Mufti’s Controversial Statement : જમ્મુ-કાશ્મીરમાં લગભગ 10 વર્ષ બાદ વિધાનસભાની ચૂંટણી (Assembly Election) યોજાઈ રહી છે. જમ્મુ-કાશ્મીરમાંથી 370 હટાવ્યા અને લદ્દાખ (Ladakh) ને અલગ કર્યા પછી આ પહેલી વિધાનસભા ચૂંટણી છે. ચૂંટણી પ્રચારમાં તમામ રાજકીય પક્ષો એકબીજા પર નિશાન સાધી રહ્યા છે. આ દરમિયાન જમ્મુ-કાશ્મીરના પૂર્વ મુખ્યમંત્રી અને PDP ના વડા મહેબૂબા મુફ્તી (Mehbooba Mufti) એ એક નિવેદન આપ્યું છે જેનાથી વિવાદ વધી શકે છે. મહેબૂબાએ કહ્યું છે કે, જો અબ્દુલ્લા પરિવારે પાકિસ્તાનના એજન્ડાનું પાલન કર્યું હોત તો આજે કાશ્મીર પાકિસ્તાનનો ભાગ હોત.
અમે આઝાદ થયા હોત અથવા તો બીજી બાજુ હોત – મહેબૂબા
શ્રીનગરના જૂના શહેરમાં નવાકદલમાં એક બેઠકમાં PDP ના વડા મહેબૂબા મુફ્તીએ કહ્યું કે, PM નરેન્દ્ર મોદી અને ભારતે કાશ્મીરના અબ્દુલ્લા પરિવારનો આભાર માનવો જોઈએ. જો શેખ અબ્દુલ્લાએ મુસ્લિમ બહુમતી હોવા છતાં ભારતમાં પ્રવેશ ન કર્યો હોત તો આજે આપણે કાં તો સ્વતંત્ર હોત અથવા તો બીજી બાજુ એટલે કે પાકિસ્તાન સાથે હોત. મહેબૂબા મુફ્તી (Mehbooba Mufti) એ વધુમાં કહ્યું કે, જ્યારે કાશ્મીરમાં આતંકવાદ ચરમસીમા પર હતો ત્યારે ઓમર અબ્દુલ્લાએ કાશ્મીરને લઈને ભારતની સ્થિતિ આખી દુનિયામાં ફેલાવી હતી. મહેબૂબાએ કહ્યું કે મુફ્તી પરિવારે કાશ્મીરમાં હુર્રિયત સાથે વાતચીત શરૂ કરી અને યુવાનોને હિંસાથી દૂર રાખ્યા.
#WATCH | Srinagar, J&K | PDP chief Mehbooba Mufti says, “…I think BJP should be thankful to Sheikh family that Omar (Abdullah) implemented their agenda here. As far as Mehbooba Mufti, Mufti family and PDP are concerned, PM Modi will remember that they stayed at our door for 2-3… pic.twitter.com/mFYjfeNx3W
— ANI (@ANI) September 20, 2024
PM મોદીને મહેબૂબાનો જવાબ
પીપલ્સ ડેમોક્રેટિક પાર્ટી (PDP)ના વડા મહેબૂબા મુફ્તીએ કહ્યું, “મને લાગે છે કે ભાજપે શેખ પરિવારનો આભાર માનવો જોઈએ કે ઓમર (અબ્દુલ્લા)એ તેમનો એજન્ડા અહીં અમલમાં મૂક્યો.” PM મોદીએ ગુરુવારે કોંગ્રેસ, નેશનલ કોન્ફરન્સ (NC) અને પીપલ્સ ડેમોક્રેટિક પાર્ટી (PDP) પર રાજકીય લાભ માટે કાશ્મીરના યુવાનોના ભવિષ્યને જોખમમાં મૂકવાનો આરોપ લગાવ્યા બાદ પૂર્વ મુખ્યમંત્રીની આ ટિપ્પણી આવી છે.
ચૂંટણી ક્યારે છે?
ઉલ્લેખનીય છે કે, જમ્મુ-કાશ્મીરમાં 3 તબક્કામાં ચૂંટણી યોજાવાની છે. 3 તબક્કાના પ્રથમ તબક્કાનું મતદાન 18 સપ્ટેમ્બરે પૂર્ણ થયું હતું. રાજ્યમાં બીજા તબક્કાનું મતદાન 25 સપ્ટેમ્બરે અને ત્રીજા તબક્કાનું મતદાન 1 ઓક્ટોબરે થવાનું છે. ચૂંટણીના પરિણામો 8 ઓક્ટોબરે જાહેર થશે. જણાવી દઈએ કે કેન્દ્રશાસિત પ્રદેશ જમ્મુ-કાશ્મીરમાં લગભગ 10 વર્ષ પછી ચૂંટણી યોજાઈ રહી છે.
આ પણ વાંચો: સુપ્રીમ કોર્ટની Youtube ચેનલ હેક થઈ, ક્રિપ્ટોકરન્સી સંબંધિત વીડિયો થયા અપલોડ
