રાજસ્થાનની વિધાનસભા ચૂંટણીમાં કારમી હાર બાદ કોંગ્રેસ પાર્ટીના હાઈકમાન્ડે રાજ્યના નેતાઓને સમીક્ષા બેઠક માટે દિલ્હી બોલાવ્યા છે. આ બેઠકમાં વિધાનસભા ચૂંટણીની હાર અંગે ચર્ચા કરવામાં આવશે. આ બેઠક મલ્લિકાર્જુન ખડગેની અધ્યક્ષતા હેઠળ યોજાશે. આ બેઠકમાં સામેલ થવા માટે રાજસ્થાનના કાર્યકારી સીએમ અને વરિષ્ઠ કોંગ્રેસ નેતા અશોક ગેહલોત, પ્રભારી સુખજિંદર રંધાવા અને પીસીસી ચીફ ગોવિંદ સિંહ ડોટાસરા દિલ્હી ખાતે પહોંચી ગયા છે.
#WATCH | On Rajasthan BJP CM face, Congress leader & caretaker CM Rajasthan, Ashok Gehlot says, "If Congress had not selected a CM for this long, then they(BJP) would have shouted a lot. In the Gogamedi case, I had to sign document stating no objection to NIA probe. This should… pic.twitter.com/nF9vvyGcA2
— ANI (@ANI) December 9, 2023
આ બેઠક પહેલા કાર્યકારી મુખ્યમંત્રી અશોક ગેહલોતે મીડિયાને જણાવ્યું હતું કે, બેઠકમાં પ્રમુખ નેતાઓ પાર્ટીની હારના કારણોનું વિશ્લેષણ કરશે. સાથે જ લોકસભાની ચૂંટણીમાં જીતને લઈને રાણનીતિના શરૂઆતી તબક્કા અંગે પણ ચર્ચા કરવામાં આવશે. રાજસ્થઆનના નવા સીએમ અંગેના સવાલ પર અશોક ગેહલોતે બીજેપી પર નિશાન સાધતા કહ્યું કે, જો કોંગ્રેસે આટલા સમય સુધી રાજ્યના સીએમની જાહેરાત ન કરી હોત તો તે (બીજેપી) લોકોએ અત્યાર સુધીમાં બૂમાબૂમ કરી હોત. ગોગામેડી હત્યા કેસમાં મારે દસ્તાવેજો પર સહી કરવી પડી. આ નવા સીએમ એ કરવું જોઈએ. હું ઈચ્છું છું કે તેઓ આ મામલે જલ્દી નિર્ણય લે.
#WATCH | Congress leader and Rajasthan caretaker CM Ashok Gehlot arrives in Delhi to take part in a meeting to review the party's performance in recently held assembly polls in the state
"…For around seven days now, they (BJP) have not been able to announce CM faces in the… pic.twitter.com/BIv6B8kd0J
— ANI (@ANI) December 9, 2023
આ દરમિયાન રાજ્યસ્થાન કોંગ્રેસ નેતા ગોવિંદ સિંહ ડોટાસરાએ કહ્યું કે, રાજસ્થાન વિધાનસભા ચૂંટણીમાં પાર્ટીના પ્રદર્શનની સમીક્ષા બેઠકમાં ભાગ લેવા માટે તેઓ દિલ્હી પહોંચ્યા છે. તેમણે કહ્યું કે, આ બેઠકમાં અમે અમારી ખામીઓનું વિશ્લેષણ કરીશું અને આગામી લોકસભા ચૂંટણી માટે વધુ તૈયારી સાથે અને નવી રણનીતિ અંગે ચર્ચા કરીશું.
આ પણ વાંચો- RAJASTHAN : મહંત બાલકનાથના આ ટ્વિટથી ગરમાયું રાજસ્થાનનું રાજકારણ
