એક American F-16 ફાઇટર પ્લેન બુધવારે સવારે દક્ષિણ કોરિયાના પશ્ચિમ કિનારે પાણીમાં તૂટી પડ્યું હતું તેમ સ્થાનિક મીડિયા દ્વારા જણાવવામાં આવ્યું હતું. જોકે, સમયસર પાયલોટને વિમાનમાંથી સલામત રીતે બહાર કાઢી લેવામાં આવ્યો હતો.
યુએસ ફોર્સ કોરિયાએ યોનહાપના અહેવાલની પુષ્ટિ કરી
એક ન્યૂઝ એજન્સીના અહેવાલમાં જણાવ્યા અનુસાર છે કે, “અમેરિકન ફાઈટર જેટ બુધવારે સવારે પાણીમાં તૂટી પડ્યું હતું. આ દુર્ઘટનામાં પ્લેનમાં સવાર પાઈલટ સુરક્ષિત છે.” આ અકસ્માત ઉત્તર જિયોલ્લા પ્રાંતના ગુનસાન પાસે થયો હતો. દક્ષિણ કોરિયામાં તૈનાત યુએસ સૈનિકોની દેખરેખ રાખતી યુએસ ફોર્સ કોરિયાએ યોનહાપના અહેવાલની પુષ્ટિ કરી અને કહ્યું કે તે ટૂંક સમયમાં આ ઘટનાની વિગતો જાહેર કરશે.
પાયલોટને સુરક્ષિત બચાવી લેવામાં આવ્યો
અગાઉ ડિસેમ્બરમાં, એક American F-16 ફાઇટર પ્લેન દક્ષિણ કોરિયામાં નિયમિત તાલીમ કવાયત દરમિયાન ક્રેશ થયું હતું જેને યુએસ સૈન્યએ “ફ્લાઇટમાં કટોકટી” તરીકે વર્ણવ્યું હતું. તે સમયે પણ પાયલોટને સુરક્ષિત બચાવી લેવામાં આવ્યો હતો.
અકસ્માતમાં અન્ય કોઈ જાનહાનિ થઈ ન હતી
ગયા વર્ષે મે મહિનામાં, એક American F-16 જેટ સિઓલની દક્ષિણે કૃષિ ક્ષેત્રમાં નિયમિત તાલીમ કવાયત દરમિયાન ક્રેશ થયું હતું. તે અકસ્માતમાં પણ પાયલોટ સુરક્ષિત રીતે બહાર નીકળી ગયો હતો અને અકસ્માતમાં અન્ય કોઈ જાનહાનિ થઈ ન હતી.
આઠ યુએસ એરમેન માર્યા ગયા હતા
યુ.એસ. સિઓલનું સૌથી મહત્વપૂર્ણ સુરક્ષા સાથી છે અને પરમાણુ સશસ્ત્ર ઉત્તરથી તેને બચાવવા માટે દક્ષિણ કોરિયામાં લગભગ 28,500 સૈનિકો તૈનાત કરે છે. જાપાનમાં, યુએસ સૈન્યએ ગયા વર્ષના અંતમાં જાહેરાત કરી હતી કે તે તેના V-22 ઓસ્પ્રે ટિલ્ટ-રોટર એરક્રાફ્ટના કાફલાને એક જીવલેણ દુર્ઘટના પછી ગ્રાઉન્ડ કરી રહ્યું છે જેમાં આઠ યુએસ એરમેન માર્યા ગયા હતા.
આ પણ વાંચો – Bomb Blast : પાકિસ્તાનમાં ચૂંટણી રેલીમાં વિસ્ફોટ, PTIના 3 કાર્યકર્તા સહિત 4ના મોત
