Google તેના કરોડો યુઝર્સને રોજ નવા ફીચર્સ આપતું જ રહે છે. ત્યારે હવે કંપનીએ વધુ એક ફીચર એડ કરતા યુઝર્સને ખુશ કર્યા છે. જેમા કંપનીએ Gmail મોબાઇલ એપ્લિકેશનમાં અનુવાદ એકીકરણની જાહેરાત કરી છે. આ સુવિધાનો ઉપયોગ Gmail મોબાઇલ એપ્લિકેશનમાં અનુવાદ સંકલન દ્વારા કરી શકાય છે. કંપનીએ એક બ્લોગપોસ્ટમાં જણાવ્યું હતું કે, “આજથી, અમે Gmail મોબાઇલ એપ્લિકેશનમાં મૂળ ભાષાંતર એકીકરણની જાહેરાત કરતા આનંદ અનુભવીએ છીએ. આ તમને વિવિધ ભાષાઓમાં વિના પ્રયાસે વાતચીત કરવામાં સક્ષમ બનાવશે.
ફીચરની સૌથી મહત્વની વાત શું છે ?
કંપનીએ કહ્યું કે ઘણા યુઝર્સે આ ફીચર માટે વિનંતી કરી હતી. હવે ટ્રાન્સલેટ ફીચર દ્વારા યુઝર્સ કોઈપણ ભાષામાં વાતચીત વાંચી અને સમજી શકશે. સ્માર્ટફોન પર સંદેશને તમારી ભાષામાં અનુવાદિત કરવા માટે, તમારે બેનર પર આપેલા “અનુવાદ” વિકલ્પને પસંદ કરીને તમારી પસંદગીની ભાષા પસંદ કરવી પડશે. આ ફીચરની સૌથી મહત્વની વાત એ છે કે યુઝર્સ એ પણ પસંદ કરી શકે છે કે Gmail એ કોઈ ચોક્કસ ભાષાનું ભાષાંતર કરે અથવા ક્યારેય કોઈ ભાષાનું ભાષાંતર ન કરે. જોકે, આ માટે કોઈ એડમિન કંટ્રોલ આપવામાં આવ્યું નથી. કંપની દ્વારા આપવામાં આવેલી માહિતી અનુસાર, ટ્રાન્સલેટ બેનર ત્યારે જ દેખાશે જ્યારે યુઝરના એકાઉન્ટ સેટિંગ્સમાં મેસેજના કન્ટેન્ટની ભાષા Google.com Mail Display Language થી અલગ હશે.
કેવી રીતે ઉપયોગ કરી શકાશે
આ ફીચરનો ઉપયોગ કરવા માટે તમારે પહેલા Gmail એપ અપડેટ કરવી પડશે. મોબાઈલ વર્ઝનમાં પણ યુઝર્સને વેબ વર્ઝનની જેમ ટોચ પર એક નાનું બેનર દેખાશે, જ્યાંથી તમે કોઈપણ ભાષામાં Gmailમાં મેઈલ લખી શકશો. જો તમારી પ્રાથમિક ભાષા અંગ્રેજી છે, તો બેનરમાં અન્ય કોઈપણ ભાષા પસંદ કરીને, તમે તેમાં મેઈલ લખી શકશો.
આ પણ વાંચો – અવિશ્વાસ પ્રસ્તાવ પર ચર્ચાનો બીજો દિવસ, Rahul Gandhi કરશે ચર્ચા, Amit Shah, Smruti Irani આપશે જવાબ
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ