ડ્રોન હુમલાની ચેતવણી આપવામાં આવી છે. આ પછી સુરક્ષા વ્યવસ્થા કડક કરવાનો નિર્ણય લેવામાં આવ્યો છે.
સુરક્ષા વધારવા માટે સૂચના
ન્યૂયોર્કના ગવર્નર કેથી હોચુલે કહ્યું કે તેમણે ન્યૂયોર્ક પોલીસને સુરક્ષા વધારવા માટે સૂચના આપી છે. સ્ટેડિયમ અને આસપાસના વિસ્તારોમાં સુરક્ષા જવાનોની હાજરી વધારવામાં આવશે. લોકોએ મોનિટરિંગ અને સંપૂર્ણ તપાસ પ્રક્રિયામાંથી પસાર થવું પડશે.
ISIS-ખોરાસાન દ્વારા ચેટ ગ્રુપમાં પોસ્ટ કરાયેલા વીડિયોમાં આ ધમકી આપવામાં આવી
દક્ષિણ અને મધ્ય એશિયામાં કાર્યરત ઈસ્લામિક સ્ટેટ આતંકવાદી સંગઠનની શાખા ISIS-ખોરાસાન દ્વારા ચેટ ગ્રુપમાં પોસ્ટ કરાયેલા વીડિયોમાં આ ધમકી આપવામાં આવી છે. હોચુલે કહ્યું કે આ સમયે કોઈ સુરક્ષા ખતરો નથી, પરંતુ અમે સ્થિતિ પર નજીકથી નજર રાખી રહ્યા છીએ. તેણે કહ્યું કે એપ્રિલથી જ તેમને ધમકીઓ મળવા લાગી હતી.
ક્રિકેટ સ્ટેડિયમની તસવીર પોસ્ટ કરી
ઇસ્લામિક સ્ટેટ આતંકવાદી સંગઠન એટલે કે ISIS એ બ્રિટિશ ચેટ સાઇટ પર ક્રિકેટ સ્ટેડિયમની તસવીર પોસ્ટ કરી, જેના ઉપર ડ્રોન ઉડી રહ્યા હતા. તેમાં ભારત-પાકિસ્તાન મેચની તારીખ 9/06/2024 લખેલી હતી.
ક્ષમતા 30,000 દર્શકોની
ભારત અને પાકિસ્તાન વચ્ચે જે સ્ટેડિયમમાં મેચ રમાવાની છે તેની ક્ષમતા 30,000 દર્શકોની છે. તેની શરૂઆત 1 જૂને ભારત અને બાંગ્લાદેશ વચ્ચેની પ્રદર્શની મેચથી થશે. ટુર્નામેન્ટની નિયમિત મેચો 3 જૂનથી શરુ થશે. ભારત અને શ્રીલંકા વચ્ચે પણ મુકાબલો થશે.
આ પણ વાંચો–— T20 World Cup :T20 વર્લ્ડ કપમાં પહેલીવાર આ ટીમોનો સમાવેશ, જાણો કઈ કઈ
આ પણ વાંચો—-– T20 WC 2024: ટીમ ઈન્ડિયા આ દિવસે રમશે વોર્મ-અપ મેચ,જાણો કોની સાથે ટક્કર
