મુંબઈના વાનખેડે સ્ટેડિયમમાં આજે ભારત અને ન્યૂઝીલેન્ડ વચ્ચે વર્લ્ડ કપ 2023 ની પ્રથમ સેમી ફાઈનલ રમાવાની છે. ત્યારે ફાઈનલમાં પહોંચવા માટે ટીમ ઈન્ડિયાને આજે એક મોટા પડકારનો સામનો કરવો પડશે અને તે છે ન્યૂઝીલેન્ડ. જો ભૂતકાળમાં જોવામાં આવે તો આ એકમાત્ર ટીમ છે કે જેની સામે ટીમ ઈન્ડિયા નબળી સાબિત થઇ છે. અને આ એ ટીમ છે જેણે 2019 ના વર્લ્ડ કપ સેમી ફાઈનલમાં ભારતને વર્લ્ડ કપમાંથી બહાર કરી કરોડો લોકોના દિલ તોડ્યા હતા. હવે આજે આ જ ટીમ સેમી ફાઈનલમાં ભારત વિરુદ્ધ એક મોટો પડકાર ફેકવા તૈયાર છે તો બીજી તરફ ટીમ ઈન્ડિયા આ પડકારનો સામનો કરવા તૈયાર છે.
આજે 2019 નું નહીં થાય પુનરાવર્તન
2019 વર્લ્ડ કપ સેમી ફાઈનલમાં ટીમ ઈન્ડિયાને ન્યૂઝીલેન્ડ વિરુદ્ધ હારનો સામનો કરવો પડ્યો હતો. જેને આજે પણ ટીમ ઈન્ડિયા અને કરોડો દેશવાસીઓ ભૂલ્યા નથી. આ એ જ મેચ હતી જે ભારતીય ક્રિકેટ ટીમના સૌથી સફળ કેપ્ટન રહી ચુકેલા મહેન્દ્રસિંહ ધોનીની અંતિમ મેચ હતી. આ મેચમાં ધોનીના રનઆઉટને આજે પણ લોકો યાદ કરી રડી પડે છે. જોકે આ વખતે ન્યૂઝીલેન્ડની ટીમને એક એવી ટીમનો સામનો કરવાનો છે જે આ ટૂર્નામેન્ટમાં અજય રહી છે અને આ પહેલા એક મુકાબલામાં ન્યૂઝીલેન્ડને માત આપી ચુકી છે. ત્યારે કરોડો દેશવાસીઓ આજે પણ આ મેચમાં ટીમ ઈન્ડિયા જીતે તેવી પ્રાર્થના સાથે મેચ જોવા તૈયાર થઇ ગયા છે. કહેવાય છે કે પ્રાર્થનાનો ઘણો પ્રભાવ હોય છે. જો કે ભારત 2015 અને 2019માં પણ સેમી ફાઈનલમાં પહોંચ્યું હતું. આ બંને સેમી ફાઈનલ મેચમાં વિરાટ કોહલી એક રન બનાવીને આઉટ થયો હતો. પરંતુ આ સમયે વિરાટ કોહલીના સિતારા ચરમસીમા પર છે અને આ તેની કુંડળીનો સુવર્ણ સમય છે.
ભારતીય ટીમને 140 કરોડ દેશવાસીઓની પ્રાર્થનાની જરૂર
વાનખેડેમાં ભારત અને ન્યૂઝીલેન્ડની આજની મેચ ઓછામાં ઓછી 80% જીત માટે વિરાટ કોહલીની બેટિંગ પર નિર્ભર રહેશે. કોઈપણ રીતે, શનિદેવ ચોક્કસપણે ભારતની તરફેણમાં છે. પરંતુ જો આપણે ન્યૂઝીલેન્ડના પરિપ્રેક્ષ્યમાં જોઈએ તો આજ સુધી ન્યૂઝીલેન્ડ એક પણ વર્લ્ડ કપ જીતી શક્યું નથી. ન્યૂઝીલેન્ડની ટીમ ખરેખર લડાયક ટીમ છે. એટલે કે, આપણે કહી શકીએ કે આઈન્સ્ટાઈનનો સાપેક્ષતાનો સિદ્ધાંત અહીં લાગુ પડે છે. આનો મતલબ એ છે કે આપણે ઘણા સારા છીએ પણ કોઈ બીજું આપણાથી પણ સારું હોઈ શકે છે. તેનો અર્થ સ્પષ્ટ છે કે આજે ભારતીય ટીમને 140 કરોડ દેશવાસીઓની પ્રાર્થનાની જરૂર છે. જો ભારત આજે મેચ જીતશે તો નિશ્ચિતપણે ફાઈનલ જીતીને વર્લ્ડકપ જીતી લેશે તે નિશ્ચિત છે.
ચાલો જ્યોતિષીય વિશ્લેષણમાં શક્યતાઓ વિશે વાત કરીએ
1. જો ભારત આજે ટોસ જીતીને પ્રથમ બોલિંગ કરે તો તે સારું રહેશે. આ સ્થિતિમાં ન્યૂઝીલેન્ડની ટીમ 250 થી 290 રનની વચ્ચે સમેટાઈ જશે. આજની મેચમાં બોલિંગમાં જસપ્રીત બુમરાહ ખૂબ જ સારી ભૂમિકા ભજવશે.
2. જ્યારે ભારત બીજી ઇનિંગમાં બેટિંગ કરવા આવશે તો ભારતીય ટીમ 49 ઓવર પહેલા આ ટાર્ગેટ હાંસલ કરી લેશે. એક જ વાત મહત્વની છે કે વિરાટ કોહલીએ આજે સદી ફટકારવી જોઈએ. સચિન તેંડુલકર પણ આજે ખૂબ જ ખુશ હશે કે તે વિરાટ કોહલીને તેનો રેકોર્ડ તોડવા બદલ અભિનંદન અને આશીર્વાદ આપશે.
3. જો કોઈ કારણોસર ભારતીય ટીમ પ્રથમ બેટિંગ કરે છે અને ભારતીય ટીમનો સ્કોર 300 થી ઉપર રહે છે, તો તે ચોક્કસપણે મેચ જીતશે. પરંતુ જો ભારતીય ટીમ 300થી નીચે સ્કોર કરે છે તો મેચ જીતવી ઘણી મુશ્કેલ બની જશે.
એક બહુ જૂની કહેવત છે કે જ્યાં દવા કામ નથી કરતી ત્યાં પ્રાર્થના કામ કરે છે. તેથી ચાલો આપણે સૌ ભારતીય ટીમ માટે પ્રાર્થના કરીએ. આજે ગુજરાત ફર્સ્ટની પૂરી ટીમ ભારત અને ન્યૂઝીલેન્ડની ટીમને શુભેચ્છા પાઠવે છે. મેદાનમાં જાઓ ઔર આજ છા જાઓ…
આ પણ વાંચો – World Cup semifinal; પ્રથમ સેમિફાઇનલ, ભારત અને ન્યૂઝીલેન્ડ વચ્ચે ફાઈનલમાં પ્રવેશવાનો જંગ
આ પણ વાંચો – જો ભારત અને ન્યુઝીલેન્ડ વચ્ચેની સેમી ફાઈનલ મેચ ટાઈ થાય તો કોણ વિજેતા બનશે ? જાણો ICCના નિયમો શું કહે છે…
ગુજરાત ફર્સ્ટ તમને સમાચારોથી હંમેશા અવગત રાખશે