પશ્ચિમ બંગાળ (West Bengal)ના મિદનાપુર શહેરમાં મંગળવારે અભિનેતા અને BJP નેતા મિથુન ચક્રવર્તી (Mithun Chakraborty)ના રોડ શો દરમિયાન કેટલાક લોકોએ પથ્થરમારો કર્યો હતો, જેના પગલે અથડામણ થઈ હતી. પોલીસે આ માહિતી આપી હતી. મિદનાપુર લોકસભા સીટના BJP ઉમેદવાર અગ્નિમિત્રા પોલે તૃણમૂલ કોંગ્રેસના કાર્યકરો પર સરઘસ પર કાચની બોટલો અને પથ્થર ફેંકવાનો આરોપ લગાવ્યો હતો. જો કે રાજ્યમાં સત્તાધારી પક્ષે આ આરોપને નકારી કાઢ્યો છે. ઘટનામાં ચક્રવર્તી અને પોલ બંને સુરક્ષિત છે.
બે જૂથો એકબીજા સાથે લડી રહ્યા છે…
રોડ શો કલેક્ટર કચેરીના વળાંકથી શરૂ થયો હતો અને કેરાનીટોલા તરફ આગળ વધી રહ્યો હતો, BJP ના સેંકડો સમર્થકોએ સૂત્રોચ્ચાર કર્યા હતા જ્યારે ચક્રવર્તી અને પોલે હાથ હલાવીને ભીડનું અભિવાદન સ્વીકાર્યું હતું. એક પોલીસ અધિકારીએ જણાવ્યું કે, રોડ શો શેખપુરા વળાંક પર પહોંચ્યો ત્યારે, રસ્તાના કિનારે ઉભેલા કેટલાક લોકોએ સરઘસ પર પથ્થરો અને બોટલો ફેંકી, જેના પગલે BJP ના કાર્યકરોએ જવાબી કાર્યવાહી કરી અને અથડામણ થઈ, એમ એક પોલીસ અધિકારીએ જણાવ્યું હતું. અધિકારીએ કહ્યું કે પરિસ્થિતિને ટૂંક સમયમાં નિયંત્રણમાં લાવવામાં આવી.
TMC પર BJP ના આરોપો…
પોલે દાવો કર્યો હતો કે, “તૃણમૂલ કોંગ્રેસ BJP ને વધતા સમર્થનથી ડરેલી છે અને આવી ગુંડાગીરીનો આશરો લઈ રહી છે. તેઓ મિથુન ચક્રવર્તી (Mithun Chakraborty) જેવા પીઢ અભિનેતાનું અપમાન કરવા માટે આટલા નીચા જઈ શકે છે.” તેમણે તૃણમૂલ કોંગ્રેસની શેરી સભામાં ભાગ લેનારાઓ પર હિંસા ભડકાવવાનો આરોપ લગાવ્યો હતો. તૃણમૂલ કોંગ્રેસના પ્રવક્તા ત્રિનંકુર ભટ્ટાચાર્યએ આરોપોને નકારી કાઢ્યા અને કહ્યું કે અમે આવા કૃત્યોમાં માનતા નથી. રોડ શો ‘ફ્લોપ’ હોવાને કારણે BJP પોતે ડ્રામા કરી રહી છે.
આ પણ વાંચો : PM મોદીએ માતૃશક્તિ સંમેલનમાં કહ્યું- ‘સ્ત્રીઓ વગર ઘર ન ચાલે તો દેશ કેવી રીતે ચાલશે?’
આ પણ વાંચો : Delhi હાઈકોર્ટનો અંતિમ નિર્ણય, કહ્યું- મનીષ સિસોદિયા જેલમાં જ રહેશે, જામીન નહીં મળે…
આ પણ વાંચો : Mandi : Kangana Ranaut ના સંસદીય ક્ષેત્રમાં મતદાનનો બહિષ્કાર, જાણો શું છે કારણ…
