G20 એનર્જી ટ્રાન્ઝિશન વર્કિંગ ગ્રુપની ચોથી બેઠક ગોવામાં મળી

ભારતની G20 અધ્યક્ષતા હેઠળ એનર્જી ટ્રાન્ઝિશન વર્કિંગ ગ્રૂપ (ETWG)ની ચોથી બેઠક બુધવારે ગોવામાં શરૂ થઈ હતી. દરમિયાન, એક સાઈડ ઈવેન્ટમાં, મુખ્યમંત્રી ડૉ. પ્રમોદ સાવંત અને ભારતના G20 શેરપા અમિતાભ કાંતે પ્રતિનિધિઓ સાથે ભારતની ઈ-મોબિલિટીને વેગ આપવા માટે નીતિ સમર્થન આપવાના પાસાઓની ચર્ચા કરી.

બે દિવસીય બેઠકની અધ્યક્ષતા ETWGના અધ્યક્ષ અને ઊર્જા મંત્રાલયના સચિવ પંકજ અગ્રવાલે કરી હતી. G20 સભ્યો ઉપરાંત આ બેઠકમાં વિશેષ આમંત્રિતો અને અનેક આંતરરાષ્ટ્રીય સંસ્થાઓના 100 થી વધુ પ્રતિનિધિઓ ભાગ લઈ રહ્યા છે. આ દરમિયાન, પ્રતિનિધિઓ ઊર્જા સંક્રમણ એજન્ડા પર વિચાર-વિમર્શ તેમજ આઉટકમ ડોક્યુમેન્ટનો મુસદ્દો તૈયાર કરવા પર ધ્યાન કેન્દ્રિત કરશે. ETWG મીટિંગ સભ્ય દેશોના પ્રતિનિધિઓ દ્વારા શ્રેષ્ઠ પ્રયાસો, નીતિઓ અને નવીન અભિગમોની ઓળખ પર ધ્યાન કેન્દ્રિત કરશે જે સમાન અને સમાવિષ્ટ ઊર્જા સંક્રમણને સમર્થન આપે છે.

ચોથી ETWG મીટિંગમાં ડ્રાફ્ટ મિનિસ્ટરીયલ કોમ્યુનિકે પર વિગતવાર ચર્ચા કરવામાં આવી રહી છે. ભારતની G20 અધ્યક્ષતા હેઠળ છ પ્રાથમિકતા ક્ષેત્રોનો ઉલ્લેખ કરવામાં આવ્યો છે. આ પ્રાધાન્યતા ક્ષેત્રો ઉર્જા સંક્રમણના વિવિધ પાસાઓ અને ટકાઉ અને સ્વચ્છ ઉર્જા વિકાસ તરફ વૈશ્વિક સહયોગના નિર્માણ પર ધ્યાન કેન્દ્રીત કરે છે. ભારતની G20 પ્રેસિડેન્સી સ્વચ્છ ઉર્જા સંક્રમણમાં વૈશ્વિક સહયોગને મજબૂત કરવા માટે પ્રતિબદ્ધ છે.

આ ઉપરાંત નવી અને પુનઃપ્રાપ્ય ઉર્જા મંત્રાલયના સચિવ ભૂપિન્દર સિંહ ભલ્લા, ખાણ મંત્રાલયના સચિવ વિવેક ભારદ્વાજ અને કોલસા મંત્રાલયના સચિવ અમૃત લાલ મીણા પણ બેઠકમાં ભાગ લેશે. ETWG મીટિંગ દરમિયાન વિવિધ સાઈડ ઈવેન્ટ્સ યોજાશે, જેમાં ‘સાર્વત્રિક ઉર્જા ઍક્સેસ માટે સૌર ઉર્જાને પ્રોત્સાહન આપવું’ અને ‘SDG 7 લક્ષ્યો હાંસલ કરવા માટે DRE એપ્લિકેશન’નો સમાવેશ થાય છે. ETWG મીટિંગ 20 જુલાઈના રોજ સમાપ્ત થશે અને એક દિવસના વિરામ પછી, આ કાર્યકારી જૂથની મંત્રી સ્તરીય બેઠક 22 જુલાઈના રોજ યોજાશે. મંત્રી સ્તરની બેઠકમાં G20 અને અન્ય આમંત્રિત દેશોના મંત્રીઓ અને પ્રતિનિધિઓ હાજરી આપશે. કેન્દ્રીય ઉર્જા અને નવી અને પુનઃપ્રાપ્ય ઉર્જા મંત્રી આર.કે. સિંહ G20 મંત્રી સ્તરની બેઠકની અધ્યક્ષતા કરશે.

આ પણ વાંચો – 69th Filmfare Awards: ગુજરાતમાં પ્રથમવાર Filmfare Award નું આયોજન

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ