Rishabh Pant : રિષભ પંતની આગેવાની હેઠળની દિલ્હી કેપિટલ્સને (Delhi Capitals) ગઈકાલે કોલકાતા નાઈટ રાઈડર્સ (Kolkata Knight Riders) સામેની મેચમાં 106 રનથી કારમી હારનો સામનો કરવો પડ્યો હતો. આ કારમી હાર બાદ દિલ્હીના કેપ્ટન અને તેની ટીમને વધુ એક મોટો ઝટકો લાગ્યો હતો. BCCIએ તેના પર લાખો રૂપિયાનો દંડ લગાવ્યો છે. આ વખતે BCCIએ આ દંડ માત્ર કેપ્ટન પર જ નહીં પરંતુ સમગ્ર ટીમ પર લગાવ્યો છે. દિલ્હી કેપિટલ્સની ટીમ KKR સામે સ્લો ઓવર રેટ માટે દોષી સાબિત થઈ છે. IPL 2024માં દિલ્હીની ટીમ દ્વારા બીજી વખત આ ભૂલ થઈ છે, જેના કારણે કેપ્ટન સહિત સમગ્ર ટીમ પર આ દંડ લગાવવામાં આવ્યો છે. આ સાથે રિષભ પંત પર (Rishabh Pan)એક મેચના પ્રતિબંધનો ખતરો પણ મંડરાઈ રહ્યો છે.
પંત ફરી સ્લો ઓવર રેટ માટે દોષિત
IPL પ્રેસ રિલીઝ મુજબ,દિલ્હી કેપિટલ્સના કેપ્ટન (Delhi Capitals) રિષભ પંતને 3 એપ્રિલે વિશાખાપટ્ટનમના ડૉ. વાયએસ રાજશેખર રેડ્ડી એસીએ-વીડીસીએ ક્રિકેટ સ્ટેડિયમમાં કોલકાતા નાઈટ રાઈડર્સ (Kolkata Knight Riders) સામેની IPL 2024ની મેચ દરમિયાન તેની ટીમ દ્વારા સ્લો ઓવર રેટ જાળવી રાખ્યા બાદ દંડ લાદવામાં આવ્યો છે.
𝙄 𝙛𝙚𝙚𝙡 𝙡𝙞𝙠𝙚 𝙄'𝙢 𝙤𝙣 𝙩𝙤𝙥 𝙤𝙛 𝙩𝙝𝙚 𝙬𝙤𝙧𝙡𝙙
pic.twitter.com/p3NslRceWA
— KolkataKnightRiders (@KKRiders) April 3, 2024
પંતને 24 લાખ રૂપિયાનો દંડ
પ્રેસ રિલીઝમાં આગળ જણાવવામાં આવ્યું છે કે,IPLની આચાર સંહિતા હેઠળ ન્યૂનતમ ઓવર રેટના ગુનાને લગતો આ તેની ટીમનો સિઝનનો બીજો ગુનો હોવાથી, પંતને 24 લાખ રૂપિયાનો દંડ ફટકારવામાં આવ્યો હતો. ઈમ્પેક્ટ પ્લેયર સહિત પ્લેઇંગ-11ના બાકીના સભ્યોને વ્યક્તિગત રીતે 6 લાખ રૂપિયા અથવા તેમની સંબંધિત મેચ ફીના 25 ટકા જે ઓછું હોય તે દંડ ફટકારવામાં આવ્યો છે.
A knock that showcased class & power
#YehHaiNayiDilli #IPL2024 #DCvKKR pic.twitter.com/QUJRimLKEi
— Delhi Capitals (@DelhiCapitals) April 3, 2024
શું કહે છે IPLના નિયમો?
જણાવી દઈએ કે જો દિલ્હી કેપિટલ્સ ટીમ આ સિઝનમાં ત્રીજી વખત સ્લો ઓવર રેટ માટે દોષી સાબિત થાય છે, તો કેપ્ટન પર એક મેચ માટે પ્રતિબંધ પણ લાગી શકે છે. IPLના નિયમો અનુસાર જો ટીમ ત્રીજી વખત આ ભૂલ કરે છે, તો કેપ્ટન પર 30 લાખ રૂપિયાના દંડની સાથે એક મેચ માટે પ્રતિબંધ લગાવવામાં આવશે, આ સાથે ટીમના બાકીના ખેલાડીઓને 12 લાખ રૂપિયાનો દંડ અથવા તેમની મેચ ફીના 50% દંડ ફટકારવામાં આવશે.
આ પણ વાંચો – DC vs KKR : ટૂર્નામેન્ટમાં કોલકતાની જીતની હેટ્રિક, દિલ્હી કેપિટલ્સની કારમી હાર
આ પણ વાંચો – KKR VS DC : KKR એ ટોસ જીતી કરી બેટિંગની પસંદગી, જાણો મેચમાં કોણ કેટલું મજબૂત
આ પણ વાંચો – RCB Vs LSG : ધોની-સચિન ન કરી શક્યા તે વિરાટ કોહલીએ કરી બતાવ્યું
