નરેન્દ્ર મોદી ઓસ્ટ્રેલિયાના પ્રવાસે છે. આજે (બુધવાર) તેમના પ્રવાસનો બીજો અને છેલ્લો દિવસ છે. તેઓ સિડનીમાં ઓસ્ટ્રેલિયાના વડા પ્રધાન એન્થોની અલ્બેનીઝને મળ્યા હતા. અલ્બેનીઝ સાથે દ્વિપક્ષીય બેઠક બાદ પીએમ મોદીએ મીડિયાને સંબોધિત કર્યું અને જણાવ્યું કે બંને નેતાઓ વચ્ચે કયા મુદ્દાઓ પર ચર્ચા થઈ. પીએમ મોદીએ કહ્યું કે તેમણે ઓસ્ટ્રેલિયાના વડાપ્રધાનની સામે મંદિરોમાં હુમલાનો મુદ્દો ઉઠાવ્યો હતો અને તેમને કાર્યવાહીનું આશ્વાસન મળ્યું છે.
પીએમ મોદીએ કહ્યું કે, ઓસ્ટ્રેલિયામાં મંદિરો પર થયેલા હુમલા અને અલગાવવાદી તત્વોની ગતિવિધિઓ અંગે અમે પહેલા પણ વાત કરી હતી અને આજે પણ વાત કરી છે. કોઈ પણ તત્વ તેમના વિચારો કે કાર્યોથી ભારત અને ઓસ્ટ્રેલિયા વચ્ચેના સૌહાર્દપૂર્ણ સંબંધોને નુકસાન પહોંચાડે તે અમને સ્વીકાર્ય નથી.
તેમણે કહ્યું કે, ભારત-ઓસ્ટ્રેલિયા સંબંધોનો પરિપ્રેક્ષ્ય માત્ર બે દેશો પૂરતો મર્યાદિત નથી. તે પ્રાદેશિક સ્થિરતા, શાંતિ અને વિશ્વ કલ્યાણ સાથે પણ સંકળાયેલું છે. અમે ક્વાડ સમિટમાં વડાપ્રધાન એન્થોની અલ્બેનીઝ સાથે ઈન્ડો-પેસિફિક પર પણ ચર્ચા કરી હતી. ગ્લોબલ સાઉથની પ્રગતિમાં ભારત ઓસ્ટ્રેલિયાનો સહયોગ પણ ફાયદાકારક બની શકે છે.
#WATCH ऑस्ट्रेलिया में मंदिरों पर होने वाले हमलों और अलगाववादी तत्वों की गतिविधियों के संबंध में हमने पहले भी बात की थी और आज भी बात की है। भारत और ऑस्ट्रेलिया के सौहार्दपूर्ण रिश्तों को कोई भी तत्व अपने विचारों या एक्शन से आघात पहुंचाए ये हमें स्वीकार्य नहीं है: प्रधानमंत्री… pic.twitter.com/CczGpiGqQQ
— ANI_HindiNews (@AHindinews) May 24, 2023
ઓસ્ટ્રેલિયામાં અલગાવવાદીઓનો હુમલો
તમને જણાવી દઈએ કે, આ વર્ષે જાન્યુઆરી મહિનામાં ખાલિસ્તાની અલગાવવાદીઓએ ઓસ્ટ્રેલિયામાં સ્થિત ઘણા હિન્દુ મંદિરોને નિશાન બનાવ્યા હતા. આ હુમલા મેલબોર્ન અને બ્રિસ્બેનમાં થયા હતા. ઓસ્ટ્રેલિયાના બ્રિસ્બેનમાં આવેલા શ્રી લક્ષ્મી નારાયણ મંદિર પર 4 માર્ચે હુમલો થયો હતો. હુમલાની સાથે ખાલિસ્તાની અલગાવવાદીઓએ મંદિરની દિવાલો પર વાંધાજનક પેઇન્ટિંગ પણ કર્યું હતું. આ હુમલો ત્યારે થયો જ્યારે શનિવારે સવારે લોકો મંદિરમાં પૂજા કરવા આવ્યા હતા. બદમાશોએ મંદિરની દિવાલ પર વડાપ્રધાન નરેન્દ્ર મોદીનું નામ અને ‘આતંકવાદ’, ‘શીખ 1984 નરસંહાર’ જેવા શબ્દો લખ્યા હતા. 17 જાન્યુઆરીએ મેલબોર્નના સ્વામિનારાયણ મંદિર પર હુમલો થયો હતો. મંદિરની દિવાલો પર ખાલિસ્તાનના સમર્થનમાં નારા લખવામાં આવ્યા હતા. અગાઉ વિક્ટોરિયામાં પણ મંદિરો પર હુમલા થયા હતા. આ હુમલાઓ બાદ ઓસ્ટ્રેલિયન સરકારે આવા જવાબદાર તત્વો સામે કાર્યવાહી કરવાની ખાતરી આપી હતી.
ભારત ઓસ્ટ્રેલિયા T20 મોડમાં ટાઈ
આ પહેલા પીએમ મોદીએ ભારત-ઓસ્ટ્રેલિયા સંબંધોને વ્યાખ્યાયિત કરતા કહ્યું હતું કે ક્રિકેટની ભાષામાં કહીએ તો ઓસ્ટ્રેલિયા સાથેના અમારા સંબંધો T20 મોડમાં આવ્યા છે. ઓસ્ટ્રેલિયામાં ભારતીય સમુદાય બંને દેશો વચ્ચેના સંબંધોને જોડતો સેતુ છે. આજે વડા પ્રધાન એન્થોની અલ્બેનીઝ સાથેની વાતચીતમાં, અમે આગામી દાયકામાં અમારી વ્યાપક વ્યૂહાત્મક ભાગીદારીને નવી ઊંચાઈએ લઈ જવા વિશે વાત કરી. નવા ક્ષેત્રોમાં પરસ્પર સહયોગની શક્યતાઓ વિશે વિગતવાર ચર્ચા કરી.
આ પણ વાંચો : સિડનીના ઓલિમ્પિક પાર્ક સ્ટેડિયમમાં PM મોદી : ભારત મધર ઓફ ડેમોક્રેસી
