Ram mandir: વિશ્વ હિંદુ પરિષદે શનિવારે જણાવ્યું હતું કે રામ લલાના અભિષેક સમારોહમાં બસપા પ્રમુખ માયાવતીને આમંત્રણ આપવામાં આવ્યું હતું. VHP અનુસાર, માયાવતીએ આમંત્રણ સ્વીકારી લીધું છે, પરંતુ તેઓ આ કાર્યક્રમમાં હાજરી આપશે નહીં. અખિલેશ યાદવે કહ્યું હતું કે તેમને અયોધ્યામાં 22 જાન્યુઆરીએ યોજાનાર પ્રાણ પ્રતિષ્ઠા સમારોહ માટે આમંત્રણ મળ્યું નથી. આ અંગે વિશ્વ હિન્દુ પરિષદ (VHP)નું કહેવું છે કે ઉત્તર પ્રદેશના બંને પૂર્વ મુખ્યમંત્રીઓ અખિલેશ યાદવ અને માયાવતીને 22 જાન્યુઆરીએ અયોધ્યામાં રામ મંદિર (Ram mandir) ના ‘પ્રાણ પ્રતિષ્ઠા’ સમારોહમાં આમંત્રણ આપવામાં આવ્યું હતું.
VHP ઇન્ટરનેશનલ વર્કિંગ પ્રેસિડેન્ટ આલોક કુમારે મીડિયા સાથે વાત કરતા કહ્યું, કે અખિલેશ યાદવને કુરિયર દ્વારા આમંત્રણ મોકલવામાં આવ્યું હતું.તેના પર કોઈ વિવાદ નથી.જો તેને તેના દાવા મુજબ તે ન મળ્યું હોય તો અમે તેને ફરીથી આમંત્રણ મોકલી શકીએ છીએ.માયાવતીને અમારું આમંત્રણ મળ્યું છે. તેણીએ તે સ્વીકાર્યું, પરંતુ સમારોહમાં હાજરી આપી નહી શકે.ત્યારે અભિષેક સમારોહમાં તમામ રાજકીય પક્ષોના પ્રમુખોને આમંત્રણ આપવામાં આવ્યું છે.
VHP રામ મંદિર ટ્રસ્ટને આમંત્રણ વિતરણમાં મદદ કરી રહ્યું છે.
આલોક કુમારના જણાવ્યા અનુસાર રાષ્ટ્રપતિ દ્રૌપદી મુર્મુ અને ઉપરાષ્ટ્રપતિ જગદીપ ધનખડેને પણ 22 જાન્યુઆરીના કાર્યક્રમમાં આમંત્રણ આપવામાં આવ્યું છે, પરંતુ તેઓ આવશે નહીં. કારણ કે રાષ્ટ્રપતિ અને ઉપરાષ્ટ્રપતિની યાત્રાને લઈને ઘણા પ્રોટોકોલ છે. જો કે બંને રામ મંદિર ટ્રસ્ટ સાથે ચર્ચા કર્યા બાદ અનુકૂળ તારીખે અયોધ્યા આવશે. VHP રામ મંદિર ટ્રસ્ટને આમંત્રણોના વિતરણમાં મદદ કરી રહ્યું છે.અખિલેશ યાદવે પહેલા કહ્યું હતું કે જો તેમને આમંત્રણ આપવામાં આવશે તો તેઓ અયોધ્યા જશે. પછી તેણે કહ્યું, ‘ભગવાન બોલાવે તો કોણ રોકે? જ્યારે ભગવાન રામ મને બોલાવશે ત્યારે હું અયોધ્યા જઈશ. હું જેને ઓળખતો નથી તેના આમંત્રણ પર હું કેવી રીતે જઈ શકું?
ઉદ્યોગપતિઓ, વૈજ્ઞાનિકો, અભિનેતાઓ અને સૈન્ય અધિકારીઓના નામ પણ સામેલ
રામ મંદિર ટ્રસ્ટ તરફથી કોંગ્રેસ અધ્યક્ષ મલ્લિકાર્જુન ખડગે, સોનિયા ગાંધી અને અધીર રંજન ચૌધરીને 22 જાન્યુઆરીએ અયોધ્યામાં કાર્યક્રમ માટે આવવાનું આમંત્રણ મોકલવામાં આવ્યું હતું. પરંતુ કોંગ્રેસની ટોચની નેતાગીરીએ આ આમંત્રણને ભાજપનો રાજકીય કાર્યક્રમ ગણાવીને ફગાવી દીધું હતું. ટ્રસ્ટ દ્વારા તૈયાર કરાયેલા મહેમાનોની યાદીમાં ઉદ્યોગપતિઓ, વૈજ્ઞાનિકો, અભિનેતાઓ અને સૈન્ય અધિકારીઓના નામ પણ સામેલ છે. અન્ય આમંત્રિતોમાં દલાઈ લામા, બાબા રામદેવ, ઉદ્યોગપતિ ગૌતમ અદાણી અને મુકેશ અંબાણી તેમજ અમિતાભ બચ્ચન, રજનીકાંત અને માધુરી દીક્ષિત નેને જેવા જાણીતા કલાકારોનો સમાવેશ થાય છે. આ યાદીમાં ટાટા ગ્રુપ અને એલએન્ડટી જેવી કંપનીઓના વડાઓના નામ પણ સામેલ છે.
આ પણ વાંચો – Emergency Landing : મુંબઈથી ગુવાહાટી જતી Indigo Flight નું ઢાકામાં કરાયું ઈમરજન્સી લેન્ડિંગ