બોમ્બની ધમકી મળ્યા બાદ દિલ્હી હાઈકોર્ટ સંકુલની સુરક્ષા વધારી દેવામાં આવી છે. મળતી માહિતી મુજબ દિલ્હી હાઈકોર્ટના રજીસ્ટ્રાર જનરલને ઈમેલ દ્વારા બોમ્બની ધમકી મળી હતી. આ મામલાની માહિતી મળતાની સાથે જ દિલ્હી (Delhi) પોલીસે સમગ્ર કોર્ટ પરિસરમાં તપાસ કરી અને ગેટ પર વધારાના સુરક્ષા દળો તૈનાત કર્યા.
ઈમેલ દ્વારા ધમકી મળી
આ મામલે દિલ્હી (Delhi) પોલીસના એક વરિષ્ઠ પોલીસ અધિકારીએ જણાવ્યું કે દિલ્હી હાઈકોર્ટના રજિસ્ટ્રાર જનરલને બુધવારે તેમના સત્તાવાર ઈમેલ આઈડીમાં એક મેલ મળ્યો હતો. બળવંત દેસાઈ નામના વ્યક્તિ દ્વારા 12 ફેબ્રુઆરીએ દિલ્હી હાઈકોર્ટના રજિસ્ટ્રાર જનરલને મોકલવામાં આવેલા ઈમેલમાં ચેતવણી આપવામાં આવી હતી કે ગુરુવારે બોમ્બ બ્લાસ્ટ થશે અને તે દિલ્હી (Delhi)માં સૌથી મોટો બ્લાસ્ટ હશે. ઈમેલમાં લખ્યું છે કે, “દિલ્હીમાં આ સૌથી મોટો વિસ્ફોટ હશે.
દિલ્હી પોલીસને પણ પત્ર લખ્યો છે
આ ઈમેલને ગંભીરતાથી લઈને અધિકારીઓએ સુરક્ષા વધારી દીધી છે. આ ઈમેલ બાદ હાઈકોર્ટ સત્તાવાળાઓએ દિલ્હી (Delhi) પોલીસ કમિશનર સંજય અરોરાને પત્ર લખ્યો છે. પત્રમાં કહેવામાં આવ્યું છે કે હાઇકોર્ટના સક્ષમ અધિકારીએ આ બાબતને ગંભીરતાથી લીધી છે અને કમિશનરને હાઇકોર્ટ પરિસરમાં અને તેની આસપાસ સુરક્ષા વધારવા વિનંતી કરી છે. હાઈકોર્ટના સત્તાવાળાઓએ આ મામલાની વિગતવાર તપાસ કરવા અને વહેલી તકે અહેવાલ રજૂ કરવાની માંગ કરી છે.
ગેટ સહિત દરેક જગ્યાએ સુરક્ષા વધારી દેવામાં આવી હતી
દિલ્હી હાઈકોર્ટ બાર એસોસિએશનના પ્રમુખ અને વરિષ્ઠ વકીલ મોહિત માથુરે જણાવ્યું હતું કે હાઈકોર્ટની બહાર અગાઉ થયેલા બોમ્બ વિસ્ફોટને ધ્યાનમાં રાખીને અધિકારીઓ કોઈ જોખમ લેવા માંગતા નથી અને સુરક્ષા કડક કરવામાં આવી છે. તેમણે કહ્યું કે કોર્ટના કામકાજમાં કોઈ અડચણ નથી અને બારના સભ્યો સહકાર આપી રહ્યા છે. માથુરે કહ્યું કે કોર્ટ પરિસરમાં આવનારા લોકોના ઓળખ કાર્ડની તપાસ કરવામાં આવી રહી છે. બારના સભ્યોને ઓળખવા માટે બાર એસોસિએશનના કર્મચારીઓ પણ પ્રવેશદ્વાર પર ઉભા છે.
આ પણ વાંચો : SC નો નિર્ણય, SBI એ જણાવવું પડશે કે છેલ્લા 5 વર્ષમાં કોણે ઈલેક્ટોરલ બોન્ડ ખરીદ્યા છે…
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
