ઉત્તર પ્રદેશમાં સરકાર બનાવવાની કવાયત
શરૂ થઈ ગઈ છે. કેન્દ્રીય ગૃહમંત્રી અમિત શાહના ઘરે સરકાર રચવાને લઈને મોટી બેઠક
યોજાવા જઈ રહી છે. યુપીના કાર્યવાહક મુખ્યમંત્રી બુધવારે સાંજે બેઠકમાં ભાગ લેવા
દિલ્હી પહોંચ્યા હતા. યોગી આદિત્યનાથ બેઠકમાં હાજરી આપશે. કહેવામાં આવી રહ્યું છે
કે બેઠકમાં યોગી કેબિનેટની બ્લૂ પ્રિન્ટ તૈયાર કરવામાં આવશે. કેબિનેટમાં કોને
સામેલ કરવામાં આવશે અને કોને નહીં તે અંગે ચર્ચા કરવામાં આવશે. યોગી આદિત્યનાથ બુધવારે સાંજે દિલ્હીમાં ઉત્તર પ્રદેશ સદન પહોંચ્યા
હતા. અહીંથી તેઓ અમિત શાહના ઘરે યોજાનારી બેઠકમાં હાજરી આપવા જશે. અમિત શાહના ઘરે
યોજાનારી બેઠકમાં અમિત શાહ ઉપરાંત ભાજપના રાષ્ટ્રીય અધ્યક્ષ જેપી નડ્ડા, કેન્દ્રીય મંત્રી ધર્મેન્દ્ર પ્રધાન, બીએલ સંતોષ, યોગી આદિત્યનાથ અને સુનીલ બંસલ હાજરી
આપશે.
યોગી આદિત્યનાથ બીજી વખત રાજ્યના
મુખ્યમંત્રી તરીકે શપથ લેશે. યોગી આદિત્યનાથના શપથ ગ્રહણ સમારોહને ભવ્ય બનાવવા
માટે તમામ તૈયારીઓ કરી લેવામાં આવી છે. શપથ ગ્રહણ સમારોહ 25 માર્ચે લખનઉના ભારત રત્ન અટલ બિહારી વાજપેયી એકાના ઇન્ટરનેશનલ
ક્રિકેટ સ્ટેડિયમમાં યોજાશે. છેલ્લા ત્રણ દાયકામાં આવું પ્રથમ વખત
બનશે કે જ્યારે કોઈ રાજકારણી સતત બીજી વખત ઉત્તર પ્રદેશના મુખ્યપ્રધાનનું પદ
સંભાળશે. યોગી આદિત્યનાથ વર્ષ 2017માં પ્રથમ વખત યુપીના મુખ્યમંત્રી બન્યા હતા. તેમના નેતૃત્વમાં
ભાજપે આ વિધાનસભા ચૂંટણી જીતી છે.
અટલ બિહારી વાજપેયી ઈન્ટરનેશનલ
ક્રિકેટ સ્ટેડિયમમાં યોગીના શપથ ગ્રહણની તૈયારીઓ પૂરજોશમાં થઈ રહી છે. એકના
સ્ટેડિયમ અને તેની આસપાસના વિસ્તારને ફૂલોથી શણગારવામાં આવી રહ્યો છે. આ સાથે
લખનૌના 130 ઈન્ટરસેક્શનને પણ સજાવવામાં આવશે.
સીએમ યોગીના શપથ ગ્રહણમાં હાજરી આપવા આવનાર મહેમાનોનું સ્વાગત કરવા માટે અમૌસી
એરપોર્ટથી એકના સ્ટેડિયમ અને સ્ટેડિયમથી બીજેપીના પ્રદેશ મુખ્યાલય સુધીના રસ્તા પર
પાર્ટીના ધ્વજ, બેનરો, ફૂલોના હારથી શણગારવામાં આવશે. યોગી આદિત્યનાથના શપથ ગ્રહણ કાર્યક્રમમાં વડાપ્રધાન નરેન્દ્ર મોદી, ગૃહમંત્રી અમિત શાહ, સંરક્ષણ મંત્રી રાજનાથ સિંહ સહિત ભાજપના ટોચના નેતાઓને પણ આમંત્રણ
મોકલવામાં આવ્યું છે. આ ઉપરાંત ભાજપ શાસિત રાજ્યોના મુખ્યમંત્રીઓ પણ હાજરી આપશે.
શપથ સમારોહમાં 12 રાજ્યોના સીએમ, 5 ડેપ્યુટી સીએમ હાજરી આપશે. સમારોહમાં ગુજરાત, હરિયાણા, મધ્યપ્રદેશ, કર્ણાટક, આસામ, અરુણાચલ પ્રદેશ, ત્રિપુરા, હિમાચલ પ્રદેશ, ઉત્તરાખંડ, કર્ણાટક, મણિપુર અને ગોવાના મુખ્યમંત્રીઓ હાજરી આપશે. આ સાથે બિહાર, નાગાલેન્ડ, મેઘાલય અને પુડ્ડુચેરીમાં બીજેપીના
સમર્થનથી ચાલી રહેલી સરકારોના મુખ્યમંત્રીઓને પણ આમંત્રણ આપવામાં આવ્યું છે.