ICC World Cup 2023 માં વધુ એક મોટો ફેરફાર જોવા મળ્યો છે. નેધરલેન્ડે મંગળવારે ધર્મશાલામાં દક્ષિણ આફ્રિકાને 38 રને હરાવ્યું છે. વરસાદના કારણે મેચ 43-43 ઓવરની કરવામાં આવી હતી. નેધરલેન્ડ્સે 246 રનનો ટાર્ગેટ આપ્યો હતો અને દક્ષિણ આફ્રિકા 42.5 માં 207 રન બનાવીને ઓલ આઉટ થઇ ગયું હતું. ODI World Cup માં દક્ષિણ આફ્રિકા સામે નેધરલેન્ડની આ પ્રથમ જીત છે. આ પહેલા નેધરલેન્ડે T20 વર્લ્ડ કપ 2022માં દક્ષિણ આફ્રિકાને 13 રને હરાવ્યું હતું. જણાવી દઈએ કે નેધરલેન્ડ પહેલા વર્તમાન ટૂર્નામેન્ટમાં અફઘાનિસ્તાને ડિફેન્ડિંગ ચેમ્પિયન ઈંગ્લેન્ડને 69 રનથી હરાવીને ખળભળાટ મચાવ્યો હતો.
નેધરલેન્ડની ટીમ ટુર્નામેન્ટનો બીજો અપસેટ સર્જવામાં સફળ રહી
વર્લ્ડ કપ 2023ની 15મી મેચ મંગળવારે ધર્મશાલામાં દક્ષિણ આફ્રિકા અને નેધરલેન્ડ વચ્ચે રમાઈ હતી. આ મેચમાં નેધરલેન્ડની ટીમ ટુર્નામેન્ટનો બીજો અપસેટ સર્જવામાં સફળ રહી હતી. તેઓએ રોમાંચક મેચમાં દક્ષિણ આફ્રિકાને 10 રને હરાવ્યું છે. નેધરલેન્ડ દ્વારા આપવામાં આવેલા 246 રનના ટાર્ગેટનો પીછો કરતા આફ્રિકાની ટીમ 27.4 ઓવરમાં 140 રનમાં ઓલઆઉટ થઈ ગઈ હતી. આમ નેધરલેન્ડની ટીમ ટૂર્નામેન્ટમાં તેની પ્રથમ સફળતા હાંસલ કરવામાં સફળ રહી.
One of the greatest @cricketworldcup upsets of all time in Dharamsala as Netherlands overcome South Africa
#SAvNED
: https://t.co/mqR5mKX179 pic.twitter.com/8Qs5HUSe9o
— ICC (@ICC) October 17, 2023
મિલરની લડાયક ઇનિંગ્સ નિરર્થક ગઈ
લક્ષ્યનો પીછો કરતી વખતે, નીચલા ક્રમના અનુભવી બેટ્સમેન ડેવિડ મિલરે 52 બોલમાં 43 રનની લડાયક ઇનિંગ રમી હતી, પરંતુ તે પણ પોતાની ટીમને જીત તરફ લઈ જવામાં નિષ્ફળ રહ્યો હતો. મિલર ઉપરાંત ટીમના બીજા સૌથી વધુ સ્કોરર કેશવ મહારાજ હતા. નવમા સ્થાને બેટિંગ કરતા તે 27 બોલમાં 23 રનનું યોગદાન આપવામાં સફળ રહ્યો હતો.
નેધરલેન્ડના બોલરોનું પ્રદર્શન
આફ્રિકાની મજબૂત બેટિંગ લાઈન-અપને જોઈને એવી અપેક્ષા રાખવામાં આવી રહી હતી કે તેઓ આ લક્ષ્યને આસાનીથી હાંસલ કરશે, પરંતુ નેધરલેન્ડના બોલરોએ શાનદાર પ્રદર્શન કર્યું અને તેમને લક્ષ્ય સુધી પહોંચવા દીધા નહીં. ટીમ માટે, લોગાન વાન બીક, પોલ વાન મીકરેન, બાસ ડી લીડે અને રોએલોફ વાન ડેર મર્વે અનુક્રમે બે સફળતા હાંસલ કરી. જ્યારે કોલિન એકરમેન એક વિકેટ લેવામાં સફળ રહ્યો હતો.
નેધરલેન્ડ 245 રન બનાવવામાં સફળ રહ્યું હતું
આ પહેલા આજે ધર્મશાલામાં ટોસ હારીને પ્રથમ બેટિંગ કરવા ઉતરેલી નેધરલેન્ડની ટીમ આઠ વિકેટના નુકસાને 245 રન બનાવી શકી હતી. ટીમ માટે સાતમા ક્રમે બેટિંગ કરતા કેપ્ટન સ્કોટ એડવર્ડ્સે 69 બોલમાં 78 રનની અણનમ ઇનિંગ રમી હતી.
આફ્રિકાની ચુસ્ત બોલિંગ
આ મેચમાં આફ્રિકન બોલરોનું પ્રદર્શન શાનદાર રહ્યું હતું. ટીમ માટે લુંગી એનગિડી, માર્કો જોન્સન અને કાગીસો રબાડા અનુક્રમે બે-બે વિકેટ લેવામાં સફળ રહ્યા હતા. જ્યારે ગેરાલ્ડ કોએત્ઝી અને કેશવ મહારાજને એક-એક સફળતા મળી હતી.
આ પણ વાંચો – ઓસ્ટ્રેલિયાએ World Cup ની પહેલી જીત મેળવી, શ્રીલંકાને 5 વિકેટે હરાવ્યું
આ પણ વાંચો – ENG vs AFG : અફઘાનિસ્તાન સામેની હાર બાદ ઇંગ્લેંડના નામે નોંધાયા આ શરમજનક રેકોર્ડ
ગુજરાત ફર્સ્ટ તમને સમાચારોથી હંમેશા અવગત રાખશે
