Appointment : લોકસભા ચૂંટણી 2024 પૂરી થતાં જ ભાજપે હવે વિધાનસભા ચૂંટણીની તૈયારીઓ શરૂ કરી દીધી છે. ભાજપે મહારાષ્ટ્ર, હરિયાણા, ઝારખંડ અને જમ્મુ-કાશ્મીર રાજ્યો માટે ચૂંટણી પ્રભારીની નિમણૂક (Appointment) કરી છે. સોમવારે પાર્ટીએ ભૂપેન્દ્ર યાદવને મહારાષ્ટ્રના ચૂંટણી પ્રભારી તરીકે જાહેર કર્યા. આ સિવાય રેલ્વે મંત્રી અશ્વિની વૈષ્ણવને સહ-પ્રભારી બનાવવામાં આવ્યા છે. શિક્ષણ પ્રધાન ધર્મેન્દ્ર પ્રધાનને હરિયાણાની જવાબદારી મળી છે અને તેમની સાથે ત્રિપુરાના પૂર્વ સીએમ બિપ્લબ કુમાર દેબને સહ-પ્રભારી બનાવવામાં આવ્યા છે. આ બે રાજ્યોમાં આ વર્ષે ઓક્ટોબરમાં વિધાનસભાની ચૂંટણી યોજાવાની છે.
4 રાજ્યોમાં આગામી વિધાનસભા ચૂંટણી માટે ભાજપે પ્રભારીઓની નિમણૂક
4 રાજ્યોમાં આગામી વિધાનસભા ચૂંટણી માટે ભાજપે પ્રભારીઓની નિમણૂક કરી છે. મહારાષ્ટ્રમાં ભૂપેન્દ્ર યાદવને ચૂંટણી પ્રભારી અને અશ્વિની વૈષ્ણવને ચૂંટણી સહ-પ્રભારી નિયુક્ત કરવામાં આવ્યા છે. હરિયાણામાં ધર્મેન્દ્ર પ્રધાનને રાજ્ય ચૂંટણી પ્રભારી અને બિપ્લબ દેબને રાજ્ય ચૂંટણી સહ-પ્રભારી બનાવવામાં આવ્યા છે.
BJP appoints party leaders Bhupender Yadav and Ashwini Vaishnaw as State election incharge and co-incharge for Maharashtra
Party leaders Dharmendra Pradhan and Biplab Kumar Dev made election incharges for Haryana pic.twitter.com/eOGKj2xxPv
— ANI (@ANI) June 17, 2024
ઝારખંડની જવાબદારી શિવરાજ સિંહને
ઝારખંડની જવાબદારી શિવરાજ સિંહને આપવામાં આવી છે. અહીં હિમંતા બિસ્વા સરમાને સહ-પ્રભારી બનાવવામાં આવ્યા છે. તે જ સમયે, જમ્મુ અને કાશ્મીરની જવાબદારી જી કિશન રેડ્ડીને આપવામાં આવી છે તાજેતરમાં જ દેશમાં લોકસભાની ચૂંટણી યોજાઈ હતી. આ ચૂંટણીના પરિણામો 4 જૂને આવ્યા હતા. આ ચૂંટણીઓમાં ભાજપના નેતૃત્વમાં એનડીએને બહુમતી મળી છે. આવી સ્થિતિમાં ભાજપ હવે સત્તામાં આવી ગયું છે અને વિધાનસભાની ચૂંટણીની તૈયારીઓ શરૂ કરી દીધી છે.
વર્ષના અંત સુધીમાં યોજાશે ચૂંટણી
આ વર્ષના અંત સુધીમાં મહારાષ્ટ્ર, હરિયાણા, ઝારખંડ અને જમ્મુ કાશ્મીરમાં વિધાનસભાની ચૂંટણી યોજાવાની છે. આવી સ્થિતિમાં ભાજપે ચારેય રાજ્યોમાં પ્રભારી અને સહપ્રભારીઓના નામની જાહેરાત કરી છે.
આ પણ વાંચો—— Speaker : વાંચો, કેમ ખુબ મહત્વનું હોય છે સ્પીકરનું પદ
આ પણ વાંચો–— Ban Free Electricity : આસામ સરકારનો ચોંકાવનારો નિર્ણય, નહીં મળે કોઈને મફત વીજળી
