પોરબંદર બેઠક પરથી ચૂંટણી જીતેલા મનસુખ માંડવિયા (Mansukh Mandaviya)ને મોદી સરકારમાં ફરી વખત કેન્દ્રીય મંત્રી બનાવવામાં આવ્યા છે. મોદી 3.0 સરકારમાં તેમને શ્રમ-રોજગાર મંત્રાલય તેમજ સાથે જ યુવા અને રમતગમત મંત્રી બનાવવામાં આવ્યા છે. આ પહેલા મનસુખ માંડવિયા (Mansukh Mandaviya) 2019 માં આરોગ્ય અને પરિવાર કલ્યાણના મંત્રી રહી ચુક્યા છે તેમજ કેમિકલ અને ફર્ટિલાઈઝર વિભાગનો પણ હવાલો સંભાળી ચૂક્યા છે. માંડવિયાએ આજે શ્રમ અને રોજગાર તથા રમત ગમત યુવા કલ્યાણ મંત્રી તરીકે વિધિવત ચાર્જ સંભાળ્યો છે.
Mansukh Mandaviyaએ શ્રમ મંત્રી તરીકેનો ચાર્જ સંભાળ્યો@mansukhmandviya#MansukhMandaviya #LabourMinister #EmploymentMinistry #WorkerRights #JobCreation #SkillDevelopment #LabourPolicies #Gujaratfirst pic.twitter.com/avi6eggiGF
— Gujarat First (@GujaratFirst) June 11, 2024
2021 માં કોવિડ-19 રોગચાળાની ટોચ દરમિયાન કેન્દ્રીય આરોગ્ય પ્રધાન તરીકે ફરજ બજાવતા મનસુખ માંડવિયા (Mansukh Mandaviya)ને PM નરેન્દ્ર મોદીની કેબિનેટમાં અનુરાગ ઠાકુરની જગ્યાએ ભારતના નવા રમતગમત પ્રધાન તરીકે નિયુક્ત કરવામાં આવ્યા છે. માંડવીયાએ તેમના નજીકના કોંગ્રેસના હરીફ લલિત વસોયાને 3.83 લાખ મતોના માર્જિનથી હરાવીને ગુજરાતની પોરબંદર લોકસભા બેઠક જીતી હતી. માંડવિયાને 2021 ના મધ્યમાં જ્યારે દેશ કોવિડ -19 કટોકટી સાથે ઝઝૂમી રહ્યો હતો ત્યારે આરોગ્ય વિભાગની જવાબદારી સોંપવામાં આવી હતી. તે સમયે તેમણે ફેરબદલના ભાગરૂપે મંત્રી પરિષદમાંથી દૂર કરાયેલા ડૉ. હર્ષવર્ધનની જગ્યા લીધી હતી. ત્યારે માંડવિયાના મંત્રાલયને કોવિડ-19 ના બીજા તબક્કા દરમિયાન ઓક્સિજન અને દવાઓનો પુરવઠો વધારવા અને રસીકરણ કાર્યક્રમની દેખરેખ રાખવાનું કામ સોંપવામાં આવ્યું હતું.
મનસુખ માંડવિયાની રાજકીય સફર…
આ વખતે મનસુખ માંડવિયા (Mansukh Mandaviya)ને ભાજપે પોરબંદરથી ટીકીટ આપી હતી. અહીં તેમની સાથે કોંગ્રેસે લલિત વસોયાને મેદાનમાં ઉતાર્યા હતા. આ સીટ પર મનસુખ માંડવિયા (Mansukh Mandaviya)ની 3,83,360 મતોથી જીત થઈ હતી. તેમને કુલ 6,33,118 મત મળ્યા હતા જ્યારે કોંગ્રેસના લલિત વસોયાને કુલ 2,49,758 મત મળ્યા હતા.મનસુખ માંડવિયા (Mansukh Mandaviya)નો જન્મ 1 જુલાઈ, 1972 ના રોજ ભાવનગર, ગુજરાત ખાતે થયો હતો. તે એક સામાન્ય પરિવારમાંથી આવતા હતા અને તેના પિતા વ્યવસાયે ખેડૂત હતા. માંડવીયા પાટીદાર સમાજના લેઉઆ સમુદાયના છે, જેને ગુજરાતના રાજકારણમાં મહત્વની ભૂમિકા માનવામાં આવે છે. મનસુખભાઈ શરૂઆતથી જ સારો અભ્યાસ કર્યો છે અને તેના પરિવારમાં સૌથી નાના છે. તેને કુલ ચાર ભાઈઓ છે, જેમાંથી તે સૌથી નાનો હોવાનું કહેવાય છે. બીજેપીના અન્ય નેતાઓની જેમ મનસુખભાઈએ પણ પ્રારંભિક જીવન એબીવીપી અને સંઘ સાથે વિતાવ્યું છે. ગુજરાતમાંથી રાજ્યસભાના સભ્ય તરીકે નામાંકિત થતાં પહેલાં, તેઓ 2002 માં ભાવનગર જિલ્લાની પાલિતાણા વિધાનસભા બેઠક પરથી ધારાસભ્ય તરીકે જીત્યા હતા.
પોરબંદર બેઠક…
રાજકીય સમીકરણની વાત કરીએ તો આ બેઠક ભાજપનો ગઢ માનવામાં આવે છે, 1991 થી અત્યાર સુધી કોંગ્રેસ અહીં માત્ર 2009માં જ જીતી શકી હતી. હાલમાં અહીંથી સાંસદ રમેશ ભાઈ ધડુક હતા જેમણે કોંગ્રેસના લલિત વસોયાને હરાવ્યા હતા. 1977 માં પહેલીવાર અહીં ચૂંટણી યોજાઈ હતી, પહેલીવાર જનતા પાર્ટીના ઉમેદવાર આ બેઠક પરથી જીત્યા હતા. આ પછી 1980 અને 1984 માં અહીંથી કોંગ્રેસના ઉમેદવારો જીત્યા હતા. આ બેઠક 1991માં ભાજપે કબજે કરી હતી અને અત્યાર સુધી આ બેઠક પર છે, 2009 માં કોંગ્રેસના વિઠ્ઠલ રાદડિયા અહીંથી જીત્યા હતા, પરંતુ 2013 માં તેઓ ભાજપમાં જોડાયા હતા અને પેટાચૂંટણીમાં ભાજપની ટિકિટ પર જીત્યા હતા. આ બેઠક ગોંડલ, જેતપુર ધોરાજી, પોરબંદર કુતિયાણા માણાવદર અને કેશોદ વિધાનસભા બેઠકોની બનેલી છે. અહીંની વસ્તી 21 લાખ છે, જેમાંથી 60 ટકા શહેરોમાં રહે છે. આ બેઠક પાટીદાર મતદારોની છે. તેઓ નક્કી કરે છે કે આ સીટ કયો ઉમેદવાર જીતશે. એવું માનવામાં આવે છે કે અહીં પાટીદાર મતદારો પર ભાજપની પકડ વધુ છે.
આ પણ વાંચો : સતત બીજી વાર ગૃહ મંત્રીનો ચાર્જ સંભાળતા Amit Bhai Shah
આ પણ વાંચો : Nimuben Bambhania એ મંત્રી તરીકે સંભાળ્યો કાર્યભાર
આ પણ વાંચો : ચંદ્રબાબુ નાયડુ CM અને પવન કલ્યાણ DyCM!, TDP ને મળ્યું જબરદસ્ત સમર્થન…
