SHARE MARKET : ભારતીય શેરબજાર(SHARE MARKET)ની શરૂઆત મિશ્ર રહી હતી. બજાર ખુલતાની સાથે જ BSE સેન્સેક્સ 100 પોઈન્ટ નીચે ગયો હતો, જ્યારે NSE નિફ્ટી સંપૂર્ણપણે ફ્લેટ ખુલ્યો હતો અને 24300 ની નીચે સરકી ગયો હતો. સેન્સેક્સ-નિફ્ટીની મૂવમેન્ટ સપાટ લાગે છે. હાલમાં સેન્સેક્સ 20 પોઈન્ટ અથવા 0.03 ટકાની નબળાઈ સાથે 79,980ની આસપાસ ટ્રેડ કરી રહ્યો છે. તે જ સમયે, નિફ્ટી લગભગ 5 પોઈન્ટ અથવા 0.02 ટકાના વધારા સાથે 24330 પોઈન્ટની આસપાસ ટ્રેડ કરી રહ્યો છે.
બેંક નિફ્ટીમાં શરૂઆતથી જ ઘટાડો જોવા મળ્યો
બેન્ક નિફ્ટી ઘટીને ખુલ્યો અને બજાર ખુલ્યા પછી તરત જ 52,321 ની નીચી સપાટી બનાવી. જો કે તેમાં તીવ્ર વધઘટ જોવા મળી રહી છે જેના કારણે તે 52,656ની ટોચે પહોંચી ગયો છે. બેન્ક નિફ્ટીના 12માંથી 9 શેરમાં વધારો જોવા મળી રહ્યો છે જ્યારે 3 શેર ઘટાડા સાથે ટ્રેડ થઈ રહ્યા છે.
BSE નું માર્કેટ કેપિટલાઇઝેશન
BSEનું માર્કેટ કેપિટલાઇઝેશન પહેલેથી જ રૂ. 450 લાખ કરોડના સીમાચિહ્નને પાર કરી ચૂક્યું હતું અને આજે તે રૂ. 451.30 લાખ કરોડ પર આવી ગયું છે. હાલમાં, BSE પર 3329 શેરનો વેપાર થઈ રહ્યો છે, જેમાંથી 1920 શેરમાં વધારો જોવા મળી રહ્યો છે. 1266 શેરોમાં ઘટાડો જોવા મળી રહ્યો છે અને 143 શેરોમાં કોઈ ફેરફાર વગર કારોબાર થઈ રહ્યો છે. 170 શેરમાં અપર સર્કિટ અને 91 શેરમાં લોઅર સર્કિટ છે. 240 શેર તેમની 52-સપ્તાહની ઊંચી સપાટીએ છે જ્યારે 17 શેર તેમની 52-સપ્તાહની નીચી સપાટીએ છે.
આ પણ વાંચો – VEGETABLE : વરસાદે બગાડ્યો રસોડાનો સ્વાદ, શાકભાજીના ભાવ આસમાને
આ પણ વાંચો – Budget 2024 : મિડિલ ક્લાસ માટે હશે મોદી 3.0 નું પ્રથમ બજેટ? ખાસ ભેટની રહેશે આશા
આ પણ વાંચો – પેટ્રોલ-ડીઝલ થઇ જશે 50 રૂ. પ્રતિ લિટર! ભારતને મળી ગયો છે ખજાનો
