SMART PHONE : Xiaomi એ આખરે ભારતમાં તેની Civi સીરિઝની એન્ટ્રી થઈ છે. કંપનીએ આ સીરીઝનો પહેલો ફોન Xiaomi 14 Civi ના નામ સાથે લોન્ચ કર્યો છે. તેને Xiaomi Civi 4 Pro તરીકે ચીનમાં લોન્ચ કરવામાં આવ્યો છે. કંપનીના આ ફોનને રિબ્રાન્ડ કરીને ભારતમાં લોન્ચ કરવામાં આવ્યો છે. આ સ્માર્ટફોન ત્રણ કલર ઓપ્શનમાં લોન્ચ કરવામાં આવ્યો છે જેમાં Cruise Blue, Matcha Green અને Shadow Black. આ ફોન 32MP ડુયલ સેલ્ફી કેમેરા સેટઅપ સાથે આવે છે. પાવરફુલ કેમેરા ધરાવતો આ ફોનના બજેટમાં સેમસંગ, વનપ્લસ અને વિવોના સ્માર્ટફોનને ટક્કર આપશે.
Xiaomi 14 Civi ના ફીચર્સ
Xiaomi 14 Civiમાં 6.55 ઇંચની AMOLED ડિસ્પ્લે છે, જે 1.5K રિઝોલ્યુશનને સપોર્ટ કરે છે. ફોનના ડિસ્પ્લેની પીક બ્રાઇટનેસ 3,000 nits સુધી છે. આ ફોનના ડિસ્પ્લેને સુરક્ષિત કરવા માટે કોર્નિંગ ગોરિલ્લા ગ્લાસ વિક્ટસ 2 ઉપલબ્ધ છે. આ સિવાય આ ફોનનું ડિસ્પ્લે Dolby Vision, HDR10+ અને 68 બિલિયન કલર્સ જેવા ફીચર્સને સપોર્ટ કરે છે. અગાઉ POCO F6 આ ડિસ્પ્લે ફીચર સાથે લોન્ચ કરવામાં આવ્યો છે.
The #Xiaomi14CIVI and Google One unlock a world of creative possibilities.
Get a whopping 100GB of FREE Google One cloud storage for 6 months when you purchase the #Xiaomi14CIVI.
Watch Live: https://t.co/qqWe0P0aE1#CinematicVision pic.twitter.com/58Zvz4AiT3
— Xiaomi India (@XiaomiIndia) June 12, 2024
ફોનમાં 4,700mAh બેટરી
Xiaomiનો આ સ્માર્ટફોન Qualcomm Snapdragon 8s Gen 3 પ્રોસેસર પર કામ કરે છે. આ ફોન 12GB રેમ અને 512GB ઇન્ટરનલ સ્ટોરેજને સપોર્ટ કરશે. આ ફોન Android 14 પર આધારિત HyperOS સાથે આવે છે. ફોનમાં 4,700mAh બેટરી હશે, જેની સાથે 67W ફાસ્ટ ચાર્જિંગ ફીચર આપવામાં આવશે. સુરક્ષા માટે ફોનમાં ઇન-ડિસ્પ્લે ફિંગરપ્રિન્ટ સેન્સર છે. આ ફોન ડ્યુઅલ બેન્ડ Wi-Fi, 5G, LTE, NFC જેવા કનેક્ટિવિટી ફીચર્સ સાથે આવે છે.
Xiaomiના આ ફોનમાં Cinematic Vision સાથે ટ્રિપલ કેમેરા સેટઅપ છે. ફોનમાં 50MP મેઈન વાઈડ એંગલ કેમેરા, 50MP 2x ટેલિફોટો કેમેરા અને 12MP અલ્ટ્રા વાઈડ કેમેરા હશે. તેમાં સેલ્ફી અને વીડિયો કોલિંગ માટે બે 32MP કેમેરા છે. કંપનીનો દાવો છે કે તેના તમામ કેમેરાથી 4K ક્વોલિટી વીડિયો રેકોર્ડિંગ કરી શકાય છે.
Xiaomi 14 Civi કિંમત
Xiaomiનો આ મિડ-બજેટ સ્માર્ટફોન બે સ્ટોરેજ વેરિઅન્ટમાં આવે છે – 8GB RAM + 256GB અને 12GB RAM + 5212GB. તેના બેઝ વેરિઅન્ટની કિંમત 42,999 રૂપિયા છે, જ્યારે તેના ટોપ વેરિઅન્ટની કિંમત 47,999 રૂપિયા છે. કંપની આ ફોનની ખરીદી પર 3,000 રૂપિયા સુધીનું ઈન્સ્ટન્ટ ડિસ્કાઉન્ટ આપી રહી છે. ફોનનું વેચાણ ઈ-કોમર્સ વેબસાઈટ ફ્લિપકાર્ટ અને Xiaomiના ઓફિશિયલ ઓનલાઈન અને ઓફલાઈન સ્ટોર્સ પરથી 20 જૂને બપોરે 12 વાગ્યાથી કરવામાં આવશે. ફોનનું પ્રી-બુકિંગ આજથી શરૂ થઈ ગયું છે. કંપની પ્રી-બુકિંગ યુઝર્સને મફતમાં Redmi Watch 3 Active ઓફર કરી રહી છે.
આ પણ વાંચો – Elon Musk Viral Post: એપ્પલ કંપનીના માલિકને Elon Musk એ Indian Meme થી ટોળો માર્યો
આ પણ વાંચો – ELON MUSK ની જાહેરાતથી Apple CEO TIM COOK નું ટેન્શન વધ્યું!
આ પણ વાંચો – Apple WWDC : ભારતમાં આજે Apple ની મોટી ઇવેન્ટ, જાણો શું થશે લૉન્ચ