ભાવનગર મનપા કચેરીની કામગીરી સામે શખ્સનો અનોખો વિરોધ, વીડિયો જોશો તો કાળજું કંપી જશે

• ભાવનગરના એક નાગરિકે મનપા કચેરી ખાતે પોતાની વેદના ઠાલવી
• કેબિનમાં ઈલેક્ટ્રિકનું કામ કરતા અને પરિવારનું ગુજરાન ચલાવતા સુરેશભાઈની વેદના
• તેઓનું કેબીન મનપા દબાણ હટાવની ટીમે જપ્ત કર્યું
• તેમની રોજીરોટી છીનવાઈ જતા તેઓ અને તેમના પત્ની મનપા કચેરીએ આવ્યા
• તેમની વેદના ઠાલવતા ભાવનગરના નેક નામદાર રાજવીઓને યાદ કરીને તંત્રને ધ્યાન દોર્યું
• આ દરમિયાન તેમને હાર્ટ એટેક આવતા સારવાર માટે હોસ્પિટલ ખસેડવામાં આવ્યા

સોશિયલ મીડિયામાં ભાવનગરનો એક વીડિયો ખૂબ જ વાયરલ થઇ રહ્યો છે. જેમા એક શખ્સ રસ્તા વચ્ચે બેસીને ટિમ્બાલી વગાડતા મનપાનો વિરોધ કરતા જોવા મળી રહ્યા છે. મળી રહેલી માહિતી અનુસાર, આ શખ્સ ભાવનગર ખાતે એક કેબિનમાં ઈલેક્ટ્રોનિકનું કામ કરતા હતા. આ શખ્સનું કહેવું છે કે, તેમની આ કેબિન તેમની રોજીરોટી કમાવવાનું એકમાત્ર સ્થાન હતું. જેને મનપા દબાણ હટાવની ટીમે જપ્ત કર્યું છે. પોતાની રોજીરોટી છીનવાઈ જતા તે ભાવનગરના રાજવી પરિવારને યાદ કરતા મનપા કચેરીએ એક અનોખી રીતે વિરોધ કરવા પહોંચ્યા હતા.

કેબિનમાં ઈલેક્ટ્રિકનું કામ કરતા અને પરિવારનું ગુજરાન ચલાવતા સુરેશભાઈની વેદના જેણે પણ સાંભળી તેના કાળજામાં કંપન શરૂ થવા લાગ્યું.  તેઓનું કેબીન મનપા દબાણ હટાવની ટીમે જપ્ત કરી હતી. તેમની રોજીરોટી છીનવાઈ જતા તેઓ અને તેમના પત્ની મનપા કચેરીએ આવ્યા હતા. તેમની વેદના ઠાલવતા ભાવનગરના નેક નામદાર રાજવીઓને યાદ કરીને તંત્રને ધ્યાન દોર્યુ. જોકે, તેમને આ સમયે હાર્ટ એટેક આવતા સારવાર માટે હોસ્પિટલ ખસેડવામાં આવ્યા હતા. જણાવી દઇએ કે, ભાવનગરમાં છેલ્લા ઘણા સમયથી મનપા દ્વારા શહેરના વિવિધ સ્થળે અડચણરૂપ દબાણો દૂર કરવાની કામગીરી શરૂ થઇ છે. તેવામાં ત્રણ દિવસ પૂર્વે શહેરના કલચારિયા પરા વિસ્તારમાં ઈલેક્ટ્રોનિકની કામગીરી કરતા સુરેશભાઈનું કેબીન હટાવવામાં આવતા સુરેશભાઈએ મનપા કચેરીએ અનોખો વિરોધ કર્યો હતો. મનપા કચેરીએ તેમના પત્ની સાથે નગારું વગાડીને તેમણે ભાવનગરના રાજવી પરિવારને યાદ કર્યા હતા. આ દરમિયાન તેમણે કહ્યું કે, ભાવેણાને ખોટા લોકોને આપી દીધું છે. સામાન્ય વર્ગના નાના લોકોની રોજીરોટી છીનવી રહ્યા છે. દબાણ દૂર કરવાના બહાને ગરીબોની રોજીરોટી છીનવી રહ્યા છે. તેમણે નેક નામદાર રાજવીને ફરિયાદ કરી તેમની વેદના ઠાલવી હતી.