Twitter New Version: એલોન મસ્ક (Elon Musk) ના X Platform ને લઈને એક મોટી જાહેરાત કરવામાં આવી છે. તેના કારણે બધા વપરાશકર્તાઓ ઑડિયો અને વિડિઓ કૉલ સુવિધાઓનો મફતમાં ઉપયોગ કરી શકશે. એલોન મસ્ક (Elon Musk) દ્વારા X પ્લેટફોર્મનું નવું ફીચર રિલીઝ કરવામાં આવ્યું છે.
જોકે આ ફીચર પહેલા માત્ર બ્લુ ટિક યુઝર્સ સુધી જ સીમિત હતું. આ માટે બ્લુ સબસ્ક્રિપ્શન લેવું પડતું હતું અને તેના માટે માસિક ચાર્જ ચૂકવવો પડતો હતો. આ નવા ફીચરની જાહેરાત X Platform એન્જિનિયર એનરિક બેરાગે કરી હતી. આ જાહેરાત બાદ યુઝર્સ X એપ્સથી જ કોલ વગેરે કરી શકશે.
એન્જિનિયરે પોસ્ટમાં આ માહિતી આપી હતી
Rollout complete! Everyone should have access now, enjoy! https://t.co/LcCMHg1rFx
— Enrique (@enriquebrgn) February 28, 2024
X Platform ના એન્જિનિયરે લખ્યું હતું કે, અમે નોન-પ્રીમિયમ યુઝર્સ માટે તેનું રોલઆઉટ શરૂ કરવા જઈ રહ્યા છીએ. હવે તેની મદદથી યુઝર્સ કોઈપણને કોલ અને વીડિયો કોલ કરી શકશે. જો તમને હજુ સુધી આ ફીચર નથી મળ્યું તો તમારી એપ અપડેટ કરી શકો છો.
હજુ પણ બ્લુ સબ્સ્ક્રાઇબર્સ સુધી મર્યાદિત છે
ગયા વર્ષે એલોન મસ્ક (Elon Musk) ના X Platform પર ઑડિયો અને વિડિયો કૉલિંગ ફીચર્સ રજૂ કરવામાં આવ્યા હતા. પ્રથમ તબક્કામાં તે IOS વપરાશકર્તાઓ માટે શરૂ કરવામાં આવ્યું હતું. શરૂઆતમાં આ સુવિધા પ્રીમિયમ સબ્સ્ક્રાઇબર્સ સુધી મર્યાદિત હતી. આ પછી આ વર્ષની શરૂઆતમાં આ સુવિધા એન્ડ્રોઇડ વપરાશકર્તાઓ માટે પણ રજૂ કરવામાં આવી હતી. પરંતુ અત્યાર સુધી તે ફક્ત પ્રીમિયમ સબ્સ્ક્રાઇબર્સ સુધી મર્યાદિત હતું.
આ પણ વાંચો: YouTube Down in India : યુટ્યુબ પર વીડિયો અપલોડ કરવામાં મુશ્કેલી, યુઝર્સ પરેશાન…
