રશિયન મીડિયાએ દાવો કર્યો છે કે યુક્રેનના રાષ્ટ્રપતિ વોલોદિમિર
ઝેલેન્સ્કી પોલેન્ડ પહોંચી ગયા છે. આ પહેલા પણ એવા અહેવાલો આવ્યા હતા કે ઝેલેન્સ્કીએ
યુદ્ધ વચ્ચે દેશ છોડી દીધો હતો. આવી સ્થિતિમાં હવે રશિયન મીડિયાએ તેના પોલેન્ડમાં
હોવાની માહિતી આપી છે. આ પહેલા એક ચોંકાવનારો દાવો કરવામાં આવ્યો હતો જેમાં
જણાવવામાં આવ્યું હતું કે છેલ્લા એક સપ્તાહમાં યુક્રેનના રાષ્ટ્રપતિ વોલોદિમિર
ઝેલેન્સ્કીની ત્રણ વખત હત્યાના પ્રયાસો થયા છે. આ સનસનીખેજ દાવો એક બ્રિટિશ ન્યૂઝ
એજન્સી દ્વારા કરવામાં આવ્યો છે. લખવામાં આવ્યું છે કે આ હત્યાનો પ્રયાસ માત્ર
રશિયન એજન્સીની મદદથી નિષ્ફળ કરવામાં આવ્યો હતો. કારણ કે તેઓ યુક્રેન સાથે યુદ્ધની વિરુદ્ધ છે.
બીજી તરફ ગુરુવારે યુએનએચઆરસીમાં યુક્રેન સંકટ પર મતદાન યોજાયું
હતું. રશિયા વિરુદ્ધના પ્રસ્તાવ પર આ વોટિંગમાં ભારતે ભાગ લીધો ન હતો. આ મત
માનવાધિકાર ઉલ્લંઘનની તપાસ માટે લેવામાં આવ્યા છે. યુક્રેનમાં પાવર પ્લાન્ટ પર બોમ્બ ધડાકા વચ્ચે યુએસ પ્રમુખ બાઈડને
ઝેલેન્સ્કી સાથે ટેલિફોનીક વાત કરી છે. તમને જણાવી દઈએ કે જ્યાંથી હુમલો થયો હતો
ત્યાંથી ન્યુક્લિયર રિએક્ટર એકદમ નજીક છે. આ સાથે બંને વચ્ચે સૈન્ય, આર્થિક અને માનવીય મદદ પર પણ વાતચીત થઈ છે. આ વાતચીત પછી બાઈડને
રશિયાને બોમ્બ ધડાકા બંધ કરવા વિનંતી કરી. જેથી ફાયર બ્રિગેડ અંદર જઈને કાર્યવાહી
કરી શકે.
