ભારતમાં ટુંક સમયમાં થઇ શકે છે ‘ટેસ્લા’ની એન્ટ્રી, કંપનીના અધિકારીઓ કરશે કેન્દ્રિય મંત્રી પિયુષ ગોયેલ સાથે મુલાકાત

એલોન મસ્કની ઇલેક્ટ્રિક વાહન નિર્માતા કંપની ટેસ્લા લાંબા સમયથી ભારતમાં પ્રવેશવાના પ્રયાસો કરી રહી છે. જો કે કેન્દ્ર સરકારના કડક વલણ અને શરતોને કારણે કંપની તેના આયોજનને અમલમાં મૂકી શકી નથી. હવે સમાચાર આવ્યા છે કે ટેસ્લા ફરી એકવાર ભારતીય માર્કેટમાં એન્ટ્રીને લઈને ભારત સરકાર સાથે ચર્ચા કરી રહી છે.

ટેસ્લાના પ્રતિનિધિઓ જુલાઈના અંતમાં કેન્દ્રીય વાણિજ્ય પ્રધાનને મળશે

ટેસ્લાનું મેનેજમેન્ટ જુલાઈના અંતમાં વાણિજ્ય પ્રધાન પીયૂષ ગોયલને મળે તેવી શક્યતા છે. આ બેઠકમાં ફેક્ટરી, રોકાણ, સપ્લાય ચેઈન અંગે ચર્ચા થશે. એવું માનવામાં આવે છે કે ભારતીય બજાર અનુસાર, આ બેઠકમાં ટેસ્લાની કાર અને તેના ઉત્પાદનને લઈને સમજૂતી થવાની શક્યતા છે. અહેવાલો અનુસાર, ટેસ્લા ભારતમાં ફેક્ટરી સ્થાપવાની અને તેમાં 24,000 કાર બનાવવાની યોજના ધરાવે છે. આ અંગે કંપનીનું મેનેજમેન્ટ ભારત આવશે અને વાણિજ્ય મંત્રી પીયૂષ ગોયલ સાથે ચર્ચા કરશે.

ટેસ્લાની EV ભારતમાં 25 ટકા સસ્તી થશે

એવું કહેવામાં આવી રહ્યું છે કે ટેસ્લા ભારતમાં જે 24,000 EVs બનાવવાની યોજના બનાવી રહી છે તેની કિંમત તેની સૌથી ઓછી કિંમત કરતાં 25 ટકા સસ્તી હશે. વાસ્તવમાં, કેન્દ્ર સરકાર દ્વારા ટેસ્લાને ભારતમાં આવીને તેની EVનું સ્થાનિક સ્તરે ઉત્પાદન કરવા માટે કહેવામાં આવ્યું હતું, જોકે ટેસ્લાએ કેન્દ્ર સરકાર પાસે તેની કાર બહારથી આયાત કરવા પર આયાત કર ઘટાડવાની માંગ કરી હતી, જેના પર સરકારે કોઈપણ પ્રકારની સંમતિ આપવાનો ઇનકાર કર્યો હતો. હવે ફરી એકવાર કંપની જુલાઈના અંતમાં યોજાનારી આ બેઠકમાં આ દિશામાં આગળ વધવાનો પ્રયાસ કરી રહી છે.

વડાપ્રધાન નરેન્દ્ર મોદીએ ઈલોન મસ્ક સાથે મુલાકાત કરી હતી
તાજેતરમાં જ ટેસ્લાના માલિક એલોન મસ્કે અમેરિકાની મુલાકાતે ગયેલા ભારતીય વડાપ્રધાન નરેન્દ્ર મોદીને મળ્યા બાદ એક મોટી વાત કહી હતી. તેમના મતે ટેસ્લા ભારતમાં મોટા રોકાણ પર વિચાર કરી રહી છે. આ સાથે એ પણ અહેવાલ છે કે વિશ્વની સૌથી મોટી ઇલેક્ટ્રિક કાર નિર્માતા કંપનીના માલિક ઇલોન મસ્ક પણ 2024માં ભારતની મુલાકાતે આવી શકે છે.

ભારતમાં ફેક્ટરી માટે ટેસ્લાની યોજના શું છે?
ટેસ્લા ભારતમાં સ્થાનિક સ્તરે ઓછી કિંમતના ઇલેક્ટ્રિક વાહનો (EVs)નું ઉત્પાદન અને નિકાસ કરવા માટે ફેક્ટરી સ્થાપવાની યોજના પર કામ કરી રહી છે. કંપનીએ એવો પણ સંકેત આપ્યો છે કે આ ફેક્ટરીમાં નવા વાહનો બનાવવામાં આવશે.

ભારતમાં કારોબાર શરૂ કરવામાં ટેસ્લાની અડચણો શું છે?
નોંધપાત્ર રીતે, ટેસ્લા ઇચ્છે છે કે તેના આયાતી વાહનો અને ભાગો પર ટેક્સ ડ્યુટી ઘટાડવામાં આવે. જ્યારે સરકારી અધિકારીઓએ પહેલેથી જ સ્પષ્ટ કરી દીધું છે કે ટેસ્લાએ નફાને ધ્યાનમાં લેતા પહેલા ભારતમાં ઉત્પાદન શરૂ કરવું જોઈએ