ઇન્સ્ટન્ટ મેસેજિંગ એપ્લિકેશન WhatsAppએ નવું ગ્લોબલ ‘સિક્યોરિટી સેન્ટર’ પેજ લૉન્ચ કર્યું છે, જે વપરાશકર્તાઓને સ્પેમર્સ અને કોઈપણ અનિચ્છનીય સંપર્કોથી પોતાને કેવી રીતે સુરક્ષિત રાખવું તે વિશે વધુ જાણવા માટે વન-સ્ટોપ વિન્ડો તરીકે કાર્ય કરશે. આ પેજ કુલ 11 ભાષાઓમાં આવે છે. જણાવી દઈએ કે તે પ્રાઈવસીના સ્તરો વિશે માહિતી આપશે.
શા માટે બનાવવામાં આવ્યો ઓપ્શન
વોટ્સએપે ગુરુવારે જણાવ્યું હતું કે તેણે વિવિધ સુરક્ષા પગલાં અને ઇન-બિલ્ટ પ્રોડક્ટ ફીચર્સ વિશે જાગરૂકતા ફેલાવવા માટે આ પેજ બનાવ્યું છે જે વપરાશકર્તાઓને તેમની સુરક્ષાને નિયંત્રણમાં રાખવા માટે સક્ષમ બનાવે છે.
આટલી ભાષામાં આવ્યું નવું ફીચર
સિક્યોરિટી સેન્ટર અંગ્રેજી અને 10 ભારતીય ભાષાઓ – હિન્દી, પંજાબી, તમિલ, તેલુગુ, મલયાલમ, કન્નડ, બંગાળી, મરાઠી, ઉર્દૂ અને ગુજરાતીમાં ઉપલબ્ધ હશે. તેણે ઉમેર્યું હતું કે એન્ડ-ટુ-એન્ડ એન્ક્રિપ્શન સાથે વ્યક્તિગત સંદેશાઓનું રક્ષણ કરવું એ સ્કેમર્સ અને છેતરપિંડી કરનારાઓ સામે સંરક્ષણની શ્રેષ્ઠ લાઇનમાંની એક છે. આ સિવાય વોટ્સએપ લોકોની સુરક્ષા અને પ્રાઈવસી વધારવા માટે સતત નવી રીતો પર કામ કરી રહ્યું છે.
યુઝર્સ પ્રાઈવસી માટે વધુ સારું
નવી સુવિધા યુઝર્સને WhatsApp દ્વારા ઓફર કરવામાં આવતી ગોપનીયતાના સ્તરો વિશે માહિતગાર કરશે અને વપરાશકર્તાઓને તેમના એકાઉન્ટ્સ પર વધુ નિયંત્રણ આપવા માટેની કેટલીક ટોચની રીતોની યાદી આપશે, જેમાં ટુ-સ્ટેપ વેરિફિકેશન, સ્પોટિંગ સ્કેમ્સ અને ફેક એકાઉન્ટ્સનો સમાવેશ થાય છે.
Stay Safe with WhatsApp અભિયાન
ગયા મહિને WhatsAppએ ભારતમાં સંકલિત સુરક્ષા અભિયાન ‘Stay Safe with WhatsApp’ લોન્ચ કર્યું હતું. તેમા પ્રોડક્ટ ફીચરને પ્રકાશિત કરે છે જે વપરાશકર્તાઓને તેમની ઑનલાઇન સુરક્ષા પર નિયંત્રણ મેળવવા અને સુરક્ષિત મેસેજિંગ અનુભવ સુનિશ્ચિત કરવા સક્ષમ બનાવે છે.
આ અભિયાન વપરાશકર્તાઓને WhatsAppની સુરક્ષા સુવિધાઓ અને ટુ-સ્ટેપ વેરિફિકેશન, બ્લોક અને રિપોર્ટ અને ગોપનીયતા નિયંત્રણો જેવા સાધનો વિશે શિક્ષિત કરવા પર ધ્યાન કેન્દ્રિત કરે છે જેથી લોકોને ઑનલાઇન કૌભાંડો, છેતરપિંડી અને એકાઉન્ટ સાથે ચેડાંના જોખમોથી બચાવવામાં મદદ મળે. જરૂરી સુરક્ષા પગલાં પૂરા પાડે છે.
આ પણ વાંચો –TWITTER-AI: ટ્વિટર પર એક શાનદાર ફીચર મળવા જઈ રહ્યું છે, નકલી ફોટાને ઓળખવામાં સરળતા રહેશે
