બોલિવૂડ એક્ટર ઈમરાન ખાન ઘણા વર્ષોથી ઈન્ડસ્ટ્રીથી દૂરી બનાવી રહ્યા છે. ગયા વર્ષે અભિનેતાએ મુંબઈમાં આમિર ખાનની પુત્રી ઇરા ખાનની સગાઈની પાર્ટીમાં હાજરી આપી હતી અને બધાનું ધ્યાન ખેંચ્યું હતું. હવે ઈમરાન ખાન ફરી એકવાર ચર્ચામાં આવી ગયા છે. વાસ્તવમાં, તે સાઉથ અભિનેત્રી લેખા વોશિંગ્ટન સાથે હાથમાં હાથ નાખીને ફરતાં જોવા મળ્યા હતા.
એક્ટર ઈમરાન ખાન બ્લેક ટી-શર્ટ અને બ્લુ જીન્સમાં હેન્ડસમ દેખાતા હતા. જ્યારે, અભિનેત્રી લેખા પ્રિન્ટેડ ફ્લોરલ ડ્રેસમાં અદભૂત દેખાતી હતી. ભીડમાંથી પસાર થતાં બંનેએ એકબીજાના હાથ પકડી લીધા. તેઓ એકબીજા સાથે ખૂબ જ ખુશ દેખાઈ રહ્યા હતા. તેમની કેમિસ્ટ્રીએ ફરી એકવાર તેમના અફેરની અફવાને વેગ આપ્યો છે.
ગયા વર્ષે, એવું નોંધાયું હતું કે ઇમરાન ખાન અને તેની ભૂતપૂર્વ પત્ની અવંતિકા મલિકે તેમની વચ્ચે બગડેલા સંબંધોને સુધારવાના ઘણા પ્રયત્નો કર્યા પછી અલગ થવાનો નિર્ણય કર્યો હતો. અહેવાલો અનુસાર, ઇમરાન અવંતિકા પાસે પાછા જવા માંગતા ન હતા, જ્યારે અવંતિકા તેમના લગ્નને વધુ એક મોકો આપવા માંગતી હતી, પરંતુ વાત ન બની. બંને આઠ વર્ષની પુત્રી ઈમારાના માતા-પિતા છે.
અગાઉ એવી ચર્ચા હતી કે ઇમરાન ખાનના લેખા વોશિંગ્ટન સાથેના કથિત અફેરને કારણે અવંતિકા સાથેના લગ્નજીવનમાં તિરાડ પડી હતી. લેખાના પૂર્વ પતિ પાબ્લો ચેટર્જી અને ઈમરાન ગાઢ મિત્રો હતા. જો કે, આ અફવાઓને કોઈ સત્તાવાર સમર્થન મળ્યું નથી. સોશિયલ મીડિયા પર તેમના અફેરની અફવાઓને વેગ આપતા ઇમરાન અને લેખા ફરી એકવાર સાથે જોવા મળ્યા છે.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
