Gold and Silver : વર્ષ 2024માં સોના અને ચાંદીને (Gold and Silver)લઈને ઘણી હલચલ જોવા મળી રહી છે. સોનાના ભાવમાં ઘણી વધઘટ જોવા મળી રહી છે. આ વર્ષે સોનાની કિંમતે તેના સર્વકાલીન ઉચ્ચ સ્તરનો રેકોર્ડ તોડ્યો છે. સોનું દરરોજ નવા રેકોર્ડ (New records)બનાવી રહ્યું છે ત્યારે ચાંદીની કિંમત રૂ.1 લાખને પાર કરવા માટે બેતાબ છે. સોનું 7416.60 રૂપિયા પ્રતિ 10 ગ્રામ જ્યારે ચાંદી 90 હજાર રૂપિયાના આંકડાને સ્પર્શી ગયું છે. ચાંદીની કિંમત 88010 રૂપિયા પ્રતિ કિલો સુધી પહોંચી ગઈ છે.
સોનું રૂ.1 લાખને પાર કરશે
સોના અને ચાંદીને હંમેશા સલામત રોકાણ માનવામાં આવે છે. સોનામાં જોખમ ઓછું છે તેથી લોકો તેને તેમના પોર્ટફોલિયોમાં સમાવે છે. બજારની અનિશ્ચિતતા વચ્ચે સોના અને ચાંદીને સલામત રોકાણ ગણવામાં આવે છે. મુશ્કેલ સમયમાં આ કિંમતી ધાતુ સરળતાથી વેચાય છે. વિશ્વભરની સેન્ટ્રલ બેંકો તેમના સોનાના ભંડારમાં વધારો કરી રહી છે. ચીન પણ મોટા પાયે સોનાની ખરીદી કરી રહ્યું છે. સર્વાંગી માંગને કારણે સોનાની કિંમતમાં સતત વધારો થઈ રહ્યો છે. સોનું રૂ.75 હજારને પાર કરી ગયું છે. નિષ્ણાતોના મતે આગામી દિવસોમાં સોનાની કિંમતમાં વધુ વધારો થઈ શકે છે.
આ કારણોથી સોનું વધુ ચમકશે
સોનાના ભાવને લઈને એક ટીવી કાર્યક્રમમાં ઓલ ઈન્ડિયા જેમ્સ એન્ડ જ્વેલરી ડોમેસ્ટિક કાઉન્સિલના ચેરમેન સ્યામ મેહરા અને વાઈસ ચેરમેન રાજેશ ગોખલેએ જણાવ્યું હતું કે આગામી દિવસોમાં સોનાની કિંમતમાં વધુ વધારો થઈ શકે છે. તેમણે કહ્યું કે દુનિયાભરના અલગ-અલગ દેશોમાં ચૂંટણીઓ થઈ રહી છે, રશિયા-યુક્રેન યુદ્ધના કારણે વૈશ્વિક બજાર દબાણ હેઠળ છે. અમેરિકાની સેન્ટ્રલ બેંક ફેડરલ રિઝર્વ તરફથી વ્યાજદરમાં ઘટાડાની અપેક્ષા ઓછી હોવાને કારણે સોનાના ભાવમાં તેજી રહેવાની શક્યતા છે.
જોકે, તેમણે એમ પણ કહ્યું હતું કે ભાવ વધવાને કારણે સોનાની ખરીદીમાં કોઈ ઘટાડો થશે નહીં. સોનામાં ગ્રાહકોનો વિશ્વાસ વધ્યો છે. જે રીતે સોનાની માંગ વધી છે તે જોતા આગામી સમયમાં સોનાની કિંમત 2600થી 2800 ડોલર એટલે કે 78000થી 80000 રૂપિયા પ્રતિ 10 ગ્રામ સુધી પહોંચી જશે. આ તેજી આગળ પણ ચાલુ રહેશે આગામી બે-અઢી વર્ષમાં સોનું રૂ.1 કરોડ પ્રતિ કિલોનો આંકડો પાર કરશે.
સોનું રૂ.1 લાખને ક્યારે પાર કરશે?
મુથુટ ફાઇનાન્સના રિપોર્ટ અનુસાર જે રીતે સોનાની કિંમત વધી રહી છે તે જોતા માનવામાં આવી રહ્યું છે કે વર્ષ 2029 સુધીમાં સોનું 1 લાખ રૂપિયા પ્રતિ 10 ગ્રામનો આંકડો પાર કરી જશે. રિપોર્ટ અનુસાર સોનાની કિંમત 1,01,789 રૂપિયા સુધી પહોંચી જશે. કેડિયા એડવાઇઝરીના ડાયરેક્ટર અજય કેડિયાના જણાવ્યા અનુસાર, મધ્ય પૂર્વમાંથી વધી રહેલા નવા વૈશ્વિક સંકટને ધ્યાનમાં રાખીને એવો અંદાજ છે કે 2024ના અંત સુધીમાં સોનું રૂ. 1 લાખની આસપાસ પહોંચી શકે છે.
ચીન અને રશિયા સોનાની કરી ખરીદી
બજારના જાણકારોના મતે લાંબા ગાળામાં સોનાના ભાવમાં વધારો થવાની સંભાવના છે ભાવમાં ઘટાડાની બહુ ઓછી આશા છે. વિશ્વભરના દેશો હવે ડોલરને બદલે સોનાની પાછળ છે. ચીન અને રશિયા જેવા દેશો ઝડપથી સોનાની ખરીદી કરી રહ્યા છે. છેલ્લા 18 મહિનાથી ચીન તેના સોનાનો ભંડાર વધારવામાં વ્યસ્ત છે. રશિયા હવે ડોલરને બદલે સોનામાં રોકાણ કરી રહ્યું છે. જ્યારે ચીન તેની અર્થવ્યવસ્થાને મજબૂત કરવા માટે સોનું ખરીદી રહ્યું છે ત્યારે ભારતે ઈંગ્લેન્ડમાંથી 100 ટન સોનું પાછું લાવ્યું જેથી તે વૈશ્વિક કટોકટી દરમિયાન સુરક્ષિત અનુભવી શકે. ભારતનો ગોલ્ડ રિઝર્વ 822 ટન પર પહોંચી ગયો છે જે આગામી દિવસોમાં 1000 ટનથી ઉપર જશે.
આ પણ વાંચો – સપ્તાહમાં શેરબજારના અંતિમ દિવસે રોકાણકારો માલામાલ થયા, Sensex 182 પોઈન્ટ
આ પણ વાંચો – ભારતીય શેરબજારે વધુ એકવાર રચ્યો ઈતિહાસ, રેકોર્ડ બ્રકે સાથે Sensex અને Nifty બંધ
આ પણ વાંચો – SHARE MARKET : સેન્સેક્સ-નિફ્ટી નવા રેકોર્ડ નવી ઊંચાઈએ ખૂલ્યો,આ શેરોમાં ઉછાળો
