કિવી (Kiwi)શરીર માટે ખૂબ ફાયદાકારક છે. કિવી ખાવામાં જેટલું જ ટેસ્ટી છે, તેટલું જ આરોગ્ય માટે પણ ફાયદાકારક છે. કિવીમાં ભરપુર માત્રામાં વિટામિન (Vitamins) અને મિનરલ્સ (Minerals) હોય છે. જે સ્વાસ્થ માટે ખુબ લાભકારક છે.
- ભૂખરા રંગની છાલવાળું કિવી અંદરથી નરમ અને લીલા રંગનું હોય છે, જેમાં અંદર ઝીણાં ઝીણાં કાળા સીડ્સ પણ હોય છે.
- આ ફળ સ્વાદમાં થોડું ગળ્યુ અને ખટ્ટમીઠું છે.
- દિવસ દરમિયાન 2 કિવી ખાવાથી હાઈ બ્લડ પ્રેશરને કાબૂમાં રાખવામાં મદદ મળે છે.
- કિવી હાર્ટ અટેક અને સ્ટ્રોક જેવી બીમારીઓ સામે પણ રક્ષણ આપે છે.
- એક રીસર્ચ અનુસાર 8 અઠવાડિયા સુધી દરરોજ 3 કીવી ખાવાથી ડાયાસ્ટોલિક અને સિસ્ટોલિક બ્લડ પ્રેશર ઘટે છે.
- કિવીમાં લ્યુટીન નામનું એન્ટીઓક્સિડન્ટ હોય છે, જે બ્લડ પ્રેશર નિયંત્રિત કરે છે.
- કિવીમાં રહેલું વિટામિન સી બ્લડ પ્રેશરને ઓછું કરવામાં મદદ કરે છે.
- સામાન્ય રીતે 100 માંથી 80 લોકોને આંખના નંબર હોય છે. તેના માટે પણ કીવી ખુબ જ ફાયદાકારક છે.
- કિવી તમારી આંખોને દ્રષ્ટીહીનતાના પ્રાથમિક કારણ એવા મેક્યુલર ડિજનરેશન સામે રક્ષણ આપવામાં મદદરૂપ બને છે.
- કિવીમાં ઝેક્સાન્થિન અને લ્યુટીન જેવા એન્ટીઓક્સિડંટ તત્વો હોવાથી ખૂબ જ ફાયદાકારક છે.
- કોલેસ્ટ્રોલને નિયંત્રિત કરવામાં કિવી ઉપયોગી છે. તેના નિયમિત સેવનથી શરીરમાં કોલેસ્ટ્રોલની માત્રામાં ઘટાડો થાય છે. હૃદય સંબંધિત ઘણા રોગોમાં કિવિ ખૂબ ફાયદાકારક સાબિત થાય છે.
- કિવિમાં ઈન્ફ્લેમેટરી ગુણધર્મો જોવા મળે છે. આવા કિસ્સામાં જો તમને સંધિવાની ફરિયાદ હોય તો કિવીનું નિયમિતપણે સેવન કરવું તમારા માટે ફાયદાકારક રહેશે. આ ઉપરાંત, તે શરીરની આંતરિક ઈજા મટાડવા અને સોજો ઘટાડવામાં મદદ કરે છે.
- કબજિયાતમાંથી રાહત અપાવે છે. કિવીમાં ફાઈબર ભરપૂર માત્રામાં હોય છે. નિયમિત વપરાશથી કબજિયાતની સમસ્યામાં પણ ફાયદો થાય છે. આ ઉપરાંત, કિવિમાં રહેલા ફાઈબરની હાજરીને કારણે પાચનક્રિયા પણ સારી રહે છે.
