PM નરેન્દ્ર મોદીને મળ્યાના થોડા દિવસો બાદ કોંગ્રેસે આચાર્ય પ્રમોદ કૃષ્ણમ (Pramod Krishnam)ને પાર્ટી વિરોધી ગતિવિધિઓના આરોપમાં 6 વર્ષ માટે હાંકી કાઢ્યા હતા. શનિવારે એક સત્તાવાર નિવેદનમાં કહેવામાં આવ્યું છે કે કોંગ્રેસ અધ્યક્ષે ‘તત્કાલ પ્રભાવથી પ્રમોદ કૃષ્ણમ (Pramod Krishnam)ને પાર્ટીમાંથી છ વર્ષ માટે હાંકી કાઢવાના ઉત્તર પ્રદેશ કોંગ્રેસ સમિતિના પ્રસ્તાવને મંજૂરી આપી દીધી છે’. તેમાં કહેવામાં આવ્યું છે કે ‘અનુશાસનની ફરિયાદો અને પક્ષ વિરુદ્ધ વારંવાર જાહેર નિવેદનો’ને પગલે આ નિર્ણય લેવામાં આવ્યો છે. મીડિયા સાથે વાત કરતા કોંગ્રેસમાંથી હાંકી કઢાયેલા નેતા આચાર્ય પ્રમોદ કૃષ્ણમે કહ્યું. ‘હું કંઈ કહેવા માંગતો નથી, હું બપોરે 1 વાગ્યે કલ્કિ ધામમાં પ્રેસ કોન્ફરન્સ કરીશ અને ત્યાં મારે જે કહેવું હશે તે કહીશ.’
કોંગ્રેસમાંથી હાંકી કાઢવામાં આવ્યા બાદ આચાર્ય પ્રમોદ કૃષ્ણમ (Pramod Krishnam)ની પ્રથમ પ્રતિક્રિયા સામે આવી છે. પોતાના X હેન્ડલ પર એક પોસ્ટમાં રાહુલ ગાંધીને ટેગ કરીને લખ્યું કે, ‘રામ અને રાષ્ટ્ર પર કોઈ સમજૂતી થઈ શકે નહીં’. તમને જણાવી દઈએ કે પ્રમોદ કૃષ્ણમે જાહેર મંચ પર રાહુલ ગાંધીનો સતત વિરોધ કર્યો હતો અને પ્રિયંકા ગાંધીનો પક્ષ લીધો હતો. તેમની માંગ હતી કે કોંગ્રેસની કમાન પ્રિયંકાના હાથમાં આપવામાં આવે, તો જ પાર્ટીનો કાયાકલ્પ શક્ય છે. છેલ્લા કેટલાક દિવસોથી તેઓ ભાજપ પ્રત્યે પણ સહાનુભૂતિ દર્શાવી રહ્યા હતા.
राम और “राष्ट्र”
पर “समझौता” नहीं किया जा सकता. @RahulGandhi— Acharya Pramod (@AcharyaPramodk) February 11, 2024
પાર્ટી લાઇનથી આગળ વધીને આચાર્ય પ્રમોદ કૃષ્ણમે (Pramod Krishnam) રામ મંદિર પર ભાજપને સમર્થન આપ્યું હતું. તેમણે રામ મંદિર પ્રાણ પ્રતિષ્ઠા સમારોહનો બહિષ્કાર કરવાના કોંગ્રેસના નિર્ણયની ખુલ્લેઆમ ટીકા કરી હતી અને તેને દુર્ભાગ્યપૂર્ણ નિર્ણય ગણાવ્યો હતો. તેઓ 22 જાન્યુઆરીએ રામ લલ્લાના અભિષેકમાં હાજરી આપવા માટે અયોધ્યા પણ ગયા હતા. આચાર્ય પ્રમોદ કૃષ્ણમે તાજેતરમાં જ PM નરેન્દ્ર મોદી અને ઉત્તર પ્રદેશના મુખ્યમંત્રી યોગી આદિત્યનાથને મળ્યા હતા અને તેમને 19 ફેબ્રુઆરીએ કલ્કિ ધામના શિલાન્યાસ સમારોહમાં હાજરી આપવા આમંત્રણ આપ્યું હતું. તેઓ કલ્કિ ધામના પીઠાધીશ્વર પણ છે.
પીએમ મોદીને મળ્યા બાદ આચાર્ય પ્રમોદ કૃષ્ણમે (Pramod Krishnam) કહ્યું હતું કે, ‘તેમને મળ્યા પછી મને સમજાયું કે તેમના પર દૈવી કૃપા છે. તે દૈવી શક્તિનું પ્રતીક છે. પીએમને મળ્યા બાદ મેં જે લાગણી અનુભવી તે શબ્દોમાં વ્યક્ત કરી શકાય તેમ નથી. તેમણે વિપક્ષી ગઠબંધન પર પણ આકરા પ્રહારો કર્યા હતા. પ્રમોદ કૃષ્ણમે મીડિયા સાથે વાત કરતાં કહ્યું હતું કે, ‘INDI બ્લોક બચ્યું જ ક્યાં છે? જન્મ થતાં જ આ ગઠબંધન બીમાર પડ્યું અને ICU માં જતું રહ્યું. આ પછી નીતિશ કુમારે પટનામાં અંતિમ સંસ્કાર કર્યા. જયંત ચૌધરી ટૂંક સમયમાં ઈન્ડિયા બ્લોકનું શ્રાદ્ધ કરશે.
કોણ છે આચાર્ય પ્રમોદ કૃષ્ણમ?
આચાર્ય પ્રમોદ કૃષ્ણમ (Pramod Krishnam)નો જન્મ 4 જાન્યુઆરી 1965ના રોજ ઉત્તર પ્રદેશના સંભલમાં એક ત્યાગી પરિવારમાં થયો હતો. તેઓ કોંગ્રેસની ટિકિટ પર બે વખત લોકસભાની ચૂંટણી લડી ચૂક્યા છે. પાર્ટીએ તેમને 2014માં સંભલ અને 2019માં લખનૌથી ઉમેદવાર બનાવ્યા હતા. બંને વખત તેને હારનો સામનો કરવો પડ્યો હતો. તેઓ કોંગ્રેસની ઉત્તર પ્રદેશ સલાહકાર પરિષદનો ભાગ હતા, જે તત્કાલીન યુપી પ્રભારી પ્રિયંકા ગાંધી વાડ્રાને મદદ કરવા માટે રચવામાં આવી હતી. આચાર્ય પ્રમોદ કોંગ્રેસથી નારાજ હોવાનું એક કારણ માનવામાં આવે છે કે સમાજવાદી પાર્ટીએ 2024માં સંભલ અને લખનૌ બંને બેઠકો પર તેના ઉમેદવારો ઉભા કરવાની જાહેરાત કરી હતી. તમને જણાવી દઈએ કે સપા ઈન્ડિયા બ્લોકનો એક ભાગ છે અને યુપીમાં 2024 માટે કોંગ્રેસ સાથે ગઠબંધન કરી શકે છે.
આ પણ વાંચો : Bihar : CPM ધારાસભ્ય માંઝીને મળ્યા, JDU એ વ્હીપ જારી કર્યો…, ફ્લોર ટેસ્ટ પહેલા…
