ભારતની G20 અધ્યક્ષતા હેઠળ 3જી G20 ઇન્ટરનેશનલ ફાઇનાન્શિયલ આર્કિટેક્ચર વર્કિંગ ગ્રૂપ (IFAWG)ની બેઠક 6 જૂને ગોવામાં શરૂ થઇ હતી. મીટિંગ દરમિયાનની ચર્ચાઓનું સંચાલન નાણા મંત્રાલય અને ભારતીય રિઝર્વ બેંક તેમજ IFAWG ના સહ-અધ્યક્ષ ફ્રાન્સ અને કોરિયા રિપબ્લિક દ્વારા કરવામાં આવ્યું હતું. બે દિવસીય બેઠકમાં G20 સભ્યો, આમંત્રિત દેશો અને વિવિધ આંતરરાષ્ટ્રીય સંસ્થાઓના લગભગ 100 પ્રતિનિધિઓએ ભાગ લીધો હતો.
બેઠકમાં વધુ સ્થિર અને સ્થિતિસ્થાપક વૈશ્વિક અર્થવ્યવસ્થા તરફ સહયોગી પ્રયાસો કરવા અંગે પણ ચર્ચા કરવામાં આવી હતી. મીટીંગના પ્રથમ દિવસે, ઉભરતા અને ગ્રીન કેપિટલ ફ્લો પર ઊંડાણપૂર્વકની ચર્ચા માટે “ટુવર્ડ્સ એન ઓર્ડરલી ગ્રીન ટ્રાન્ઝિશન – રોકાણની આવશ્યકતાઓ અને મૂડી પ્રવાહના જોખમોનું સંચાલન” વિષય પર એક ઉચ્ચ સ્તરીય સેમિનારનું આયોજન કરવામાં આવ્યું હતું.
બે દિવસીય બેઠકમાં વૈશ્વિક નાણાકીય સુરક્ષા નેટને મજબૂત કરવા, વૈશ્વિક દેવાની નબળાઈઓને દૂર કરવા, 21મી સદીના વૈશ્વિક પડકારોને સંબોધવા માટે બહુપક્ષીય વિકાસ બેંકો (MDBs) ને મજબૂત બનાવવી અને સ્થાયી મૂડી પ્રવાહના માધ્યમથી નાણાકીય સ્થિતિસ્થાપકતાને મજબૂત બનાવવા સહિતના મુદ્દાઓ સામેલ કરવામાં આવ્યા છે.
આ સેમિનારમાં વિવિધ આંતરરાષ્ટ્રીય સંગઠનો અને સંસ્થાઓના નિષ્ણાતોએ ભાગ લીધો હતો. આ સંદર્ભે, સમગ્ર ગોવામાં અનેક ‘લોકભાગીદારી’ કાર્યક્રમોનું આયોજન કરવામાં આવી રહ્યું છે. તેમાં નાણાકીય સાક્ષરતા શિબિરો અને જાગૃતિ અભિયાન, સિક્કા મેળા, વોકાથોન, સ્વચ્છતા અભિયાન અને ક્વિઝ સ્પર્ધાનો સમાવેશ થાય છે. ઈવેન્ટ્સનો ઉદ્દેશ્ય ભારતના G20 પ્રમુખપદ અને તેની થીમ “વસુધૈવ કુટુમ્બકમ” અથવા “એક પૃથ્વી – એક પરિવાર – એક ભવિષ્ય” વિશે જાગૃતિ લાવવાનો છે.
ત્રીજી IFAWG મીટિંગ એ G20 માટે આંતરરાષ્ટ્રીય નાણાકીય આર્કિટેક્ચરમાં સુધારાને આગળ વધારવા અને 21મી સદીના વૈશ્વિક પડકારોને સંબોધવાની એક મહત્વપૂર્ણ તક છે. અગાઉ, IFAWGની પ્રથમ બેઠક ચંદીગઢમાં 30-31 જાન્યુઆરી, 2023ના રોજ યોજાઈ હતી, જ્યારે બીજી બેઠક 30 અને 31 માર્ચે પેરિસમાં યોજાઈ હતી. આ બેઠકોમાં બહુપક્ષીય વિકાસ બેંકોને મજબૂત કરવા અને દેવા સંબંધિત પડકારોનો સામનો કરવા સંબંધિત મુદ્દાઓ પર ચર્ચા કરવામાં આવી હતી.
આ પણ વાંચો – Odisha Train Accident : મૃતકના પરિવારને મમતા સરકાર આપશે મોટી રાહત
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ